Luka 17

1Neke avalongelage avańigendwa vakwe neke atigilage: uvwambu-ka-mukikodzo vwa vanu vusilajaga, va vikwambu-ka ndeni. Neke lino iga juve, ve munu, je vwiko-dzehedza avajago ikikodzo kya kwambukila.

2Je akumwambudza jumwi uva muvadebe ava, kiba akungwage ulwala pasingo neke vamudwi-vihidzage muńandza. Mat. 18, 6. 7.

3Mwilembage! Ngana uvwene umuńa-lukolo angwe inôngwa ukwako, apo umuvungage, neke lino, ngana uvwene itigila ndipelile lino, apo umuvodzage hela. Mat. 18, 15.

4Napo kangi nde avedzage angwe inôngwa ukwako kahanu na kavili pakigono kimwinga hela, neke kangi adze kahanu na kavili ukwako pakigono kimwinga neke atigilage ndipelile lino, napo kangi umuvodzage ndesi. Mat. 18, 21. 22.

5Neke baho av-Apositili neke valongage kwa mutwa neke vatigilage: ungatongelehedza ulufuvo lwesu. Mal. 9, 24.

6Neke umutwa atigilage: muka muvedzage nulu-fuvo ngita kabeju ka lupala uvunaṅi, apo ngali mwilonga kumudzombe ugu ukuta ukukupukage, ukivyale pańandza, apo gukali gukuvidika. Mat. 17, 20; 21, 21.

7Neke uńeńe, ngana ujungi ali numuvanda vakwe umuńa-kumulimila, nambi umuńa-kumukwa-milihidza, neke ngana apilwike pakya mihe, je nani alalonga ukuta vwadze kisatu ulyage tândi?

8Asilatigila: utelekage ifya kulya unene imihe iji, ufwale guńwilile vunofu, neke undetele ndilidzage nifya kuńwa, neke ngana ndimalile, apo na juveve ulidzage nifya kuńwa.

9Neke lino, vona alaho-ngedza kwa muvanda vakwe, pakuva alimile fi fye amulagye? Neke unene ndikana nditigila asihongedza nda.

10Ve vulivo najuńe; napo nde muvedzage mulimile lu lwe mwalagililwe, napo mwali mutigilage: tuli vavanda tuli vambwa hela, tulimile imilimile, igituhwanile.

11Neke lino baho avye ihelela ku-Jelusaleme neke baho ahumanidzage pagatinagati mu-Samalija nija mu-Galilaja. 9, 51; 13, 22.

12Neke lino avye ikwingila mukâja jimwi neke baho ataṅanikilage navagosi vańikyumi avańa-kitamwa kya fińamuvili, neke vadandamalilage patali.

13Neke baho vinusage ilidzwi neke vakutage vatigilage: ve Jesu, ve mululema, ungatupyanila.

14Neke umwene avye avavwene, neke avalongelage atigilage: muhelelage mukivonese kuvatekedzi. Neke vavye vihelela, neke vavonage vitelela. 5, 14.

15Neke jumwinga, avye ivwene ukutelela neke baho agomokage neke alumbage kwa Nguluvi ni-lidzwi ilivina.

16Neke agundamilage pasi kumagulu ga Jesu neke ahongedzage. Umwene ali mu-Samaliti.

17Neke umwene Jesu atigilage: pe ndikuvate-ledza, si vakâ vańikyumi? Vali kwi lino avahanu navataji?

18Vasivonike ponu ukupilukila mukumulumba Nguluvi, avonike uva mukipelela ikingi mwene?

19Neke baho amulongelage umwene neke atigilage: vwimage uhelelage, lukuhosidze lu lufuvo lwako. 7, 50.

20Neke lino baho vamuvudzage ava-Fwalisaja neke vatigilage: uvutwa vwa Nguluvi vwikwadza ndali? Neke umwene apilusage atigilage: uvutwa vwa Nguluvi, pe vwikwadza, vusikwadzila mwe fimańilo. Joh. 18, 36.

21Kangi vasilalonga nukuta nga huvu baha, nga huvula pala! Mulolage, uvwene uvutwa vwa Nguluvi vuli pagati apeńo. Mat. 24, 23.

22Neke alongage kuvańigendwa vakwe neke atigilage: guladza umwâka, apo muladoboka ukuki-vona ikigono kya mwâna va munu kimwi swe, neke musilakivona nda.

23Pe pene, pe valava-longelaga nukuta: lolage uju kuno! Nukuta: hamu jula kula! Apo mwali mutane ukuhelela, mwali mutane nukuvaninila. 21, 8.

24Ndivwene ndevye lwa lwimulika ulumuli lwa no-ńa, lwimulika ukuhumila kulubafu lumwinga ulwa kukyâńa, lwisungwa lukafike pakumulika kulubafu lujagwe, alagita-vo na ju mwâna va munu pakigono kyakwe. Mat. 24, 26. 27.

25Neke lino tândi, muńa-kuhingila mbandu, muńa-kupemeswa kuvanu va mutangilo ugu. 9, 22.

26Idza pafigono fya kwa-dzila umwâna va munu dzilavedza nde dzila idza pafigono fya Nwaka. Mat. 24, 37-39.

27Validzaga, vańwedza-ga, vatolaga navadala, vatavukaga ukufika pakigono, kye ingilaga Nwaka mukyômbo, neke vwadzage uvulava neke vuvati-pulage vonda.

28Neke ndevye lwali nulwa pafigono fya Loto. Nayo validzaga, vańwedzaga, vagulaga, vagudzaga, vavyalaga, vadzengaga.

29Neke lino pakigono kila, kye ahegelaga Loto mu-Sedomo, neke gutońage umôto nibiliti ifihuma kukyâńa neke guvatipulage vonda.

30Dzilavedza ndesi nidza pakigono ikya kuvila-tulilwa umwâna va munu.

31Neke pakigono kikyo ngana jumwi ali pikiṅa pańumba, ali atane ukwika mukuta atole ifinu, ifili muńumba jakwe. Neke nave, j’avukile, nave ali atane ukusedukila kumbele. Mat. 24, 17. 18.

32Mukumbukilage pamudala va Loto.

33Neke je a itigila ndi-nanyaga umutima gwangu, ujo alagutaga, neke je akugutaga, ujo alaguhulila uvûmi. 9, 24.

34Muleke ndivalongele unene: pakilo kimwinga kikyo valavedza avagosi vavili pavulili vumwinga, neke ujungi alanukilwa, umujagwe ujungi alalekwa.

35Avadala vavili valatwanganila, neke ujungi alanukilwa, umujagwe ujungi alalekwa. Mat. 24, 40. 41.

36[Avanu ngana vavu-kanye, ujungi alanukilwa, ujungi alalekwa.]

37Neke baho avene vapilusage vatigilage: kwe kwi, ve mutw’ave? Neke umwene atigilage: pe pwe gili imifimba, pe pene pe gikwilundahidza nimima-simula. Mat. 24, 28.

Currently Selected:

Luka 17: II

Highlight

Copy