Apositili 22

1Ne vanisu, na juńe, ńe vadâda, mupulikage, dze ndikolela lino na june idzangu. 7, 2; 13, 26.

2Neke lino avene, pe vavwene ilonga ikihibuli, neke baho vongeledzage mbando ulwa kujigala. Neke baho umwene atigilage: 21, 40. 3-21; 9, 1-29; 26, 9-20.

3„Unene pakipelela ndili mu-Juda, ndiholelilwe mu-Talisi mu-ńi ja mu-Kilikija, neke ndivungilwe mukâja jiji mumagulu ga Gamalyele, vagimbile pakundzigidza imilagililwe gya va katali. Na june idza Nguluvi ndadzi-fulupalye, ndeve mudzi-fulupalye uńeńe neńuli. 5, 34.

4Neke iṅasi iji ndajida-dambalilaga ndavwidike nuvufwe. Neke ndavibatage navakigosi navakidala neke ndivasutulage muńumba ja vańa-ńololo. 8, 3.

5Adzidzelye na ju mutekedzi umukomi, vadzi-dzelye navavina avańa-kipelela, pakuva ve vamelye nihâte idza kuhelela nadzo kuva-Juda vajetu. Neke baho mbitage mu-Damasiki, ukuta kwe ndikavakungage avali mumo neke ndivadzage navo mu-Jelusaleme muno, mwe vadze vakĕlelwage.

6Neke lino baho, pe ndigenda pe ndihegelidze mu-Damasiki, neke baho mbonage pamûńi nakalingi ve muli ulumuli uluvina lukūmulika.

7Neke unene jivedzage bidigu pasi, neke baho mbonage ilidzwi lilonga na nene litigila: ve Savulw’ave, ve Savulw’ave, ukumbala kiki, lwe ukufwimila?

8Neke baho unene ndipilukage nditigilage: juve nani, mutw’ave? Neke umwene apilusage atigilage: je nene nde Jesu uva mu-Nasalete, je ukumu-fwima.

9Neke lino avene, ve ndali navo, valuvonage lu lumuli lwene, neke ilidzwi, ilyalongaga nanene, lye vasalifike ponu.

10Neke balio unene nigilage: neke lina ndigitage ndavuli, mutw’ave? Neke umwene umutwa andongelage neke atigilage: vwimage, uhelelage mu-Damasiki, mwe vidzi-kukuvula dzonda, dze ulagililwe pakudzilimila.

11Neke unene sindalavaga, pakuva indolo dza lumuli lula dzadońwe mumîho. Neke baho vaṅŏlelage mwivoko, ve ndali navo. Neke ndikafikage mu-Damasiki.

12Neke lino mukâja mumo mwe ali umunu umugendela-milagililwe, ilitavwa ali je Ananija. Va-mudzelye ukwisugilila nava-Juda, avadzengile mumo.

13Neke je akadzage balie ndali, neke ahege-lelage ukwangu neke atigilage: Ve Savulu, ve mwanisu, vwinamuke ulole! Neke unene ndina-mukage bahobaho neke ndilolage. Neke umwene atigilage:

14Nguluvi va vadadisu akubagulye ṅani gu mwingilo, atigye ulukagulage lwe akelye, atigye umuvonage umugolofu, ulipulikage nilidzwi ilihuma kumulomo gwakwe,

15pakuva dzonda na dze udzivwene nadze upulike ulavedza muńa-kuvolelela avanu vonda.

16Neke lino vwikanga-dzila kiki? Ulamuke, udzabikwage, uhogofyage indzanangifu dzako, ulapangilage ilitavwa lyakwe.

17Neke lino baho, pe ndipilukye ku-Jelusaleme, pe ndili mukulapangila mutembele muno, neke baho mbonage ndigonela uvugonelamutwe.

18Neke baho ndimuvonage umwene neke alongage nani atigilage: vwangupage uhegage mu-Jelusaleme muno kisatu hela, pakuva vasiladzanukila, dze vwikolela idza nene.

19Neke baho unene neke nigilage: mutw’ave, navo vandzelye ukuta je nene, je ndagendaga muńolanilo dzonda, je ndavibataga vonda, avakufu-vwaga uveve neke ndivatovage. v. 4.

20Na bahala pala, pe vasukulaga idanda ja Setefana, ja molesi vako, napo ndimile baho ndakelye, ndagilolelaga nimyênda gyanavo, avamu-vulagaga umwene. 7, 57; 8, 1.

21Neke umwene andongelage atigilage: uveve uhelelage, pakuva ndiku-kutuma kutali kuva-pivala.“ 9, 15; 13, 2.

22Neke avene vapulihidzage, dze alongaga ukufika pa palidzwi ili, neke lino baho vinusage ilidzwi lyanavo neke vatigilage: ilinu ili lingahega kwen’ivala kuno, lisivagye kulutono lwa vûmi. 21, 36.

23Neke baho vovage nilyôvo neke vademuli-ńasage nimyênda gyanavo neke vatipulilage nilifuna kukyâńa.

24Neke baho umuńa-kipuga-mbilima alagilage neke atigilage mumwingidzage mwilînga neke atigilage mumunasage nifiboko, ndidzivone dze vo-vye ilyôvo ili.

25Neke avene, pe vi-kola mukumuladza ifiboko, neke baho umwene Pavulu neke avudzage kwa muńa-kipuga-ligana, je imile baho, neke atigilage: uńeńe mwa mwiladza umunu umu-Loma, pe jisina jikĕlwa? 16, 37; 23, 27.

26Neke umwene umuńa-kipuga-ligana, pe alupulike ulu, neke baho ahelelage kwa muńaki-puga-mbilima neke amuvulage atigilage: ulagita ndavuli lino? Pakuva umunu uju mu-Loma.

27Neke na ju muńa-kipuga-mbilima nave neke ahelelage bahe ali neke atigilage: undongele vunofu, humbi uli mu-Loma? Neke umwene atigilage: e, ndi mu-Loma.

28Neke baho umuńa-kipuga-mbilima apilusage atigilage: unene uvuloma uvu ndivusavile nimâle indzolofu. Neke u-Pavulu atigilage: unene napakuholwa ndili mu-Loma.

29Neke baho vamulekage kisatu avatigilaga vamunase. Nekeumwene umuńa-kipuga-mbilima, pe amuvwene ukuva mu-Loma, neke ogopage, pakuva amukungile nińololo.

30Neke lino pamilavo neke atigilage: ndidzika-gulage hîlo, dze vakumuvala ava-Juda. Neke baho amwavulage neke avakemelage valundanage navatekedzi avavina nululundano lwa vandzagila avańa-kipelela, neke baho amusulunukilage nave u-Pavulu bahe vali neke amwimyage baho.

Currently Selected:

Apositili 22: II

Highlight

Copy