Matthew 9
9
1Jesus umiarmun ikigami ikaaqtuq igluqarvini tikittugu. 2Inuillu tumangajuq qarritijaat qipikhimajumik taffumunga. Jesusiplu tapkua ukpirningit nalunnginamigit tumangajumun uqallaktuq, “Quviahugin, irnira. Huinniqutin ihumagijaujungnairmata.” 3Taffumanilu titiraqtit ilait inminun uqallaktun, “Una angun uqanigluktuq Godmik.” 4Jesusim tapkua ihumangit ilihimagamigit uqaqtuq, “Huuq uummatiffingni ihumaalukpihi?” 5Naliak ajurnaitqijauva uqaallaglunii “Huinniqutitin ihumagijaujungnaitun?” imaatulluunniit, “Makittin pihugiarin?” 6Ilihimaqupluhi Inuum Irninga hakugingman nunami inuit huinniqutain ihumagijaujungnairlugit. Tumangajumun uqallaktuq, “Mikittin qipkit tiguguuk aigiarillu.” 7Tamna makinnami aijuq. 8Inuillu amigaittun tamna takugamitku arliguttaktun qujagiplugu God taffuma hakugiktinmagit inuit.
18Taimaittumik Jesus uqaqtillugu inuk tikittuq hiitquqhuni haanganun uqaqtuq, “Tatjannuaq paniga tuqujuq, qaiguvilli akturiaqturungni inuujumaaqtuq.” 19Jesusim makittuni maliktaa malirutaillu mailiktut. 20Ilaa taffumani arnaq aunaajuktuq ukiunik 12nik ittuq. Taffuma angugamiuk angutaata hinaagun akturiaqtuqtaa tunuanun. 21Inmigun uqarami, “Aannuraanga akturupku nakuuhiniaqtunga.” 22Jesusim qiviaqhuni tautukhugu uqaqtuq, “Quviahugin, paniga ukpirnivit nakuuhipkarmatin.” Tatjainnaq nakuuhivaktuq arnaq tamna. 23Jesuslu atan'ngum igluanun tikinnami tautukhugit hupluuktaliktun inuillu nivjaaqtun 24uqautijain, “Ahivaritti, arnaruhiq hiniinnarman tuquhimaittumik.” Inuit iglautigijaraluangat. 25Talva inuit anipkaqtautqaaqtillugit itiqtuq arnaruhim alganga tiguplugu. Tamna makittuq. 26Havaangalu tuhaannaqpiaktuq nunani ahini taffumani.
Currently Selected:
Matthew 9: AQ
Highlight
Share
Copy
Want to have your highlights saved across all your devices? Sign up or sign in
