Mataji 17

1-13: Mal. 9, 2-13; Luk. 9, 28-36.

1Neke pe fidzumbile ifigono fihanu, neke Jesu avinulage avańigendwa vakwe va-Petele na-Jakovo na-Johana, umunuńuve va Jakovo, neke inukage navo pakidunda ikitali, neke pe akidevulage navo.

2Neke baho ihambusage vulolela nakumîho neke kukŏle mukulangala ngita lidzuva nimyênda gyakwe neke gimulikage ngita lumuli. 2. Pet. 1, 16-18.

3Neke baho vavonage hava vivonesidze va-Mose na-Elija, vali mukulongana nave.

4Neke baho Petele apilusage neke atigilage: mutw’ ave, pe panofu najufwe apa, nga ukelye, apo ndidzenga ututînga tudatu, nakako naka-Mose naka-Elija.

5Neke pe ăli mukulonga ulu, neke vonage ilifunde ilivalafu likuvasīka neke vonage nilidzwi lihuma mwifunde litigila: ujo je mwâna vangu umwênde, je ndimukēlye unene, je mumupulikage jujo. 3, 17.

6Neke pe vapulike ilidzwi ili avańigendwa neke baho vagondamidzage amîho neke vakŏle mukudetema.

7Neke baho Jesu ahelelage pakivungu, kye vali, neke avabasage neke atigilage: mwimage, mutane ukunilila.

8Neke vavye vikwińa-muka, neke vabihile ukumuvona ujungi, vamuvonage ju Jesu mwene.

9Neke baho vavye visu-lunuka pakidunda, neke Jesu adzidzage ukuta umwitu, gwe muguvwene, mugufihage kitalonga kwe munu ukufika kukigono, kye aladzulubukila umwâna va munu. 16, 20.

10Neke baho avańigendwa vakwe neke vamuvudzage neke vatigilage: kye kiki kye vihwa vilonga avakagulihâte, pe vitigila alatala ju Elija pakwadza? 11, 14.

11Neke umwene. Jesu neke apilusage neke atigilage: ulo ndakyene, Elija je muńa-kutala pakwadza, je ikwadza mukufige-lanidza fyonda.

12Neke unene ndikuvavula nditigila: ukwadza uko adzile, neke avene vasamudzelye, nda hamu avene vamutogelaga, ndevye vakelye va vene; na ju mwâna va munu nave vikola mukumupumusa ndeni va vene. 14, 9. 10.

13Neke baho avańigendwa vakwe neke valufikage ukuta akumulonga ju Johana umudzabisi. Luk. 1, 17.

14-21: Mal. 9, 14-29; Luk. 9, 37-42.

14Neke baho vatańani-dzage, pe lyamemile ililugu lya vanu, neke baho umunu jumwi ańilililage mumuvili neke afugamage pasi,

15atigilage: ve mutw’ ave, ungamyanila umwâna vangu, atovilwe kumwê-dzi, ipumuka mbandu, igwila na mumôto na mululenga kavili-kavili.

16Ndimusindike naku-vańigendwa vako neke avalemile ukumuhōsa.

17Neke baho Jesu apilusage atigilage: ńe va, vwe vudzila-kufuvwa vuki avanu avalinw’ ava! kwe kujadza uluhala kuki! Ndilafika kwi ukuva pamwinga nańe, ndifika nalo kwi ulwa kuta mbepali: vona hamu valaluvona! Neke baho atigilage: mumulete kuno!

18Neke baho Jesu aguka-busage umubepo umuvîfu neke ugwene guhumage, neke baho umukwamidzi ananilage pasala jijo.

19Neke pe videvwe neke vahegēlelage kwa Jesu avańigendwa vakwe neke vavudzage vatigilage: unefwe tulemilwe kiki pakumulŏsa? 10, 1.

20Neke umwene atigilage: pakuva musifuvwa, pakuva unene ndikuvavu-la nditigila: ndakyene nde luka luvedzage ulufuvo lweńo muli nalo luli ngita kapeke ka lipala pavudebe, apo nde muka mukilongage ikidunda iki ukuta kihame kuno, kihelele kula, kika kihelela; neke uńeńe kisilavalema kinu; 21, 21; Luk. 17, 6.

21avene avańa-mutangilo ugu vasihuma hela, vihumila, ngana vwilapangila nuvuhwa-kitalya, apo ndakyene vihuma. 22, 23; Mal. 9, 30-32; Luk. 9, 43-45.

22Neke baho, pe vinyengesa mu-Galilaja, neke baho Jesu neke avalongelage atigilage: nde mwâna va munu ndikŏla mukusutulwa mumavoko ga vahosi, 16, 21.

23Ve vańa-kumbulaga neke pakigonokya vudatu ndiladzulubuka kangi. Neke avene ulu luvahulilage uvuhuguvafu.

24Neke baho, pe vadzi-fikile mu-Kapelenahumu, neke baho avilundasa ifya kusopela mutembele neke valongage nu-Petele vatigilage: umululema veńo asihomba kiki ifya kuhongedza mutembele?

25Neke umwene atigilage: ihomba nave; neke baho, pe ikwingila muńumba, pe asina alonga kinu neke baho Jesu amutalilage neke atigilage: luli ndavuli ulu uveve ve Simono, avatwa ava mu-ńi muno vihofya kwani nuluhălo nipembe? Vonavi-hofya kuvâna vanavo, ene vuli henda vihofya kuva-gendzi?

26Neke umwene Petele atigilage: vihofya kuvagendzi. Neke baho Jesu apilusage atigilage: apo humbi avâna kukodi vahegile.

27Neke lino unene, pakuva nditigila tutane ukuvinusa iligoga, neke lino uveve uhelelage utole nikilovo kyako, ukadzabike muńandza. Neke isomba, je utalile ukulopola, ukajilole mumulomo, udzivona jifuvite ulupija lumwinga lwa sitatele, lwe ukavapēle, luvedzage lwa kwihombela twe vavīli najune naveve.

Currently Selected:

Mataji 17: II

Highlight

Copy