Apositili 24

1Neke lino, vavye vagonile ifigono fihanu, neke baho vasulunukilage mu-Kesaleja nu Ananija, umutekedzi umukomi, navakomi vamwi numuhiga-nôngwa jumwi, ilitavwa lyakwe ali je Teletulu, neke ve vamugotolelage uguvaneli, dze vamuvalaga u-Pavulu.

2Neke lino, vavye vamukemelye u-Pavulu, neke baho Teletulu amulage mukōlela idza kumuhiga neke atigilage:

3„Umuńa-kutengamasa sikutengamasa je veve, navanu vonda ukuvage-lanidza juve, ve muvuja, ulu tukulwivuka mbêpali ponda hela, ve Felisi, ve mutwa ndakyene, twihongedza nukuhongedza.

4Pakuva lino nditigila nditane ukukuhweleledza, neke lino ndidedeva kwe ve mulele sivulele, nditigila utupulihidzage, pe tukudzigelula hela inôngwa idzi.

5Pakuva umunu uju tuvwene adzukile ngita sotoka hela mondamonda, ihula ukugaluka ava-Juda vonda monda, mwe vadzengile. Mamavo va va-Nasalete muvulonganile vwanavo. 17, 6.

6Na ji tembele najo agedzidze ukuta ajihalabuse, neke baho tumwi-batage. [Neke tutigilage twigendela imilagililwe gyesu unefwe pakumuhiga, 21, 28.

7neke lino adzage u-Lisija, umuńa-kipuga-mbilima jula, neke amuńa-gage mumavoko gesu ningufu ingomi,

8neke alagilage atigilage avańa-nôngwa vakwe vahelelage ukwako uveve.] Neke lino najuve, ngana ukumunasa, ulavona ilonga lulo, lwe tukumuhiga unefwe.“ 23, 30.

9Neke nava-Juda navo neke vamutangage lulo, vatigilage: dzili evo ndakyene.

10Neke baho uguvaneli neke amupalisage ilivoko u-Pavulu ulwa kuta alonge. Neke baho umwene apilusage atigilage: „Pakuva ndikudzelye, ukuta uli muhiga-nôngwa dzanavo avamuno imyâka myolofu, apo lino najune ndikōlela idzangu kyedza-mutima hela.

11Najuve ngana utigye uvudzage, apo ulavona ifigono fyangu fisisutye pikyumi limwinga nafivili pakyâńa ukuhuma, pe nda-helelaga ku-Jelusaleme mukulapangila. 21, 17.

12Na mutembele vasi-mbwene ndilonga numunu, vasimbwene ndigalusa avanu, vasimbwene nambi muńumba dza luholanilo nambi mukâja.

13Vilemwa nukungo-medza na dze vakufila apa.

14Neke lwe ndikwidika ukwako unene nditigila: idza ṅasi, je vitigila vulonganile avene, mwe mwene mwe ndikumuli-mililamo u-Nguluvi va vakatali vesu; ndikudzifuvwa dzonda, idzandikilwe na mumilagililwe na muvavidzi. v. 5.

15Nukuhuvila kwa Nguluvi nako ndihuvila, lwe vihuvila navo ava, ulwa kuta ukudzulubuka kokuli kwa vonda avanu navagolofu navagaja-vugolofu. Joh. 5, 28. 29.

16Apo najune ndigimba nditigila: ulwikagulo lwangu luvedzage lugaja-vulemadze na kwa Nguluvi na kuvanu. 23, 1.

17Neke ndivye ndige-ndelekye imyâka imyolofu, neke baho ndipilukage kangi neke ndivańa-mulilage ava mukipelela kyesu ifya lupyanilo, nda-ńamwe nifya kwitekelela. Lom. 15, 25. 26; Gal. 2, 10.

18Mwe mwene mwe vambonye mutembele, ndivye ndijelulye nde mudzila-kipuga, nde mudzila-mwângo hela. 21, 27.

19Neke avene, avambwene mumo, ve va-Juda ava mw-Asija, pakavagye ve vavonekage baha apako, ngana vali nadzo idza kuńiga.

20Nambi avene valongage, ngana vadzivwene idzisigolwike, ndivye ndimile mululundano lwa vandzagilá mula,

21apo ke kadzwi kala kene, ke ndańwilidze, pe ndimile mululundano, kala ke ndatigye: ndihigwa neńuli lu lwa kudzulubuka kuvafwe.“ 23, 6.

22Neke lino baho Felisi neke ajihagikage inôngwa, pakuva ajikagwe inôngwa ja ṅasi iji, neke atigilage: ngana ponu alava adzile ku kuno u-Lisija, umuńa-kipuga-mbilima, apo ndiladzidumula inôngwa dzeńo idzi. 23, 20.

23Neke baho amulagilage umuńa-kipuga-ligana neke atigilage: mumukŏlātidzage u-Pavulu, neke mumukogosage, navańa-ṅolo vakwe mutane ukuvapilusa, ngana vikwadza mukumuvombela. 27, 3.

24Neke lino, pe vagonile nde filingi, neke ava-Felisi numunu vakwe Dulusila, je ali mu-Juda, neke vamukemelage u-Pavulu neke vapulikage, dze alongaga idza lufuvo ulwa kumufuvwa Kilisiti Jesu.

25Neke lino pe ikuvalongela nidza vugolofu nidza kwivopa nidza pakigono kya kuhigililwa ikiladza, neke baho Felisi ogopage neke atigilage: lino uhelelage tândi, ndilakukemela kangi, nga ndivwene sindikolise.

26Nukuhuvila umwene ahuvilaga, ukuta henda u-Pavulu alańomba imâle. Lwe lwene lwe amukemelaga kavili-kavili neke vajwanganage.

27Neke lino baho, pe gidzumbila imyâka givili, neke baho ahomelage Poliki Fesiti pa Felisi. Neke umwene Felisi atigilage ndivalekelage ulwa kuhongedza ava-Juda, neke baho amulekage mukunge u-Pavulu.

Currently Selected:

Apositili 24: II

Highlight

Copy