Apositili 23
23
1Neke baho umwene Pavulu aluṅanukilage ululundano lwa vandzagila neke atigilage: ńe vâne, ńe vańa-ṅolo vangu, unene imigendele gyangu igya kwa Nguluvi ukufika kukigono kya neṅuli iki, ndigendye mulwikagulo ulunofu. 22, 1; 24, 16.
2Neke baho umutekedzi umuvina, u-Ananija, neke avalongelage ve vafudiṅine nave pamimile neke atigilage: mumuvatage nikivâte kumulomo.
3Neke baho Pavulu atigilage: alakutova Nguluvi uveve, ve lukandzi ulubak’ingesy’ave! Vwikalile baha uli ngita vwigendela imilagililwe pakuńiga unene, neke kangi imilagililwe vwijadzihidza mukuta: mumutoye?! Mat. 23, 27.
4Neke baho, ve fyafudiṅine navo, neke vatigilage: vwiliga umutekedzi umukomi va Nguluvi?
5Neke umwene Pavulu atigilage: sindikamudzelye, vajono, ukuta je mutekedzi umukomi, pakuva-lolilwe muhâte ulwitigila: umutambule uva mukipelela kyako utane ukumulonga fivi.
6Neke lino baho u-Pavulu, pe avavwene mululundano mumo ukuta avangi va-Sadukaja, avangi va-Fwalisaja, neke baho ańwilidzage pakulonga atigilage: vajono, najune ndi mu-Fwalisaja, ndili mwâna va va-Fwalisaja; dze vakuńiga unene, vakuńigila paluhuvilo na pa lwa kuta: avafwe valadzulubuka. 22, 3; 26, 5.
7Neke lino baho, avye alongile ulu, neke baho vagaluṅanage nava-Fwalisaja nava Sadukaja neke baho valekanage pavili, avali pamwi.
8Pakuva ava Sadukaja vikana vitigila: tusiladzu-lubuka, sipwali nambi jumwi umuńa-mwandza va Nguluvi, sipwali nambi ju Mubepo. Neke lino avene ava-Fwalisaja vakudzidika dzonda idzi. Mat. 22, 23.
9Neke baho umwângo guvedzage molofu neke lino baho vimage vamwi avakagulihâte ava vulonganile vwa va-Fwalisaja neke vakanage vatigilage: unefwe tusikuvuvona nambi vumwi uvuhosi kwa munu uju. Neke ngana alongile nave u-Mubepo nambi umuńa-mwandza, apo kiva kiki? 25, 25; 6, 39.
10Neke lino umwene umuńa-kipuga-mbilima, pe avwene ndzolingo, neke iganyage atigilage Pavulu alababuliṅaswa kuvene, neke baho akemelage avasilikale vamugomelage ngufu vamuhelelage nave mwilînga mula.
11Neke baho ikilo kya kilavó neke amuvonekelage umutwa neke atigilage: uveve ukangale hela! pakuva uladzolela na mu-Loma inôngwa dzangu, ndeve udzolike mu-Jelusaleme muno. 18, 9; 19, 21; 28, 16. 23.
12Neke lino pamilavo ava-Juda vamwi neke vadzovanilage neke vijigilidzage neke vatigilage: tusilya nifilyo tusińwa nululenga, twitala tumuvŭlage u-Pavulu tândi.
13Neke lino avene, avafinganye idzi, valutye napamakyumi gataji pavolofu.
14Neke ve vahelelage na kuvatekedzi avakomi na kuvavina neke vakatigilage: unefwe twijigilidze mbando, tutigye tusigivona iminogele gya filyo, tândi tumuvŭlagage u-Pavulu.
15Neke lino uńeńe muhange nululundano lwa vandzagila neke mumu-longelage umuńa-kipuga-mbilima, amuletage ukweńo kuno, muvedzage ngita mwikŏla mukudzivwila pakudzipulika vunofu inôngwa dzakwe, neke unefwe twikuvalila pikasi, tukumuvulaga, ve asina ahegelela na pano.
16Neke dze apulikage umwipwave va Pavulu, dze valonganaga, neke baho ahelelage mwilînga neke akamulongelage u-Pavulu.
17Neke lino baho u-Pavulu neke amukemelage umuńa-kipuga-ligana jumwi neke atigilage: umuvinano uju umuhelelage nave kwa muńa-kipuga-mbilima, ali na lukāni ulwa kumulongela.
18Neke je amwanukilage neke akamusindikage kwa muńa-kipuga-mbilima neke akatigilage: ndivwene u-Pavulu jula umufunge akuṅemela itigila: umuvinano uju ukamusindike kwa muńa-kipuga-mbilima, ali nadzo idza kukulongela.
19Neke umwene umuńa-kipuga-mbilima neke amwibatage ilivoko neke amutyegage nave, neke avye idevwe nave, neke amuvudzage atigilage: nôngwa jiki, je ukundongela?
20Neke umwene atigilage: ava-Juda vidikine vatigye, tuladedeva ukwako juve, twitigila u-Pavulu usulunukilage nave kululundano lwa vandzagila kula, tulavedza ngita nde twivwila ukuta tudziko-mandzage vunofu inôngwa dzakwe.
21Neke uveve utane ukuvidevulila, pakuva vuvalye avalutye uvolofu pamakyumi gataji, vijigilidze, vatigye tusifilya nifilyo tusiluńwa nululenga, twitala tumuvŭlage u-Pavulu tândi. Neke lino vigelanidze, vilolela hela juve ulwa kuta uvidikage.
22Neke baho umuńa-kipuga-mbilima amutavulage umuvinano neke atigilage: utane ukulonga kwe jungi ukuta undongye unene idzi.
23Neke baho avakemelage avańa-kipuga-ligana vakwe vavili neke atigilage: muvahagulage avasilikale avańa-magoha amagana gavili (200), avakuhelela mu-Kesaleja navańa-fwalasi vavedzage makyumi mufúṅàti (70), navańa-ndagandaga navo vavedzage magana gavili (200), muvalongelage, vigelanidzage, vahegelage pasala ja vudatu ija pakilo.
24Na dzi fwalasi idza kumugendehedza u-Pavulu, nadzo muvujapile ṅani. Mukamusindike vunofu kwa Felisi, uguvaneli.
25Neke je amwandikilage ihâte ija kuta:
26„je nene Kalavudu Lisija, ndikukuhungila ve guvaneli, ve Felisi, ve mutwa ndakyene.
27Umunu uju vakamwi-bite ava-Juda, vakagane vamuvŭlage. Neke lino unene ndivaṅanidze niki-puga kya vasilikale neke ndimupokile. Neke baho udipulikage ukuta mu-Loma. 21, 33; 22, 25.
28Neke baho nigilage: ndidzipulikage, dze vakumuvala, neke baho ńelelage nave kululundano lwanavo ulwa vandzagila. 22, 30.
29Neke mbonage vakumuvala nôngwa ja milagililwe gyanavo vavo. Neke idzene ińakukĕlwa ukufwa nambi ukukungwa, idzo sipodzili nambi. v. 6-9; 18, 14. 15.
30Neke vambulage ukuta vikola mukumuvalila, neke lino ndimutumile ukwako bahobaho hela. Navańa-nôngwa vakwe ndivalagye nigye: mukahelelage mukahiganile kwa Felisi, dze muli nadzo.“ 24, 8.
31Neke avene avasili-kale neke vagendelage lu lwe valagililwe neke vamwinulage u-Pavulu neke vagonage vigenda neke vakafikage nave mw-Andipatele.
32Neke pamilavo vavalekelaga avapafwalasi neke ve vahelelage nave. Neke avene vapilukilage kangi kwilînga lyanavo.
33Neke avene vala neke vakafikage nave mu-Kesaleja neke vatavulage ihâte kwa guvaneli neke na ju Pavulu neke vamu-tavulilage.
34Neke umwene, avye alolile pahâte, neke amuvudzage ińi, je ahumile, neke pe apulike ukuta va mu-Kilikija, 22, 3.
35neke atigilage: ndila-kupulika, pe vadzile avańa-nôngwa vako. Neke baho alagilage atigilage vamumingage pitengule lya Helodo.
Currently Selected:
Apositili 23: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
