Popular Bible Verses from Maliko 15

Share

Ahalinga pahavalilizyo ha vusano navune uYesu ahavilishilʼizwʼipiti ahati: Eloyi, Eloyi, lama sebakatani? lye likuti: we Mulungu wane, we Mulungu wane, undesile shonu?

Uwenʼumutwale wa vasikali, wʼayimiliye pupo wʼalungamine nawo, lwʼawenyi lwʼakufwa vovulo, pʼahati: Nalyoli, we Mwana wa Mulungu umuntu wununo.

Pe numwenda we vapituye mutempeli, pʼahazepunkana, ahataliha kumwanya, ahavalʼukufiha pansi, ahayipelʼukuva gavili.

UwenʼuYesu ahavuyizyʼukuvilishila izwʼipiti, pʼahasililishila.

Pe shihalinga pahavalilizyo ha mutanda, pʼishisi shihagwa insi yonti, shihavalʼukufiha pahavalilizyo ha vusano navune.

UwenʼuPilati lelo ahati mbombe zye vakasimʼavantu, pʼahavatavulilʼuBalaba. Nkandi ahavaninchilizyʼuYesu lwe vamuhoma ukuti ahomelwe pashihovenkanyo.