MI CILIMA 43
43
1Mi koma den biagi ki pugini mi diema nni. 2Ban den dini ban ñani yaa *ŋalikama Ejipiti nni ki gbeni, Jakobo den yedi o bijaba: «Goa mani ki ban da tipo mi jiema waamu.» 3Juda den goa ki yedi o: «Laa ja den maadi ti leni u paalu yaa maama n tie na: ‹Yi waalo yaa yegi leni yi, yi kan go le n nunga.› 4Lanwani a yaa bua ti waalo n yegi leni ti, ti baa gedi ki ban da apo mi jiema. 5Ama a yaa bua ke wan yegi leni ti, ti kan gedi kelima laa ja den yedi ti: ‹Yi waalo yaa yegi leni yi yi kan go le n nunga.› » 6Lanwani Jakobo den yedi ba: «Be yaa po yo ke yi den tieni npo laa biadima ki waani laa ja ke yi go pia o waalo?» 7Bi den goa ki yedi o: «Laa ja den buali ti ti laabaalo leni ti denpo yaaba po ki yedi: ‹Yi baa, o go baa ye bi, naani yi go pia waalo toa goga?› Ti den guani opo o buali. Ti den baa tieni lede ki bandi ke o baa yedi: ‹Teni yi waalo n yegi leni yi ki cua?› »
8Juda den yedi o baa Jakobo: «Cedi ki biga n yegi leni nni tin fidi ki gedi ke tin yaa ye ki da kpe, tinba leni fini leni ti bila kuli. 9N baa guani o a kani. Lan yaaka ŋan go buali nni opo. N yaa go guani o a kani ki sieni o a nintuali, n baa ye leni i tagili a nintuali hali yaa yogunu kuli. 10Ti yaa den waagi deni, ti den baa fidi ki gedi taalima lie.»
11Bi baa Jakobo den yedi ba: «Lanwani kelima li tie tiladi tieni mani yeni. Taa mani ti diema piama, yaama n ŋani ki cie mi piama kuli ki ŋuuni yi kpalipadi nni ki gedini bu paabu laa ja po. Taa mani mi kpama waamu leni ti siadi waamu leni yaa tibidi yaa sinma yaa nuulu n mani ki yi ladanumi leni yaa bonbima n yi pisitasa leni amandie. 12Taa mani i ligi lan pundi taalima lie ki go guani ban den ŋuuni yaa ligi yi kpalipadi ñoana nni. Daalinba bi den tude. 13Taa mani yi waalo ki fii ki goa laa ja po. 14U Tienu yua n pia u paalu kuli n teni ke yin baa li *ŋanbili laa ja kani, ke wan tuo yi kpelo leni Benjamina n yegi leni yi ki guani. Mini yaa po, bi yaa baa fie n bila, ban fie.»
Josefi kpeliba goa ki cua o kani leni bi waalo
15Bi den taa bu paabu leni i ligi ke li pundi taalima lie ki go taa Benjamina ki fii ki gedi Ejipiti ki pundi Josefi nintuali. 16Josefi n den laa ke Benjamina ye leni ba, o den yedi o naacemo: «Teni bi niba yeni n kua li dieli nni. Kodi ti yandi ki ŋanbi kelima laa niba baa je leni nni u yensiinu.» 17Laa ja den tieni Josefi n den waani o yaala ki gedini laa niba Josefi diegu nni. 18Bi den ye leni ti jawaandi ban den gedini ba Josefi diegu nni yaa yogunu. Bi den yedi: «Bi cuani ti kelima yaa ligi n den bili ti kpalipadi nni mi kpiama yaa po. Bi baa cua ki bibi ti, ki cuo ti tontoni. Bi baa cuo ti, tin tua i yonbi ki fie ti ŋunbi.» 19Bi den pundi Josefi diegu buliñoabu kani ki maadi leni o tuonsoanyudaano 20ki yedi o: «Tieni tipo sugili ti diedo, ti den kpa cua ne yenma ki da mi jiema. 21Lanwani tin den pundi tin den baa jiidi naani ku ñiagu, ti den loti ti kpalipadi ki sua ke yua kuli ligi den ye o kpalipiagu ñoabu nni. Yua kuli ligi den tie nani o ŋalikama n den biigi maama. Ti go kubi laa ligi ki cuani i. 22Ti go kubi ligitoe ki baa da mi jiema. Tii bani yua n den tieni ti ligi ti kpalipadi nni.»
23O naacemo den yedi ba: «Yin yaa ye leni mi yanduanma. Yin da jie liba. Li tie yi Tienu, yi baa yaa Tienu n den puni yi laa paŋanbu yi kpalipadi nni. Yi ligi den pundi n kani.» O go den cuani Simeyono bikani.
24Laa ja den teni ke bi kua Josefi diegu nni, ki puni ba mi ñima ke bi nigidi bi taana. O go den puni bi ŋunbi mi jiema. 25Bi den ŋanbidi ban den cuani yaa paabu ki guu hali Josefi n baa cua u yensiinu, kelima bi den waani ba ke bi den baa je Josefi kani. 26Josefi n den pundi o deni yaa yogunu bi den puni o ban den cuani yaa paabu ki gbaani ki pugi o. 27O den buali ba bi yaa ye leni laafia ki yedi: «Yi baa o jakpelo yin den maadi yua yaa maama yeni, o ye leni laafia? Naani o go baa ye?» 28Bi den goa ki yedi o: «Ti baa, a naacemo, o ye leni laafia. O baa ye.» Bi go den gbaani ki pugi o. 29Josefi den yaadi ki diidi o waalo Benjamina o naataanu ki yedi: «Naani wani n tie yi waajuogu, yin den maadi nni yua yaa maama yeni?» O go den yedi o: «N bijua U Tienu n gbadi apo mi niñima.» 30O yama den lengidi boncianla kelima o waalo po ke o bua ki buudi. O den sani ki kua o dieli nni ki buudi. 31Wan den faa o nunga yaa yogunu o go den ñani ki moandi ki kubi o yuli. O den yedi: «Cuani mi jiema tin je.» 32Bi den teni Josefi mi jiema oba ki go teni o kpeliba bi yaa biinu. Bi go den puni Ejipiti yaaba, yaaba n den taagi ki di leni o ke bi di bi yaa jiema biba, kelima Ejipiti yaaba kan fidi ki je leni Ebilu yaaba kelima li tie ti cagindi bi nuni po. 33Josefi den teni ke o kpeliba kali o nintuali ki cili leni o nikpelo kelima o nikpedi po ki ŋoadi bi bina ki gedi hali ku waajuogu. Bikuli den diidi biyaba leni li pakili. 34Josefi den teni Benjamina ke o yaa jiema den cie o lieba yaama taalima muu. Bi den ñuni ki mangi bi pala leni o.
Josefi biigi o kpeliba leni o waalo
Currently Selected:
MI CILIMA 43: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
