A Zowɛlle 3
3
Sẽn-Ka-Saab Sɩɩgã sigbu
1Rẽ zugẽ, mam na n sika m Sɩɩgã ninsaalbã
buud fãa zugu:
yãmb kom-dibli la y kom-pugli na n yɩɩ
no-rɛɛsdba,
yãmb nin-kẽembã na n paama zãmsdo,
tɩ yãmb kom-bɩɩsã paam vẽnegre.
2Wakat-kãnga, mam na n sika m Sɩɩgã
baa ne yem-daadã ne yem-pogsã zutu.
3Mam na n kɩtame tɩ bãn puk yĩngr ne tẽngã zugu:
na n yɩɩ zɩɩm ne bugum, la bug-zõose.
4 #
Mat 24.29, Mark 13.24,25, Luk 21.25, Vẽn 6.12,13 Wĩndgã na n tekame n lebg lika,
tɩ kiuugã tek n lebg zɩɩm,
tɩ Sẽn-Ka-Saab daarã sẽn yaa
ra-kãseng sẽn sek yɛɛsgã yaool n wa.
5 #
Tʋʋm 2.17-21
#
Rom 10.13
La yaa neb nins fãa sẽn na n bool
Sẽn-Ka-Saab yʋʋrã bal n na n põse.
Bala, Sɩyõ tãngã zugu, ne Zeruzalɛm,
neb kẽer n na n põs wa Sẽn-Ka-Saab sẽn dag n yeelã,
la nin-bãmb yaa Sẽn-Ka-Saab sẽn bool-b rãmbã.
Currently Selected:
A Zowɛlle 3: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
