Johana 16

1Ndivalongye, pakuva nditigye dzitane ukuva podzili ińakuva-mbudza uńeńe. 14, 29.

2Valavahedza na kulukombeso lwanavo. Neke lino jilafikila na ji sala, apo vonda, avańa kuva-vulaga uńeńe, valatigila: kwe kulima tumulimye ju Nguluvi. Mat. 24, 9.

3Dze valavaletela idzi, pakuva na ju dâda vasi-mudzelye najune vasi-ndzelye. 15, 21.

4Neke idzi ndivalongelye ṅani, ukuta mwali mudzikumbukage, jilava jifikile isala, ukuta atulongye ju mwene. Pavwa-mulilo idzi sindavalongye, pakuva twali pamwinga nanene.

5Neke lino ndihelela kwa je anumile unene, neke uńeńe asikumbudza jungi ukuta: vwikola kwi? 7, 33.

6Nda hamu, pakuva ndivalongye idzi, neke lino uńeńe inumbula dzeńo dzimemile uvuhuguvafu.

7Neke lino unene ndikuvalongela idza ndakyene nditigila: lwe ndihelela ulu, ndikuvahelelela juńe. Ndivwene ndika ndibihile ukuhelela, apo ngali na ju mwimilidzi asikwadza ukweńo; neke lino ngana ndihelela, apo ndilamutuma umwene ukweńo. 14, 16. 26.

8Neke lino ngana adzile ju mwene, apo ińi alajigomedza na kundzanangifu na kuvugolofu na kuluhigilo. 1. Kol. 14. 24.

9Kundzanangifu alajigomedza, pakuva vasifuvwa unene. 3, 18.

10Kuvugolofu alajigomedza, pakuva unene ndipilukye kwa dâda, pakuva najuńe musikumbona ponu. Apos. 5, 31; Lom. 4, 26.

11Kuluhigilo alajigomedza, pakuva umutwa va ńi iji ahigilwe. 12, 31; 14, 30.

12Podzili indzolofu idza kuvalongela uńeńe, neke lino tândi dzikuvalema ukudzifika. 1 Kol. 3, 1.

13Neke lino alava adzile jujo, ju Mubepo va koluli, apo je alavalongolelaga ukuvingidza muvuńa-koluli. Ndivwene umwene asilalonga uluhuma ukwakwe, hamu, umwehe alavalongela, dze ipulika, alavadalikila idza kuvulongolo. 14, 26; 1. Joh. 2, 27.

14Umwene alandzusa mu-ńa-ndolo june, pakuva alinula apangu june neke avadalikilage uńeńe.

15Fyonda fye ali nafyo udâda, fyangu june. Kye ndilesile nigilage: alatola ińuma-ukwangu neke avadalikilage. 17, 10.

16Pasigye panaṅi, apo musilambona, kangi pasigye panaṅi, apo mulambona kangi. (Pakuva ndihega ndihelela kwa dâda.) 14, 19.

17Neke baho avangi avańigendwa vakwe neke vilondzage vatigilage: kye kiki, kye itigila: pasigye panaṅi, apo musilambona, kangi pasigye panaṅi, apo mulambona? Na lwe itigila: pakuva ndihega ndihelela kwa dâda?

18Neke vatigilage: kye kiki, kye itigila: pasigye panaṅi? Unefwe tusikulufika, lwe ilonga.

19Neke umwene Jesu neke avakagulage ukuta vikŏla mukumbudza neke baho alongage navo neke atigilage: mukulusakula lu lwe nigye: pasigye panaṅi, apo musilambona, kangi pasigye panaṅi, apo mulambona.

20Ndakyene ndakyene unene ndikuvalongela nditigila: uńeńe mulavemba mulahugumilila, neke ińi ijo jilakēla. Uńeńe mulavedza nuvukiva; neke uvukiva vweńo vulahambuka lukēlo.

21Umukiṅinavo pe ali mukupōla umwâna, ivedza nuluńēṅemalo, pakuva jimufikve isala jakwe, neke lino, agana amuhŏlile umwâna, apo asikumbuka nulupumuko, lwe akipumuka, pakuva ikēla kwa mwâna, je aholilwe kwen’eńi kuno.

22Najuńe lino muli nuluńēṅemalo, neke kangi mulambona, apo inumbula dzeńo dzilakēla, neke lino ulukēlo lweńo ulu asilalusweketula munu ukweńo.

23Ikigono kikyo apo musilambudza kinu. Ndakyene ndakyene unene ndikuvalongela nditigila: ki kivedzaga kye mwińilikila mwitavwa lyangu kwa dâda, ikyo alavapela. 14, 20; 14, 13. 14.

24Ukufika kuneṅuli musina muńilikila kinu mwitavwa lyangu unene; muńilikage, apo mulanuka, ukuta na lu lukēlo lweńo luvedzage luńakupedza hela. 15, 11.

25Idzi ndikiselenga, pe ngikuvalongela, neke jiladza isala, apo sindilaselenga pakuvalongela, hamu, apo ndilavalongela kyedzamutima idza dâda.

26Ikigono kikyo mulańilikila mwitavwa lyangu, neke unene sindikuvalongela sinditigila: je nene je ndilavańilikila kwa dâda.

27Ndivwene jujo ju dâda nave avendile uńeńe, pakuva uńeńe mundzendile unene, pakuva mufuvilwe nukuta unene ndihumile kwa Nguluvi. 14, 21.

28Unene ndihumilekwa dâda, ndadzile kwen’eńi kuno, kangi ndikujileka ińi ndihelela kwa dâda.

29Neke baho avańigendwa vakwe vatigilage: lolage, lino vwilonga kyedzamutima, usiselenga pakulonga. v. 25.

30Lino tukudzelye ukuta ufidzelye fyonda hela, usi muńa-kuvudzwa tândi kwe munu. Twifūvililwa lwe utigye: ndihumilekwa Nguluvi.

31Neke baho apilusage Jesu neke atigilage: ukufuvwa mwifuvwa lino,

32neke lolage jiladza isala, napo jadzile, apo mulapalaṅaswa uńeńe, mulahelela jumwijumwi kukâja jakwe, unene mulandeka ndili jena. Neke si ndili jena hamu, pakuva ndili nudâda. 8, 20; Mat. 26. 31; Mal. 14, 27.

33Idzi ndivalongelye ṅani ukuta mwali muluvonelage umwangu ulutengamaso. Uńeńe kwen’eńi kuno kufińe, neke lino muńamalage ndesi, ndijitelwidze unene ińi. 14, 27; Lom. 5, 1; 1. Joh. 5, 4.

Currently Selected:

Johana 16: II

Highlight

Copy