Luka 16
16
1Neke avalongelage avańigendwa vakwe neke atigilage: ali pwali umunu jumwi umumosi, je ali numwimīlidzi vakwe, neke akugwage ukuta: umwimīlidzi vako ipalaṅasa ifinu fyako.
2Neke baho amukemelage neke atigilage: je nôngwa jiki, je ndikuji-pulika iji? Ongo lino, umbalilage ifya pavwimīlidzi vwako; ndivwene uvwimīlidzi vwako vule-mile.
3Neke baho umwene umwimīlidzi neke asagage mwileme lyakwe neke atigilage: hê! ndikola kwi? Pakuva umutwa vangu ańagile uvwimīlidzi vwangu; pakulima ndili mugaja-ngufu, ukuponela ifya luhuṅunyo ndili muńa-ńoni.
4Lino ndiluvwene ulwa kululima, najune ukuta vali vandzanukililage muńumba dzanavo, pe ndilava ndidagilwe pavwimīlidzi vwangu.
5Neke baho avakemelage jumwijumwi, avapi-ngile ifya mutwa vakwe. Neke avudzage kwa mulongodzi atigilage: uveve vwapingile filingi kwa mutwa vangu?
6Neke umwene atigilage: ndapingile ifidungu fya mono fińigana. Neke umwene atigilage: ukote ihâte jako iji, vwikale pasi kisatu, vwandikage makyumi gahanu.
7Neke kangi amuvudzage ujungi atigilage: uveve vwapingile filingi? Neke umwene atigilage: unene ndapingile amasa-nde ga vuledzi mańigana. Neke umwene atigilage: kote ihâte jako iji, vwandikage amakyumi munana.
8Neke baho umutwa amulumbage umuvanda umuhaluka jujo, atigilage: asugwike. Pakuva avanu, ndevye vakwikalanila vuli, apo avańa-ńi iji valu-tye uvusugu na kuvâna va lumuli. Ef. 5, 9; 1. Tes. 5, 5.
9Najune ndikuvalongela nditigila: mutemelage isale mumamono ińaluka ukuta, jilava jigaja, vali vavanukilage muńumba dzanavo idzisimalika ponu. 14, 14; Mat. 6, 20; 10, 40; 19, 21.
10Je ali vufuvo pavudebe, alavedza vufuvo na pafikomi; neke je asili vufuvo pavudebe, asilavedza vufuvo na pafikomi. 19, 17.
11Neke lino ngana musivedza vufuvo ku fya vuhaluka, apo alavapela ani ifya ndakyene?
12Neke kangi nalo ngana musivedza vufuvo pafyûma fya vêne, apo alavapela ani ifyeńu?
13Na ju muvanda va muńumba ilemwa pakuvalimila avatwa vavili; ndivwene alamusula ujungi, ujungi alamwenda; nambi alamumilila jumwi neke ujungi alamusōkĕla. Mwilemwa ukuvalimila na Nguluvi neke nimamono. Mat. 6, 24.
14Neke baho vadzipu-likage nava-Fwalisaja, avali venda-mâle, neke baho vamukenulage. Mat. 23, 14.
15Neke avalongelage atigilage: je ńeńe je mukwipugudza, pe vipulika avanu. Nekelino umwene Nguluvi ujo adzidzelye inumbula dzeńo; pakuva dze vakudziginya avanu, kwa Nguluvi ńalugagi. 18, 9-14.
16Nimilagililwe nidza vavidzi dzapukye pa pa-Johana. Ukuhuma baho lidalikwa ilyevangeli lya vutwa vwa Nguluvi, neke lino vonda vileta ingufu pakwingila. Mat. 11, 12. 13.
17Nukujaganika ińi nija kukyâńa nija pasi neke nukujaganika akadelemusi kamwinga ka milagililwe, kwebepe ku kujaganika kwa ńi. Mat. 5, 18.
18Neke je akumugotola umudala vakwe neke amutolage ujungi, ujo je mudumula-vutolane. Neke kangi je akumutola umudala umugotole, nave mudumula-vutolane. Mat. 5, 32; 19, 9.
19Ali pwali umunu jumwi umusafi, je afwalaga imyênda imilambya imyêlu imideke, atinadzaga pavunofu mbêpali.
20Neke lino baho numuhangala, ilitavwa lyakwe ali je Lasale, je vamutagye pamulyango gwa ju mumosi, umuvili gwakwe ali muńa-madzōvela.
21Akēlaga ukuta ndigutage utuvuluvulu, utwalagalaga pakihelo kya musafi. Neke na dzi mbwa dzinavage amadzōvela gakwe.
22Neke lino baho umuhangala neke afwidzage. Neke avańa-mwandza va Nguluvi neke vamuńamulage neke vakamuvikage kumagulu ga Abalahama. Neke na ju mumosi afwidzage neke asilwage.
23Neke lino, avye ali kuvulungu, pe ali mulupumuko, neke baho ina-mulage amîho neke amuvonage Abalahama pavutalitali, neke amuvonage Lasale kumagulu gakwe.
24Neke akutage atigilage: ve dâda Abalahama, ungamyanila, unganumila u-Lasale, adzabike ikyâla kyakwe mululenga ku kulunepo kwene, aluńuńyage ululimi lwangu, pakuva ndipumuka muno mululambo lwa môto muno.
25Neke umwene Abalahama atigilage: ve mwân’ave, ukumbukage, pakuva uveve vwanukye ṅani ifinofu, ve sal’uli mûmi, neke Lasale uju apumukaga pavuvîfu. Neke lino nave ińamadzwa neke uveve vwipumuka.
26Neke kangi na li ligema nalyo ilitali livikilwe pagati ja nafwe nańeńe, na va kuno, avitigila tudzumbe twadze ukweńo uko na va uko ngana vitigila tulovokele kuno ukwesu, vilemwa.
27Neke baho umwene atigilage: apo humbi lino ndikwidedevela kwe ve dâda nditigila, apo lino umutumage kuńumba ja dâda.
28Ndivwene ndili navo avanuṅuvangu vahanu, ve avolelelage hîlo, vali vatane ukusokelela kuno, kwe vipumuka.
29Neke baho umwene Abalahama neke atigilage: vali navo na Mose navavidzi, vangavapulikaga vavo. 2. Tim. 3, 16.
30Neke umwene atigilage: hamu, ve dâda Abalahama, kiba ngana vaka vamuvonage jumwi, j’ahumile kwene vulungu kuno, apo vaka vipela.
31Neke umwene atigilage: ngana vasipulika kwa Mose na kuvavidzi, apo valamena na kwa muhuma-kuvulungu.
Currently Selected:
Luka 16: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
