Popular Bible Verses from Johana 16

Share

Idzi ndivalongelye ṅani ukuta mwali muluvonelage umwangu ulutengamaso. Uńeńe kwen’eńi kuno kufińe, neke lino muńamalage ndesi, ndijitelwidze unene ińi.

Neke lino alava adzile jujo, ju Mubepo va koluli, apo je alavalongolelaga ukuvingidza muvuńa-koluli. Ndivwene umwene asilalonga uluhuma ukwakwe, hamu, umwehe alavalongela, dze ipulika, alavadalikila idza kuvulongolo.

Ukufika kuneṅuli musina muńilikila kinu mwitavwa lyangu unene; muńilikage, apo mulanuka, ukuta na lu lukēlo lweńo luvedzage luńakupedza hela.

Neke lino unene ndikuvalongela idza ndakyene nditigila: lwe ndihelela ulu, ndikuvahelelela juńe. Ndivwene ndika ndibihile ukuhelela, apo ngali na ju mwimilidzi asikwadza ukweńo; neke lino ngana ndihelela, apo ndilamutuma umwene ukweńo. Neke lino ngana adzile ju mwene, apo ińi alajigomedza na kundzanangifu na kuvugolofu na kuluhigilo.

Najuńe lino muli nuluńēṅemalo, neke kangi mulambona, apo inumbula dzeńo dzilakēla, neke lino ulukēlo lweńo ulu asilalusweketula munu ukweńo. Ikigono kikyo apo musilambudza kinu. Ndakyene ndakyene unene ndikuvalongela nditigila: ki kivedzaga kye mwińilikila mwitavwa lyangu kwa dâda, ikyo alavapela.

Ndakyene ndakyene unene ndikuvalongela nditigila: uńeńe mulavemba mulahugumilila, neke ińi ijo jilakēla. Uńeńe mulavedza nuvukiva; neke uvukiva vweńo vulahambuka lukēlo.