Luka 18

1Neke baho avalongelage ikimańagihidzo ikya kuvatigila: umunu avagye alapangilage mbêpali kitańōkōvala. Lom. 12, 12; Kol. 4, 2; 1. Tes. 5, 17.

2Neke atigilage: ali mwali jumwi umuhĭdzi mukâja jimwi, je asamogopaga na ju Nguluvi na kuvanu asasugaga.

3Neke lino mukâja jijo ali mwali numukiṅinavo umufwile neke ahelelage mbêpali mukutigila: ungańigila inôngwa jangu kwa muńa-kumbuganidza.

4Neke akanage figono. Neke lino ulwa mbele neke ilondzage ju mwene neke atigilage: nalo nde ndivedzage unene sindikumogopa Nguluvi na kuvanu sindisuga,

5kwa mukiṅinavo umufwile uju, uju ndikumu-higila ndesi inôngwa jakwe, pakuva akundasa mbêpali, ukuta pambele atane ukwadza mukundi-kudza. 11, 7. 8.

6Neke baho umutwa atigilage: mupulikage lino, dze ilonga umuhĭdzi umuhaluka uju!

7Neke lino umwene Nguluvi aká atane ndavuli ukuvapuguhidza avahagulwa vakwe inôngwa, avikūta na pamûńi na pakilo; aka atane ndavuli pakuvaletela uvwisamu-tima?

8Muleke ndivalongele unene, umwene asilahā-va pakuvapuguhidza inôngwa dzanavo. Neke lino ukwene, alava ikwadza umwâna va munu, vona alaluvona ulufuvo mwen’eńi muno?

9Neke lino avangi, aviginikaga uvugolofu neke vavasulage navajanavo, neke ve avavulage ikimańagihidzo iki neke atigilage:

10Avanu vavili vinukilaga kutembele mukulapangila. Ujungi ali mu-Fwalisaja neke ujungi ali muhakipembe.

11Neke baho umu-Fwalisaja image baho neke ilondzage mwene pakulapangila neke atigilage: ve Nguluvi, ndihongidze ukwako, pakuva ndisite-gine navangi avanu, navakufi navibuganidza navagoni nambi nilihakipembe ili.

12Nifilyo ndihwa kitalya kavili pamulungu gumwinga. Neke fyonda, fye ndisava unene, nditavula ifya pikyumi. Mat. 23, 23.

13Neke baho umwene umuhakipembe neke idandamikage patali neke ogopage nukwinamula amîho. Neke umwene itovage hela pamambaga neke atigilage: ve Nguluvi, usungukilage nde muhosi.

14Muleke ndivalongele unene: uju ivujye kukâja, ve apugwe, neke umujagwe jula je nda. Pakuva vonda, avakwiginya vene, ve valalēvedzwa; kangi navakwilēvedza vene, ve valaginalidzwa. 14, 11; Mat. 23, 12.

15-17: Mat. 19, 13-15; Mal. 10, 13-16.

15Neke baho vafiletage nifyali ukwakwe ukuta afyabasage; neke lino avene avańigendwa vakwe vavye vavavwene, neke vavakabusage.

16Neke umwene Jesu afikemelage atigila ge: mutulekage utwâna twadzage ukwangu, mukututa-nidza twa kiki? Ndivwene uvutwa vwa Nguluvi vwanavo vavo, avali nde ava.

17Ndakyene ndikuvalongela ukuta: je asiku-vwanuka uvutwa vwa Nguluvi ngita mwâna, ujo asilingila ponu umwene. Mat. 18, 3.

18-30: Mat. 19, 16-29; Mal. 10, 17-30.

18Neke baho jumwi umundzagila neke amuvudzage neke atigilage: ve mwiganidzi, ve munofu, ulwa kuhālila uvûmi vwa mbêpali lwe lulikwi, ndilulimage?

19Neke baho umwene Jesu atigilage: vwitigila ndili munofu? Sipwali umunofu, munofu ju Nguluvi mwene.

20Mańi udzidzelye indagi nulwitigila: utane uvudumula-vutolane, nulwitigila: utane ukuvulaga, nulwa kuta: utane ukuhidza, nulwa kuta: utane ukumudetela umujago uvudesi, nulwa kuta: umuginyage udado nuńoko.

21Neke umwene atigilage: mwe ngendye mudzonda idzi ukuhuma pavwâna.

22Neke lino baho, avye alupulike ulu umwene Jesu, neke amulongelage atigilage: apo uveve kangye kamwinga hela; ukagulage fyonda, fye vwi nafyo, neke uvapelage avahangala, apo swe uveve ve usavile ikyûma kya kukyâna; apo swe ukadze mukûninila unene. Mat. 6, 20.

23Neke umwene avye alupulike ulu, neke ahuguvalage mbandu, pakuva ali mumosi muno.

24Neke umwene Jesu amuvonage ukuhuguvala neke atigilage: luli na vutalamu kuvańa-fyûma pakwingila muvutwa vwa Nguluvi!

25Pakuva ningamila pakwingila pakaiyango ka singano numumosi pakwingila muvutwa vwa Nguluvi kwebepe ji ngamila pakwingila mukalyango ka singano.

26Neke avene avapulikaga neke vatigilage: apo humbi alanana ani?

27Neke atigilage: lwe valemilwe avanu, kwa Nguluvi lusilema.

28Neke umwene Petele atigilage: lolage unefwe tufilekile fyonda ifyesu, tukuninilye juve.

29Neke umwene atigilage: ndakyene unene ndikuvavula nditigila: sipwali umunu, je akufileka nińumba numudala navanakwavo navavaha navâna, ngana akufilekela vu vutwa vwa Nguluvi,

30je asigelekelelwa fyond’ifi na ku kuno ku-ńi ja pasi iji; neke ku-ńi jila, ijiladza, alavwanukila na vu vûmi, uvusisila ponu.

31-34: Mat. 20, 17-19; Mal. 10, 32-34.

31Neke baho abagukage navo avańikyumi navavili neke avalongelage ukuta mulolage twikwi-nukila ku-Jelusaleme, kwe dzidzikwapukila dzonda, idzandikwe kuvavidzi, idza mwâna va munu. 9, 22. 24.

32Ndivwene alasutulilwa kuva-pivala, alajejevulwa, alalangapalilwa, alafuńilwa amati;

33alatovwa nifiboko neke baho vamuvulagage, neke pakigono kya vudatu apo umwene aladzu-lubuka kangi.

34Neke avene vatanage ukulufika nambi lumwinga, nilidzwi ili lyali ngita lifihime kuvene, vasadzikagulaga na dze alongaga umwene. Mal. 9, 32.

35-43: Mat. 20, 29-34; Mal. 10, 46-52.

35Neke lino baho, avye ahegelidze mu-Jeliko, neke huju umunu umubofu ikadzile pikasi palubali, ihuṅunya ifya kuhuṅunya.

36Neke avye apulike ililugu lya vanu ukudzumba, neke baho avudzage atigilage: kye kiki ikyo?

37Neke vamulongelage vatigilage: je Jesu uva mu-Nasalete, idzumbanidza.

38Neke baho umwene akutage neke atigilage: ve Jesu, ve muswamuve va Davidi, ungamyanila!

39Neke baho avanu, avalongwe muvulongolo, neke vamukabusage vatigilage: bê! udzike! Neke lino umwene ongeledzage mbandu pakukōla neke atigilage: ve muswamuve va Davidi, ungamyanila!

40Neke baho Jesu image neke atigilage, vamuletage ukwakwe. Neke lino avye ahegelye umwene, neke baho amuvudzage atigilage:

41ukatigye ndikugitage ndavuli? Neke umwene atigilage: najune ndilolage, ve mutwa vangu.

42Neke baho Jesu neke atigilage: lino ulolage, lukuhosidze ulufuvo lwako. 17, 19.

43Neke baho alolage namulomo gula. Neke baho amulumbage Nguluvi neke aninilage kwa Jesu. Neke navanu vonda, avaluvwene, neke navo vatumage amalumbo kwa Nguluvi.

Currently Selected:

Luka 18: II

Highlight

Copy