Johana 15
15
1Unene nde kabiki ka vutoṅoni vwa ndakyene. Neke udâda je muńa-kuvulimilila.
2Neke tonda utupagwa utwa mwangu, utusiveleka imeke, uto alatupagula; neke utwene tonda, utwiveleka imeke, uto alapatilila, ukuta tongele-dzage vunofu pakuveleka.
3Neke uńeńe muli vapatililwa, pakuva livapatilye ilidzwi, lye ndivalongye.
4Uńeńe mwikalage mu mwangu, apo najune ndilikala umweńo juńe. Ndevye ka kilemwa akapagwa ukuveleka ka kene, ngana kasipagilwe pavutoṅoni uvuṅinavo, najuńe ve mulivo, mwilemwa ukuveleka, ngana musivedza umwangu.
5Unene nde kabiki ka vutoṅoni, uńeńe ńe fipagwa. Neke lino je akwikala umwangu neke najune ndikalage umwakwe, ujo je alaveleka imeke indzolofu, pakuva ngana musivedza nanene, apo fyonda fikuvalema. 2. Kol. 3, 5.
6Ngana umunu jumwi asivedza umwangu june, apo alatagwa pivala ngita kipagwa, aluma hela, neke apo valamuhola, valamu-sopa kumôto, alapya hela.
7Najuńe ngana mwivedza mu mwangu june na ga madzwi gangu nago gavedzage mu mweńu juńe, apo fyonda fye mukelye mulańilika hela, apo swe fyonda filavadzila. Mal. 11, 24.
8Mwe mwene mwe idzukila muńa-ndolo udâda, ngana mwiveleka imeke indzolofu, ngana mwiha-mbuka vańigendwa vangu.
9Ndevye andzendile unene udâda, najune ndivendile ndesi. Mwikalage muvwênde vwangu vuvo.
10Ngana mukudzigendela indagi dzangu, apo ve mugenda muvwênde vwangu, ndevye najune ndikudzigendela indagi dza dâda, ndikalile muvwênde vwakwe. 14, 15.
11Idzi ndivalongye ukuta ulukelo lwangu luvedzage umweńo, ukuta lupedzage ulukelo lweńo. 17, 13.
12Neke ulwene ululagi lwangu, lwe ndikuvalagila, lwe ulu nditigila: mwijendage, ndevye najune ndivendile uńeńe. 13, 34.
13Asupali umunu umuńa-vwênde, uvulutye kuvwênde vwa munu, je akuvalekela uvûmi vwakwe avajagwe. 10, 12; 1. Joh. 3, 16.
14Uńeńe muli vajangu, ngana mwigendela, lwe ndivalagye june.
15Lino sinditigila muli vasutu, pakuva umusutu asiludzelye, lwe igendela umutwa vakwe, hamu, uńeńe nditigila muli vajangu, pakuva ndivagotolye dzonda, dze ndipulike kwa dâda. 8, 31.
16Si je ńeńe je mūńălile unene, hamu, udivahălile june neke ndivahălye ulwa kuta mukahelelage neke mukavelekage imeke neke imeke dzeńo dzikalage.
17Neke lino idzi ndivala-gilye ukuta mwendanage.
18Ngana muvwene ińi jivasulile, apo mulukagulage ukuta jitalile ukusula unene. 7, 7.
19Muka muvedzage va mu-ńi muno, apo ngali ińi jifyendile ifyakwe; jivwene musili va mu-ńi iji, jivwene ndivahălile june ku-ńi, kye jilesile jivasulage ińi. 1. Joh. 4, 5; 17, 14.
20Mukumbukage ilidzwi lila, lye ndavalongye, lye ndatigye: umuvanda asilutila uvukomi kwa mutwa vakwe. Ngana vafwimile unene, apo najuńe valavafwima. Ngana ilidzwi lyangu vakuligendela, apo nalyo ilidzwi lyeńo valaligendela. 13, 16.
21Neke lino dzonda idzi valavagahila, pakuva muli nilitavwa lyangu unene, pakuva vasimudzelye, je anumile unene. 16, 3.
22Ndika ndibihile ukwadza mukuvavula, apo ngali sikuli ndzanangifu kuvene, neke lino idza kwikengelehedza indzanangifu dzanavo dzijagile.
23Neke lino je asulile unene, ujo amusulye ṅani na ju dâda. 5, 23.
24Ndika ndivedzage sindilimile amalimo, ge asina alima ujungi, apo indzanangifu nga vasili nadzo, neke lino vagavwene neke vakutusula ndesi najune na dâda. 14, 11.
25Kwe kuva lyapukye baha ilidzwi ilya mumilagililwe gyanavo ilitigila: vasulile dadi hela.
26Neke lino alava adzile umwimilidzi, je ndi lavatumila uva kwa dâda, u-Mubepo uva koluli, apo je mwene j’aloleka idzańavangu. 14, 16; Luk. 24, 49.
27Neke najuńe muloleka, pakuva twali pamwi ukuhuma, pe ndamulaga. Apos. 1, 8; 5, 22.
Currently Selected:
Johana 15: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
