Mataji 19

1-9: Mal. 10, 1-12.

1Neke avye amalile Jesu amadzwi aga pakulonga, neke ahumage mu-Galilaja neke ahelelage mu-ńi ja mu-Judaja ija mwambu kula ku-Jolodana.

2Neke baho avanu avolofu neke vamuninilage; neke umwene avahōsage.

3Neke baho vahegelelage nava-Fwalisaja neke vamugemyage neke baho vatigilage: vona kugolwi-ke umunu pakulekana numudala vakwe panôngwa kijagi hela? 5, 31. 32.

4Neke umwene apilusage atigilage: uńeńe musikuluvona muhâte ulwitigila, pakimelo, pe igava, agavile numukigosi numukidala?

5Neke atigilage: kye alaleka umunu amulekage udadye nuṅina neke amu-mililage ju mudala vakwe neke avavili ava vivedzaga ńama ja muvili jimwinga.

6Neke lino lwilekwa nulwa kuta tuli vavili, nda hamu, vivedza ńama ja muvili jimwinga. Neke kye abaniṅise Nguluvi, abihile pakukibanalula umunu. 1. Kol. 7, 10. 11.

7Neke avene vatigilage: apo humbi u-Mose alagye lwa kiki ulwa kuta: umupelage ihâte ja ngotola?

8Neke baho apilusage atigilage: uvwldisi vwa Mose, pakuva avavwene uvukângafu vwa numbula dzeńo, kye alesile idikage ukulekana navadala veńo, pakimelo si pe dzali nde idzi hamu.

9Unene nditigila: je ikumuleka umudala vakwe, pe asangwe inôngwa ja vugoni, neke kangi amutolage ujungi, apo swe ve adumwe uvutolane.

10Neke avańigendwa vakwe vatigilage: ngana ve vwe dzili umunu numudala vakwe muńumba, apo kiba nuvutatola.

11Neke umwene atigilage: ilidzwi ili si lya vonda pakulifika, vakulifika vavo, avasīkulilwe ukuta valifike. 1. Kol. 7, 7. 17.

12Pakuva povali avangi avasavulilwe mumaleme ga vaṅinavo; kangi kovali avangi, avasavulilwe kuvanu; kangi kovali avangi, avisavwe va vene, avisavulye ulwa vutwa vwa kukyâńa. Je adzelye ukudzifika idzi, adzifikage.

13-15: Mal. 10, 13-16; Luk. 18, 15-17.

13Neke baho vavaletage avâna, ukuta akavávīke amavoko gakwe, akavafuńage nulufuńo. Neke baho avańigendwa vakwe neke vavakabusage.

14Neke umwene Jesu neke atigilage: mukuva-kanidza va kiki? muvaleke avâna vadzage ukwangu. Ndivwene uvutwa vwa kukyâńa vwanavo vavo, avali ngita vâna. 18, 2. 3.

15Neke baho avávīkage amavoko neke baho ahelelage.

16-30: Mal. 10, 17-31; Luk. 18, 18-30.

16Neke baho umunu jumwi neke ahegēlelage ukwakwe neke atigilage: ve mululema, ve munofu, ungambula amalimo amanofu agakulima unene neke ndingililage muvûmi vwa mbêpali.

17Neke baho umwene apilusage atigilage: ukumbudza kiki idza lunofu? Umunofu ali jumwinga hela. Neke ngana ukukēlye kuvûmi ukwingila, apo ugendelage ulwa ndagi. Luk. 10, 26-28.

18Neke umwene atigilage: dzili kwi? Neke Jesu atigilage: nulwitigila utane ukuvulaga nulwitigila utane ukudumula uvutolane nulwitigila utane ukuhidza nulwitigila utane ukumudetela umujago uvudesi

19nulwitigila umuginyage nudado nuńoko nulwitigila na ju mujago umwendage, ndevye vwijendile juve.

20Neke umuvinano jula apilusage neke atigilage: mwe ndigendye, mutw’ ave, ukuhuma kuvudôdo; undongelage, lwe ndisigidze.

21Neke baho Jesu atigilage: ngana ukêlye ukuta ulududzage londa, apo uhelelage ukafigule ifiyûma fyako fyonda, uvagavahidzage avahangala, apo ulavedza nifilime fya kukyâńa. Apo pe ukadze, unĭnile ukwangu. 6, 20; Luk. 12, 33.

22Neke pe alupulike ulu umuvinano jula neke baho ahelelage ahuguvye; ulwa kuva ali mumosi.

23Neke baho Jesu alongage kuvańigendwa vakwe neke atigilage: ndakyene unene ndikuvavūla nditigila; avamosi kulavedza kutalamu kuvutwa vwa Nguluvi pakwingila.

24Ndivwila ukuvavūla unene nditigila: kwebepe ningamila ukwingila mukalyango ka singano kwa musafi pakwingila kuvutwa vwa kukyâńa.

25Neke avańigendwa vakwe, pe valupulike ulu, neke baho vakagahalage neke vatigilage: apo humbi alapona ani?

26Neke baho Jesu avalolelage neke atigilage: avanu avo dzivalemile neke Nguluvi kisimulemile kinu.

27Neke baho Petele apilusage neke atigilage: lolage unefwe tufilekile ifyûma fyesu fyonda, twadzile ukwako; neke lino ilyambulilo lyesu lye lilikwi?

28Neke umwene Jesu neke apilusage atigilage: ngana ponu filava fidzu-swa vupya fyonda ukugavwa, pe numwâna va munu alava akoṅomye pakitêngo kya ndolo nindolo dzakwe, apo uńeńe, je munĭnilye ukwangu, apo najuńe mulakoṅomala pafitêngo fińikyumi nafivili mulafihiga ifipelela fya vakina-Jisilahele ifińikyumi nafivili. Luk. 22, 30.

29Neke vonda ṅani, avakufileka ifyanavo nambi ińumba nambi avańa-kwavo navahadzavanavo nambi avadadavo navaṅi-navo navâna vanavo nimigunda, fyonda ngana vakufilekela mwitavwa lyangu, apo ve valanukila ifihomedzano ifyolofu, ve valanukila nuvûmi vwa mbêpali. Heb. 10, 34.

30Neke volofu navalongwe, valavedza va mumbele, volofu nava mbele, valavedza ve valongodzi. 20, 16; Luk. 13, 30.

Currently Selected:

Mataji 19: II

Highlight

Copy