A Amoose 1
1
1 #
2Rĩm 15.1-7, 2Kib 26.1-23,
2Rĩm 14.23-29
Woto yaa a Amoos koeese. Yẽnda yaa Tekoa tẽng rũm-gʋʋnd a yembre. Wẽnnaam vẽnega yẽnda ne bũmb toay-toay sẽn kẽed ne Israyɛll wɛɛngẽ, Zʋʋda rĩm a Oozɩyaas wakate, la a Zoaas biig a Zeroboaam sẽn yaa Israyɛll rĩmã wakate, yʋʋm a yiib sẽn deng tẽn-digimdgã.
2 #
Zow 4.16
A Amoos yeelame:
Sẽn-Ka-Saab bee Sɩyõ n tãsdẽ,
bãmb bee Zeruzalɛm n zẽkd b koɛɛga.
Pe-kɩɩmbã rũms wãbneg zĩis kʋɩɩme,
la Karmell tãngã zug lebga ware.
Sẽn-Ka-Saab keooga Israyɛll ne a yagsã
Damaas nebã
3 #
Eza 17.1-3, Zer 49.23-27, Zaka 9.1 Ade, Sẽn-Ka-Saab yetame:
Damaas yel-kɛg a tãabã yĩnga,
m yeel tɩ naasẽ soabã yĩnga,
mam sẽn yeelã ka na n vaal ye:
Bãmb namsa Galaad nebã,
wa b sẽn pãbd ned ne kut rasaare,
4Mam na n kɩtame tɩ bugum dɩ
rĩm a Azayɛll buudã,
la bugmã na n dɩ a Bɛn-Hadaad pãng zĩisã.
5Mam na n kaoo Damaas tẽngã kʋɩlemse,
la m menes Bikat-Avɛn nebã,
la m sãam Bɛt-Edɛn nebã rĩm ning sẽn dɩt-a naamã,
Mam na n talla Aram#1.5 Aram: B sẽn yet tɩ Damaas nebã ne Aram nebã yaa bũmb a yembre. nebã n tɩ kẽes yembd Kɩɩr tẽnga,
Yaa Sẽn-Ka-Saab n yeele.
Filistẽ-dãmbã
6 #
Eza 14.29-31, Zer 47.1-7, Eze 25.15-17, Zow 4.4-8, Sof 2.4-7, Zaka 9.5-7 Ade, Sẽn-Ka-Saab yetame:
Gaaza yel-kɛg a tãabã yĩnga,
m yeel tɩ naasẽ soabã yĩnga,
mam sẽn yeelã ka na n vaal ye:
Bãmb yõga buud tõr nebã,
n tɩ kẽes-b yembd Edom.
7Woto yĩnga, mam na n kɩtame
tɩ bugum sig Gaaza tẽngã zugu,
n dɩ a pãng zĩisã
8Mam na n menesa Asdood nebã fãa,
ne Askelon ned ning sẽn zãad-a naam dasaarã.
Mam na n sãama Ekrõ nebã,
ne Filistẽ-dãmbã neb nins sẽn kellã.
Yaa Sẽn-Ka-Saab n yeele.
Feniisi nebã
9 #
Eza 23.1-18, Eze 26.1—28.19, Zow 4.4-8, Zaka 9.1-4, Mat 11.21,22, Luk 10.13,14 Ade, Sẽn-Ka-Saab yetame:
Fenisi nebã yel-kɛg a tãabã yĩnga,
m yeel tɩ naasẽ soabã yĩnga,
mam sẽn yeelã ka na n vaal ye:
Bãmb yõga buud tõr nebã,
n tɩ kẽes yembd Edom,
la b ka tẽeg kaool ning b
sẽn dag n maan ne Israyɛll nebã
sẽn yaa b ba-biisã yell ye.
10Woto yĩnga, mam na n kɩtame
tɩ bugum sig Tɩɩr tẽngã zugu,
n dɩ a pãng zĩisã
Edom nebã
11 #
Eza 34.5-17, 63.1-6, Zer 49.7-22, Eze 25.12-14, 35.1-15, Abd 1.1-14, Mal 1.2-5 Ade, Sẽn-Ka-Saab yetame:
Edom nebã yel-kɛg a tãabã yĩnga,
m yeel tɩ naasẽ soabã yĩnga,
mam sẽn yeelã ka na n vaal ye:
Bãmb diga Israyɛll nebã
sẽn yaa b saam-biisã ne zabr sʋʋga,
n ka zoe b nimbãaneg ye.
Bãmb ka tol n sik b sũur
ne Israyɛll nebã ye,
la kisgrã rag n ket n beeme.
12Woto yĩnga, mam na n kɩtame tɩ
bugum sig Teman zugu,
n dɩ Bostra pãng zĩisã.
Amo nebã
13 #
Zer 49.1-6, Eze 21.33-37, 25.1-7, Sof 2.8-11 Ade, Sẽn-Ka-Saab yetame:
Amo nebã yel-kɛg a tãabã yĩnga,
m yeel tɩ naasẽ soabã yĩnga,
mam sẽn yeelã ka na n vaal ye:
Bãmb weeda Galaad tẽng pagb nins
sẽn tʋtã pʋse,
sẽn na yɩl n yalg b soolmã.
14Woto yĩnga, mam na n kɩtame
tɩ bugum sig Raba zugu,
n dɩ a pãng zĩisã.
Nebã sẽn na n wa kelem zabrã daarã,
la sebgã fugb daare,
15B na n yõga Amo nebã rĩm
ne a nanambsã n tɩ kẽes yembdo.
Yaa Sẽn-Ka-Saab n yeele.
Currently Selected:
A Amoose 1: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
