A Zowɛlle 4
4
Sẽn-Ka-Saab na n bʋʋ ne bu-zẽmsã
1Sẽn-Ka-Saab yeelame: «Wakat-kãnga,
mam na n lebsa Zʋʋda ne Zeruzalɛm
nebã b zĩigẽ.
2La m na n tigma bu-zẽmsã fãa n kɩt tɩ b sig
a Zozafat longẽ wã.
Yaa beenẽ la mam na n bʋ ne bãmba,
la yaa sẽn kẽed ne Israyɛll sẽn yaa mam nebã,
n yaa m dẽndã wɛɛngẽ,
bãmb sẽn dig Israyɛll nebã tɩ b sãeeg n be
buud a taab sʋkã yĩnga,
la bãmb sẽn dɩk mam tẽngã n pʋɩ taabã yĩnga.
3Bãmb dɩka mam nebã n maan poeere,
bãmb dɩka bi-ribl n tek ne pʋg-yoodre,
la b koos bi-pugl n da reezẽ rãam n yũ.
4 #
Eza 23.1-18, Eze 26.1—28.26, Amo 1.9,10, Zaka 9.1-4, Mat 11.21,22, Luk 10.13,14 #
Eza 14.29-31, Zer 47.1-7, Eze 25.15-17, Amo 1.6-8, Sof 2.4-7, Zaka 9.5-7 Tɩɩr ne Sɩdõ nebã, yãmb dãmb fãa
sẽn be Filistẽ-dãmbã soolmẽ wã,
Yãmb data bõe ne maam?
Yãmb baood n doka y sũur ne maam la?
Yãmb sã n bao n na n dok y sũur ne maam,
mam na n kɩtame tɩ sɩbgr sẽn zems
ne yãmb lʋɩ y mens zutu!
5Yãmb wʋka m wanzuri wã ne m sãnemã,
m te-neebã sẽn tar yõodã,
n kẽng n tɩ ning y na-yiyã pʋse.
6Yãmb dɩka Zʋʋda ne Zeruzalɛm nebã
n koos ne Gɛrk-rãmbã,
sẽn na n yɩl n kɩt tɩ b zãag ne b tẽngã.
7Beneere, mam na n kõ-b-la pãnga,
tɩ b tõog n yi zĩis nins yãmb sẽn dag n koos-bã,
la m kɩt tɩ sɩbgr sẽn zems ne yãmb
wẽneg n lʋɩ y mens zutu.
8Mam na n dɩka yãmb kom-dibli wã
ne y kom-pugli wã n koos ne Zʋʋda nebã,
tɩ bãmb rɩk-b n koos ne Seba nebã sẽn be tẽn-zãrgẽ wã.
Yaa maam a Sẽn-Ka-Saab n yeele.»
Yaoolem zabre, la bʋ-kaoore
9Moon-y n togs-y bu-zẽmsã koe-kãngã:
«Segl-y y mens zabr yĩnga!
Nek-y y tãb-biisã!
Bɩ tãb-biisã fãa kolg n zabe!
10 #
Eza 2.4, Miis 4.3 Wʋk-y y wãg-koodsã n kud sʋʋse,
la y rɩk y goetã n kud kãna!
La bɩ ka-pãng soabã yeel t'a tara pãnga!
11Buud nins fãa sẽn gũbgã, wa-y tao-tao,
wa-y n tigm-y-yã!
Sẽn-Ka-Saabo, kɩt-y tɩ y gãndaadã sig beenẽ!
12Bɩ bu-zẽmsã neke,
n yik n kẽng a Zozafat longẽ wã!
Bala, yaa beenẽ la mam na n zĩnd n kao
buud nins fãa sẽn gũbgã bʋʋdo.
13 #
Vẽn 14.14-16,
Vẽn 14.19,20, 19.15 Rɩk-y y goeoogo, bala, bõn-bɩʋʋng taame.
Wa-y-yã! Kẽ-y n tab-y reezẽ biisã,
bala, reezẽ rãam wẽkr koglgã pidame,
tɩ sĩmsã pid ne reezẽ rãam n daandẽ!
N-yẽe! B tʋʋm-wẽnsã yaa wʋsgo.
14Kʋʋng-kʋʋng n wate,
b wata bʋ-kaoor longẽ wã!
Bala, Sẽn-Ka-Saab daarã kolgda
bʋ-kaoor longẽ wã.
15Wĩndgã ne kiuugã ka na n leb n kõ vẽenem ye.
La ãdsã ka na n leb n yãg ye.
16 #
Amo 1.2
Sẽn-Ka-Saab bee Sɩyõ n tãsdẽ,
bãmb bee Zeruzalɛm n zẽkd b koɛɛga.
Yĩngr la tẽng rĩmdame.
Sẽn-Ka-Saab yaa zĩ-soalgdg b nebã yĩnga,
b yaa pãng zĩig Israyɛll nebã yĩnga.
17Yaa woto la yãmb na n bãng tɩ mam yaa
Sẽn-Ka-Saab sẽn yaa yãmb Wẽnnaam,
n be Sɩyõ sẽn yaa bãmb tãn-sõngã zugu.
Zeruzalɛm na n yɩɩ zĩ-sõngo,
la bu-zẽmsã ka na n leb n pɩʋʋg be ye.»
Tɩlg-paalg Wẽnnaam nebã yĩnga
18Badaare, reezẽ rã-paalg na n zoee tãmsã zutu,
tɩ bĩisim zoe kunkubã zutu,
la koom na n zoee Zʋʋda ko-soayã fãa pʋse,
ko-bundum n na n yi Sẽn-Ka-Saab roogẽ wã,
n zoe n kẽ Sitim ko-soogã.
19B na n sãama Ezɩpte.
B na n sãama Edom t'a lebg we-raoogo,
b sẽn maan nen-keglem ne Zʋʋda nebã,
n daag bʋʋm dãmbã zɩɩm b tẽngẽ wã yĩnga.
20La Zʋʋda tẽngã na n kell n paama neb wakat fãa,
tɩ neb kell n zĩnd Zeruzalɛm zamaan woo zamaane.
21N-yẽe! Mam yetame tɩ b yaa bʋʋm dãmba,
mam ka na n bas b zɩɩmã raagr taal ye.
La maam a Sẽn-Ka-Saab na n zĩnda Sɩyõ.
Currently Selected:
A Zowɛlle 4: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.