Maliko 15

UYesu kwa Pilati, umusungansi wa shiLoma

2-19: Mat. 27,11-30. Luk. 23,2-25. Yoh. 18,29–19,16.

1Pe vahalavila shanzanche, vahahomana navashiputʼavapiti navasongo, navamanyakalata navalonzi vonti, vahayangana. Pe vahamukungʼuYesu, vahavala nawo, vahamutwala kwa Pilati. 2PʼuPilati ahamuvuzilizya ahati: Amwe we mwene wa vaYudʼiwe? Uwenʼahamula ahati: Uyanzile wenewe. 3Pʼavashiputʼavapiti vahamulonjelelʼutuntʼutwinji. 4PʼuPilati havili ahamuvuzilizya ahati: Sutakwamula nalimo? Yenya, utuntʼutu twe vakukulonjelela! 5UwenʼuYesu ahasita nukwamula nalimo. Pe wope nuPilati ahasukumila.

6Shima pachaka pʼahava numwiho wa kuvatavulila umukungwa woka, wenga vamuseva vuvo. 7Ilelo pʼali woka umukungwa we vatili uBalaba izina, wʼakunzilwe poka navamwavo ve vahahalambihʼinkaya, ve vagozile numuntu lwe vahalambisilʼinkaya. 8Ilelo pʼavantʼimpuga yonti vahazuvʼukuvala kwa Pilati, vahati: Ututavulile wokʼumuntu nashinishi, inza shʼukuhonzyaga. 9UwenʼuPilati ahamula ahati: Ngavanga mukwanza ukuti imbatavulilʼumwene wa vaYuda? 10Shʼavamanyilʼavashiputʼavapiti ukuti havatumile he hafwishi lwe vamulonjeleye kukwakwe. 11Avenʼavashiputʼavapiti vavapiyʼinkama nzilʼavantu, vatili muhatinji: UtutavulilʼuBalaba. 12UwenʼuPilati ahavuyizyʼukuvavuzilizya ahati: Imuhonzye vuli, uno we mukuti wʼumwene wa vaYuda? 13Pʼavene vahapongomoha havili vahati: Umuhomele pashihovenkanyo. 14UwenʼuPilati ahati: Atazile malandu vuli? Avene pe vahonjezya ukupongomoha nkani vahati: Umuhomele pashihovenkanyo. 15UwenʼuPilati lelo ahati mbombe zye vakasimʼavantu, pʼahavatavulilʼuBalaba. Nkandi ahavaninchilizyʼuYesu lwe vamuhoma ukuti ahomelwe pashihovenkanyo.

Avasikali vakumwizizyʼuYesu

16Pavasikali vahavala nawo muluvungano, lwe luli munyumba ya vulonzi, vahamwitililʼimpuga yonti. 17Vahamuzwihʼinkanzu inchemamu, vahatava nishipambwi sha lwangwa, she vahamuviha kwitwe. 18Vahandʼukumulamuha, vahati: Tukukulamuha, we mwene wa vaYuda. 19Vahamuhoma nitete pitwe, vahamuswila namati, vahamusugamilila, vahamushindiha. 20Ilelo lwe vamusufizye vovulo, pe vahamuzulʼinkanzu inchemamu ila, vahamuzwihʼagakwʼamenda havili.

Ukuhomelwa kwa Yesu

20-41: Mat. 27,31-56. Luk. 23,26-49. Yoh. 19,16-30.

Pe vahavala nawo ukumuhomela pashihovenkanyo.

21Vahamulema wokʼumuntu, izina lyakwe ali wʼuSimoni wa mu-Kileni, uyise wa vaAlekizanda nuLufu, wʼafumile kumugunda wakwe atili mpitilile. We vahamusinjilizya vahati: Umunyatulilʼishihovenkanyo shakwe. 22Vahafiha nawo pe vakuti pe pa-Goligata, lye likuti pe Palupanga. 23Vahati tumungʼwesyʼipele lya mampensya lye vasanginye numulembo wa mila. Uwenʼahahanʼukuposhela. 24Ilelo lwe vamuhomeleye pashihovenkanyo, pe vahilihʼishili ukugavanyʼamenda gakwe, shihayanga she shili ukutʼushitʼulive akusendʼahantʼahalivʼiha. 25Ukwenʼukumuhomela pashihovenkanyo kwe vamuhomeleye pahavalilizyo ha vutatu. 26Gope namalandu ge vamugojeye vahagasimba, vahagaviha pamwanya, vahati: wuyo we wʼumwene wa vayuda. 27Vahavahomela poka nawo navagogavantu vavili, woka kumuhono wakwe umulilo, woka kumuhono wakwe umumongo. 28Mwe mumwo mwe zyinzilʼizya mwa kalata wʼatili: Vamusanginye navatalamalandu. 29Ilelo vonti ve vahatuhaga pupo vahamusamula, vahayinzya namatwe gavo, vahati: Oho! We umanyilʼukumongolʼutempeli, havilʼukuzenga umupwa kumanda gatatu. 30Shinishi uyiposhe weka, uyishe pashihovenkanyo! 31Vope navashiputʼavapiti navamanyakalata vovulo, vope vahitinkana ukumuholela, vahati: Avanji avapohaga shima, nkandʼakupotwa ukuyipoha weka. 32WʼuChilisiti, wʼumwene wa vaYisilayili, ayishe pashihovenkanyo lelo, naswe tusukumile lelo, twitishe. Vope nava ve vahomelilwe poka nawo, vope vahamupupusya.

Ukufwa kwa Yesu

33Pe shihalinga pahavalilizyo ha mutanda, pʼishisi shihagwa insi yonti, shihavalʼukufiha pahavalilizyo ha vusano navune. 34Ahalinga pahavalilizyo ha vusano navune uYesu ahavilishilʼizwʼipiti ahati: Eloyi, Eloyi, lama sebakatani? lye likuti: we Mulungu wane, we Mulungu wane, undesile shonu? 35Vamo nyene ve vali pupo lwe viṿuyʼizwi linili, pe vahati: AkumwitʼEliya. 36Pe wokʼahashimbila luvilo luvilo, ahasendʼahenda, ahahatumpiha mwasiki, ahahafwiha mwitete, ahamungʼwesya. Ahati: Yiṿwi, twenye ingʼakwinzʼukumupohʼEliya. 37UwenʼuYesu ahavuyizyʼukuvilishila izwʼipiti, pʼahasililishila. 38Pe numwenda we vapituye mutempeli, pʼahazepunkana, ahataliha kumwanya, ahavalʼukufiha pansi, ahayipelʼukuva gavili. 39Uwenʼumutwale wa vasikali, wʼayimiliye pupo wʼalungamine nawo, lwʼawenyi lwʼakufwa vovulo, pʼahati: Nalyoli, we Mwana wa Mulungu umuntu wununo.

40Vali pupo navantandʼahapuga, ve vahenya she vatantamine. Vali uMaliya wa mu-Magadala nu-Maliya unyina wa vaYakobu umunsi nuYose, nuSalome. 41Ve vuvo vamulandite lwʼali mu-Galilayi, ve vahamuvombelaga, navamwavo ve vinji ve vazuṿile nawo lwʼakuvala mu-Yelusalemu.

Ukusyilwa kwa Yesu

42-47: Mat. 27,57-61. Luk. 23,50-55. Yoh. 19,38-42.

42Ilelo lwe vwiliye shamazuva pisiku lya kuyananya, lye likulongolela lwʼisabati ishili, 43pʼuYosefu wa mu-Alimatiya umuhombe umwimishilwa, we wope ahagulililʼuvumwene vwa Mulungu, wʼahayitumpiha ahinjila kwa Pilati, ahalavʼiṿimba lya Yesu. 44UwenʼuPilati ahasukumila lwʼayiṿuyʼukuti afuye hali. Pʼahamwitʼumutwale wa vasikali, ahamuvuzilizya ahati: Afuye hali, vati? 45Ilelo umutwale wa vasikali lwʼamuvuzizye, pʼahamupʼiṿimbʼuYosefu. 46Uwenʼahavalʼukukalʼumwendʼumuzelu, ahamwisya, ahamupinya mumwendʼuno, ahamuviha mumbipa ye vadiṿile mwiyalavwe, ahagalagasyʼivwe ahaliviha kushilyango sha mbipa. 47AvenʼavaMaliya wa mu-Magadala nuMaliya unyina wa Yose vahenya mwe vakumuviha.

Currently Selected:

Maliko 15: NYi1965

Highlight

Copy