Matthew 8
8
1Jesus manilrumin atqaungman inuit amihun maliktaat. 2Aahiin inuum kilaaqhimajum tikittugu hiitqurvigijaa uqallautiplugu, “Ataniiq, pijumaguvin killaiktinniaqtarma.” 3Jesusim ihaakhuni aktuqtaa uqaqhuni, “Pijumajunga, nakuuhigguit.” Tatjainnarlu killaiqtuq. 4Jesusim uqallautijaraluanga, Uuminga unniutittailugit inuit. Angaatjuvikpagjuakkut kihimi upakkit takupkaquplugit ilingnik tapkununga aitturiaqturlutillu Moses pitquivangman naunaitkutikhaqaquplugit inungnun. 5Jesus Capernaumun tikiliqtillugu angun angujaktilik taffumunga upangniktuq tukhiarvigiplugu 6uqaqhuni, “Ataniiq, kivgara iglumni nallajuq tumangajutun uluriahukpiaqhuni.” 7Kiujaa, “Pulaatjavunga nakuuhipkaquplugu.” 8Angujaktilgum uqautijaraluanga “Ataniiq, uvanga kannguhuutikhaqaqpallaarama iglumnun pulaaqtukhaunngitkaluaqtutin; uqainnaruvin kihimi kivgara nakuuhiniaqtuq. 9Uvanga ataninguqtitauvakkama angujaktinun, ilanganun uqaruma, ‘Ailirin,’ aijuq, aallanulluuniin, ‘Qaigiarin,’ qaijuq; kivgaraluuniin uqautigupku, ‘Una pigguuk,’ pijaa tamna.” 10Jesus taffuminga tuhaagami arliguttaktuq malirutiminun uqaqhuni, “Ilumun uqautigiffi, Israelmiuni ilaa ukpiqtumik ikumatun-ittumik tautunngitpaktunga. 11Uqautigiffilu, uataanin, kivataanillu inuit amigaittut qaihungujun ikhivaqatigijumaplugit Abraham, Isaac, Jacoblu qilaum atan'nguviani. 12Atan'nguviata qitun'ngain taarnirmun hilataanun igitaugaluaqtillugit: takanani inuit qiahungujun kiipkaktinniaqhutik.” 13Angujaktilingmullu Jesus uqaqtuq, “Ailutin ukpiravin piniaqtutin pijumajarnik.” Tatjainnarlu taffuma kivganga nakuuhipkaqtaujuq.
Currently Selected:
Matthew 8: AQ
Highlight
Share
Copy
Want to have your highlights saved across all your devices? Sign up or sign in
