Apositili 14
14
1Neke baho na mwikoni neke vingiliṅanilage muluholanilo lwa va-Juda neke vadzidalikage mbando inôngwa, vasungwe vafuvwage avanu ililugu ilivina na va-Juda na va-Giliti.
2Neke lino ava-Juda, avabedaga, neke avo vadzilamukilage inumbula dza vapivala neke vadzi-vifyage, valwage navańa-ṅolo. 13, 45.
3Neke lino baho avene vagonage luhāvi neke vadzidalikage kyedzamutima inôngwa, pakuva avene vahuvilaga umutwa, je alyolekelaga ilidzwi lyakwe lya lusungu, je avapelaga nifilŏle nimitu, gye vavonesaga namavoko ganavo. 19, 11; Heb. 2, 4.
4Neke lino baho avanu ava mukâja jijo ndeve vali neke valekanage, neke avangi vimage nava-Juda, avangi vimage nav-Apositili.
5Neke lino baho nava-pivala nava-Juda, pe vilalike navandzagila ulwa kuvalangapalila nulwa kuvatova namaganga, v. 19; 2. Tim. 3, 11.
6neke baho valuvonage neke baho vahemukiìage kukâja nija mu-Lisitila nija mu-Delebe mu-ńi mu-Likajonija na mu-ńi, je fibakanye dzidzo.
7Neke mwe vakadali-kage ilyevangeli. 11, 19. 20.
8Neke lino ali mwali mumo mu-Lisitila umunu jumwi, je alemilwe amagulu, akoṅomalaga hela, pakuva alemalye mwileme lya ṅina, asagendile ponu. 3, 2.
9Neke apulikage, dze alongaga u-Pavulu; neke umwene Pavulu neke amuṅanukilage neke amuvonage ukuta ifuvwa ulwa kuhoswa. Mat. 9, 28.
10Neke balio amulongelage ilidzwi ilivina neke atigilage: vwimage, ugolokage hela pakwima namagulu gako. Neke baho umwene neke ańaṅamukage hela neke akŏle mukugenda.
11Neke lino avanu ikipuga kyonda, pe vadzivwene dzidzo, dze avonesaga u-Pavulu, neke baho vinusage ilidzwi neke valongelage mu ja Likajonija neke vatigilage: avanguluvi vali mulingo nafwe vanu, vatusulunukye. 28, 6.
12Neke Balanaba vatigilaga je Jupita neke umwene Pavulu vamutigilaga je Melekulu, pakuva vavonaga akudzidalika jujo.
13Neke lino baho umutekedzi va Jupita vamu-dzengye pivala pakâja neke aletage niṅambako nuvuluva uvudzinge nde ṅata neke ahelelage navo pakipata, atigye twitekelage navanu vonda.
14Neke lino av-Apositili na Balanaba na Pavulu vavye vadzipulike idzi, neke vademuliṅasage nisopeka dzanavo neke vańamukage hela neke vidigage pakipuga pagati neke vakōlage
15neke vatigilage: ńe vâne, lwe luki? Mańi najufwe twi vanu hela, tuli nde ńeńe uvuvofuvofu, unefwe tukuvadalikila ilyevangeli twitigila muvalekage avanguluvi ava, avasili vanguluvi lweli, mupitukilage kwa Nguluvi umûmi, je agavile na kukyâńa na pa-ńi apa nifili mumo fyonda. 10, 20.
16Umwene pamyâka igya pamwandi atigye avapivala avaleke tândi vonda, vagendelage lwe vakelye va vene. 17, 30.
17Neke napo asalekile ukwijoleka ju mwene, avo-nekelaga mumalimo gakwe aga vulele, lwe avatońehedzaga inońa nulwe avapelaga imyâka gya mota na lwe adzigavilaga inumbula dzeńo nifya kuponela nifya vuhesi.
18Neke amadzwi ganavo aga vagane valemwe pakuvapilusa avanu, avati-gye tuvatekelele.
19Neke lino na kuko neke vakafikage ava-Juda na va mw-Andyokija na va mwikoni neke vava-galusage avanu neke vamutovage namaganga u-Pavulu neke vamukulu-vulilage pivala pakâja, vatigilaga afwe. 2. Kol. 11, 26; 2. Tim. 3, 11.
20Neke lino vavye vanyendzidze avańigendwa vajagwe neke baho umwene image neke ahelelage navo kukâja. Neke lino baho pakilavo ikingi neke ahelelage mu-Delebe na ju Balanaba.
21Neke lino baho neke vavadalikilage ilyevangeli nava mukâja jijo neke mumo vavasavage avańi-gendwa avolofu. Neke lino baho vapilukilage na mu-Lisitala na mwikoni na mw-Andyokija,
22neke vavakangadzage hîlo ninumbula dzanavo avańigendwa, vavavungage ukuta mulumililage mbando ulufuvo neke vatigilage: iṅasi ija kwingilila muvutwa vwa Nguluvi unefwe jigendela mulupumuko ulolofu. 11, 23; 1. Tes. 3, 3.
23Neke vavadzagidzage nava kuva vamamavo paṅombeso dzonda; neke vavye valapangye, vavye vahandzidze nukuhwa ki-talva, neke baho vavala-gilihidzage kwa mutwa, je vamufuvilwe. 13, 3.
24Neke baho vahuma-nidzage na mu-Pisidi neke vakafíkage na mu-Pamufilija.
25Neke inôngwa vadzi-dalikage na mu-Pelege. Neke lino baho vasulunukilage na mw-Andyokija.
26Neke baho vingilage mukyômbo neke valo-vokelage mw-Andyokija, mwe vavalagilye mulusungu lwa mutwa, pe vikuvatuma kumalimo, ge vagasindzile lino. 13, 1. 2.
27Neke lino, pe vavye vadzifikile, neke baho valukońasage ulukombeso londa neke vavagotolelage dzonda, dze alimye navo Nguluvi nidza kutigila: avadindulye avapivala umulyango gwa lufuvo. 1. Kol. 16, 9.
28Neke lino baho vagonage mbando pavańigendwa baho.
Currently Selected:
Apositili 14: II
Highlight
Share
Copy

Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.