Apositili 25
25
1Neke lino umwene Fesiti, avye ingye pavuguvaneli, pe agonile fidatu, neke baho ahelelage ku-Jelusaleme ukuhuma mu-Kesaleja mumo.
2Neke lino baho navatekedzi avavina navaki-longodzi va va-Juda neke vadziletage ukwakwe inôngwa dza Pavulu neke vamulongelage mbando. 24, 1.
3Neke vadedevage vatigilage utusungukilage, uvatumage ava kumwinulila mu-Jelusaleme muno. Neke avene vatigilaga, apo tulamuvalila pikasi. 23, 15.
4Neke lino umwene Fe-siti apilusage atigilage: nda, u-Pavulu akungilwe mu mu-Kesaleja swe, neke najune ndisamba ndipilukila kuko.
5Neke kangi atigilage: neke lino uńeńe avene nadzo tuhelelasage pamwinga, neke ve vidzikumuhiga vavo, ngana i navo uvuhosi umugosi jula.
6Neke lino baho umwene, avye agonile ifigono nde munana nde fińikyumi umwavo mumo, neke asulunukilage mu-Kesaleja. Neke baho pamilavo neke ikalage paluhigilo neke atigilage vamuletage u-Pavulu.
7Neke lino baho, avye afikile u-Pavulu, neke vamuvumbanilage kondakonda ava-Juda, avahumile mu-Jelusaleme neke vamutovelelage inôngwa indzolofu inalamu. Neke lino umwene dzitanage ukumugoma nambi dzimwi.
8Pakuva olelaga idza kuta: unene sindangwe nôngwa nambi jimwi nambi kumilagililwe gya va-Juda nambi kutembele nambi kwa Kesale.
9Neke umwene Fesiti neke atigilage avanodze-hedzage ava-Juda neke baho avudzage kwa Pavulu neke atigilage: ndavuli uveve, ukelye ukubelelaku-Jelusaleme, mwe dzika dumulwage inôngwa dzako idzi, pe pondi najune?
10Neke baho u-Pavulu atigilage: „Unene ndimile paluhigilo lwa Kesale, inôngwa jangu jińa-kuhigwa baha. Neke avene ava-Juda sindivangwe nambi lumwi, najuve uludzelye mbando ulu.
11Napo kangi, ngana ndangwe inôngwa ndakyene, ngana ndihokile idzifulwike ukufwa, apo sindikana pakufwa nda. Neke ngana dzili kijagi hela, dze vakufila ava, apo je nani, je akuvaku-ngila hela umuvili gwangu? Unene ndikwepela kwa Kesale.“
12Neke baho Fesiti valonganage navandzagila vakwe, neke baho amulongelage atigilage: vwepye kwa Kesale, apo lino vwihelela kwa Kesale.
13Neke lino, pe vagonile nde filingi kangi, neke Agilipa umutwa na Belenike neke vasulunukilage mu-Kesaleja mukumuhungila u-Fesiti.
14Neke vavye vagonile fyolofu mumo, neke baho Fesiti amugotolelage umutwa idza Pavulu neke atigilage: „Felisi andekye baha umunu umukunge, 24, 27.
15vamugotwe ukwangu, ndivye ndihelye ku-Jelusaleme navatekedzi avakomi navavina va va-Juda neke vatigilage utukĕlelage umunu uju.
16Neke ve ndivalongelage nigilage: si gye mihigile unefwe twe va Loma ukumutavulila nde mwe madindo umunu, umwene ve vasina valoleṅana mîho na mîho numugotohva navigotola, ve asina apilusa na jumwene, dze vakumuhiga.
17Neke lino vavye vadzile mu muno, unene singahafidze napanaṅi. Pamilavo hela neke ndikalage paluhigilo lwa nôngwa neke nigilage mumuletage umugosi jula.
18Neke pe vikolela avańa-nôngwa jakwe, neke baho vabihile ukujileta inôngwa, je ndahambulaga vileta.
19Neke mbonage lukananilo hela vikananila dzimwi idza vogopa-Nguluvi vwanavo vavo nidza munu jumwi, je afwe, je ali je Jesu, je Pavulu akiku-mutigila pwali mûmi. 18, 15.
20Neke lino baho unene, pe mbwene dzindemile ukudzifika inôngwa idzi, neke baho ndimuvudzage umwene, nde akelye ukuhelela ku-Jelusaleme neke dzikahigwage kuko inôngwa idzi.
21Neke baho umwene Pavulu neke epelage atigilage: ndimingwage, asungwe adzidumulage ju Kesale. Neke baho unene ndilagilage nigilage: apo humbi mumumingage, ndisungwe ndimutume kwa Kesale.“
22Neke baho Agilipa neke amulongelage u-Fesiti atigilage: ve mu, najune ṅelye ukumupulika umunu uju. Neke umwene atigilage: ukumupulika kilavo. Luk. 23, 8.
23Neke lino baho pami-lavo neke vadzage ava Agilipa na Belenike, vipombye ṅani, neke vakingilage muluhigilo lwa nôngwa, vahangile nava ńa-kipuga-mbilima navandzagila avasimikańi va mukâja mumo. Neke baho Fesiti alagilage atigilage: mumwinulage u-Pavulu.
24Neke baho u-Fesiti atigilage: „Ve mutw’ave, ve Agilipa, najuńe mwivonda, ńe vagosi je tuli pamwinga apa, je uju lino umunu, je vakumugilangilila mbêpali ava-Juda kyonda ikipuga na mu-Jelusaleme na mu muno, vakińwilidza ukulonga ukutigila: si va kumuleka uju, afwidzage. v. 2, 7; 22, 22.
25Neke lino unene sindiluvwene lwe angwe inôngwa ja kufwila. Neke lino umwene epye kwa Kesale, atigye je akudzidumulaga neke baho najune ndikĕlage lulo ulwa kudzikumutuma kuko.
26Neke ndivwene si ndili nadzo idzivonike idza kumwandikila umutwa idza kuta dze idzi dze idzi. Kye ndesile ndimuletage ukweńo uńeńe nigilage ukwako juve, ve mutwa Agilipa, ukuta ngana tumukomandzidze, ukuta ndivedzage nadzo idza kumwandikila.
27Pakuva unene ndikitigila: dzilavedza ngita dza vupuva, ngana ndikumutuma umunu umukunge, pe ndisitambula ninôngwa, dze vakumuhiga.“
Currently Selected:
Apositili 25: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
