Mataji 18
18
1-9: Mal. 9, 33-47; Luk. 9, 46-48.
1Neke baho pasala jijo neke vahegēlelage avańigendwa vakwe kwa Jesu neke vamuvudzage vatigilage: ino umuvina muvutwa vwa kukyâńa je alikwi?
2Neke baho umwene neke amukemelage umwâna neke amuvikage pagati neke akŏle mukuvavūla
3neke atigilage: ndakyene ndikuvavula unene nditigila: ngana musili navo uvupilukila-kuvwâna, apo musilingila kuvutwa vwa kukyâńa. 19, 14.
4Neke lino, je akwilēvedza mwene neke ahambukage ngita mwâna, je mwene je alingila kuvutwa vwa kukyâńa.
5Neke ngana je ikumwanukila umwâna jumwinga j’ali nde uju, ngana ikum wanukilila mwitavwa lyangu june, apo kwe kuva andzanukye unene. 10, 40.
6Neke lino je ikumwa-mbudza jumwinga va muvadebe avańa-kufuvwa ukwangu, ujo luvagye vamukunge nulwala musingo neke vamwikilidzage pavunipa vwa ńandzapasi. Luk. 17, 1. 2.
7Iga ve ńi, je uli nulwa-mbudzo! Ndivwene idza kwambudza ńakwadza ndesi. Neke lino iga ve munu, je vwileta idza kwa-mbudza kuvangi!
8Neke lino ngana uvwene ilivoko lyako nambe iligulu lyako fitigila fikwa-mbudzage uveve, apo ufidumule, ufitage! Uveve kiba ukwingila kuvûmi, ve vwilemidze neke nukuva nafyo namavoko namagu-lu neke usopwage mumô-to ugwa mbêpali. 5, 29. 30.
9Nalo kangi uveve ngana uvwene ilîho lyako litemula ukuta likwambu-dzage, apo ulilopole ulitage. Uveve kiba ukuva vwi na lîho limwinga neke vwingilage kuvûmi neke nukuva namîho ge gavīli neke usopwage mumôto gwa kuvulungu.
10Mwigelage mutane ukumugunila ujungi uva muvadebe ava; ndivwene unene ndikuvavula nditigila: avańa-mwandza vanavo va kukyâńa vilolana mîho namîho nudâda uva kukyâńa. Heb. 1, 14.
11(Ndivwene umwâna va munu adzile mukuva-poka avajagile.) 9, 13; Luk. 19, 10.
12-14: Luk. 15, 4-7.
12Uńeńe apeńo apa luli ndavuli? Nani umunu, je i nadzo iṅolo ligana (100) neke ngana jibagwike jimwinga, vona alabihila pakudzileka idzingi pakidunda, idzili makyumi gali gôndza na dzili gôndza (99), atale asakule ijijagile?
13Neke ngana ajivwene, ndakyene unene ndikuvavula nditigila: alakēla mbandu, pe ajivwene iṅolo jijo, alalutidza pakukēla nakudzingi ińamakyumi gali gôndza na dzili gôndza, idzisikajagile.
14Lwe lwene, lwe ali nalo na ju dadińu kukyâna, asilukelye ukuta muvadebe ava ajagage nambi jumwinga.
15Ngana uvwene uluko-lolo akuhŏkile, apo uhelelage ukamugomedze, pe mwidevwe ńe vavili. Ngana uvwene akwidike, apo swe, ve umusavile ulukololo. Luk. 17, 9; Gal. 6, 1.
16Ngana uvwene asikukupulika, apo uvatolage nambe jumwi nambe vavili ukuta jonda inôngwa jivedzage pamilomo gya volesi vavili nambivadatu.
17Ngana uvwene asiku-vapulika ava, apo ukalu-gotolage kulukombeso londa. Neke ngana uvwene asilwidike na lu lukombeso, apo umuhambusage vapivala, umuhambusage muhakipembe. 1. Kol. 5, 13.
18Ndakyene unene ndikuvavula nditigila: vonda, ve mukuvâvika uńeńe pasi apa, vivedza vāvike nakukyâńa; neke na ve mukuvāvŭla uńeńe pasi apa, vivedza vâvŭle na ku kukyâńa. 16, 19; Joh. 20, 23.
19Kangi unene ndikuvavula ukuta: ngana muli vavili, mwilongye ulwa kwegemana pasi apa ukuta twińilikile kinu, kye kivedzaga, udâda uva kukyâńa alavapēla. Mal. 11, 24.
20Pakuva ngana vilundanila mwitavwa lyangu, nde vavedzage vavili nde vavedzage vadatu, apo najune ndili pagati baho. 28, 20.
21Neke baho Petele neke ahegēlelage kwa Jesu neke amuvudzage atigilage: mutw’ ave, umuńa-lukolo ngana akundzangula mbêpali inôngwa, apo ndidzivodzage kalingi? Vona kwifuluka ukudzivodza kahanu nakavili?
22Neke Jesu atigilage: unene sinditigila kahanu nakavili pakudzivodza, hamu unene nditigila: ukimile pamakyumi gahanu nagavili, ge uvwilage kahanu nakavili pakuvala pamivalile (70x7). Luk. 17, 4.
23Kye vulesile uvutwa vwa kukyâńa unene ndivulińanidzage numutwa, je itigila ndivalanilage navavanda vangu, tudzidu-mule inôngwa.
24Neke pe ikŏla mukuvala, neke vamuletage, je alyeitalende imbilimadzi-ńikyumi (10000).
25Neke baho umwene, pe avwene asili nafyo ifya kuhomba, neke baho umutwa alagilage ulwa kuta: muvagŭlage vonda na ju mwene numunu vakwe na va vâna vakwe nifyakwe fyonda, fye ali nafyo, mwe fihumilage mumo ifya kuńomba unene.
26Neke baho umuvanda jula neke agwidzage pasi neke atigilage: mutw’ ave, vwisage umutima, ndila-kuhomba fyonda, fye ndilye.
27Neke baho umutwa neke lumugwilage ulupyana mwileme neke amupyanilage umuvanda jula neke amufungulage neke atigilage: ndikulekile na ji nôngwa jako jonda.
28Neke avye ihuma umuvanda jujo, neke baho amutaṅanidzage umuvanda mujagwe, je alye idenala dzakwe jigana limwinga 100; neke baho amutītage kusingo neke atigilage: vwavule umudzigilo gwangu.
29Neke baho umuvanda umujagwe neke agwidzage pasi neke ahongedzage atigilage: vwisage umutima, ndikwavula fyonda.
30Neke umwene atane nukumupyanila umujagwe neke amuhelelage nave kuńumba indinde neke atigilage: usilangupa uhume, fihombwa tândi fyonda, fye ulye.
31Neke baho avavanda vajagwe, pe valuvwene ulu, neke vahuguvalage mbandu neke baho valugotolage londa kwa mutwa vanavo, lwe valuvwene.
32Neke baho umutwa vakwe amukemelage neke atigilage: ve muvanda, ve muhaluk’ ave, gonda umudzigilo gwako unene ndikupyanye, pe uhongidze.
33Mańi lukavagye najuve umupyanilage umuvanda mujago, ndevye uveve ndikupyanye unene!
34Neke baho umutwa vakwe akalalilage neke amusilihidzage kuvańa-ńololo neke atigilage: aladzihuma, pe ahombile fyonda, fye alye. 5, 26.
35Najuńe udâda kukyâńa alagita ndesi, ngana musikwivodza uluhuma-munumbula dzeńo najuńe navańa-ṅolo veńo. 6, 14. 15.
Currently Selected:
Mataji 18: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
