Apositili 13
13
1Neke lino mulukombeso lwa mw-Andyokija vali mwevali navavidzi naviganidzi: Balanaba na Simono, ilipelwa ali je Nigele, na Luki, uva mu-Kilene, na Manahene, je vakulise lumwi nu-Helodo umutwa, na Savulu. 11, 27.
2Neke vavye vali mukumutekelela uvutekedzi umutwa, vavye vahwe ki-talya nifilyo, neke baho u-Mubepo umwîmike neke avalongelage atigilage: mundzomolelage na Balanaba na Savulu, vandimilage amalimo, ge ndiva-kemelelye ṅani june. 9, 15.
3Neke lino baho vahwedzage kitalya, valapangilage, neke baho vavavikage amavoko neke vavatavulage. 14, 23; 6, 6.
4Neke avene, vavye vatumilwe kwa Mubepo umwîmike, neke vasulunukilage mu-Silokija neke valovokelage ikyômbo ukuhelela ku-Kipele.
5Neke vakafikage ku-Salami neke inôngwa dza Nguluvi neke vadzidali-kage muńolanilo dza va-Juda. Neke vavedzage na Johana, neke avedzage je mulimi vanavo. 12, 12. 25.
6Neke baho vamalage iligunguli lyonda neke vakafikage mu-Pafu neke mwe vakamuvonage umunu jumwi umuńa-mahilu, umuviladza vudesi, umu-Juda; ilitavwa lyakwe ali je Balajesu.
7Ali pa Seligi Pavulu, uguvaneli, je ali munu muhōdzi. Neke avakemelage ava-Balanaba na Savulu neke atigilage: ndipulikage inôngwa dza Nguluvi.
8Neke umwene Elima (pakuva valiganulagavo ilitavwa ili) neke ajadza-ndzage, dze valongaga, pakuva atigilaga ndimupiluse uguvanele, atane ukufuvwa. 2. Tim. 3, 8.
9Neke baho umwene Savulu, je ali je Pavulu ilingi, je amemilwe u-Mubepo umwîmike, neke baho amuṅanukilage,
10neke atigilage: hê, ve mukina-Setanw’ave, je umemilwe nuvubanga namalanga, je uli vukava nuvugolofw’ave, vwihwa vwijadzandza iṅasi dza mutwa, idzili kidŏńa hela?
11Lino likukufika ilivoko lya mutwa, vwibofola amîho, nilidzuva usikulivona figono. Neke nakalingi gatilivalage amîho neke luvedzage lwisilwîsi neke baho agitage kubofyalika pakusakula umuńa-kumu-kolela ilivoko.
12Neke lino baho, avye adzivwene idzi uguvaneli idzagavwaga baho, neke baho afuvwage neke adzu-mage na ku dze vigidza-ga idza mutwa.
13Neke lino baho va-Pavulu navajagwe neke kangi vingilage mukyômbo neke vahumage mu-Pafu neke vakadzabukilage mu-Pelege, mu-ńi ja mu-Pamufilija. Neke umwene Johana neke apilukilage mu-Jelusaleme neke avajagwe avalekage baho. 15, 38.
14Neke avene ukuhuma mu-Pelege neke vakadzi-fikage mw-Andyokija mu-ńi ja mu-Pisidi. Neke pańwabaha neke vingilage muluholanilo lwa va-Juda, neke vikalage.
15Neke vavye vimbye idza milagililwe nidza vuvidzi, neke baho avimilidzi va ńumba ja kulapangilila neke vatumage umulomo ukwanavo neke vatigilage: ńe vańa-ṅolo vesu, ngana jumwi ali nilidzwi ilya kuvalamuhidza avanu ava, apo alonge. 15, 21.
16Neke baho image u-Savulu neke avapalidzage nilivoko neke atigilage: „ńe vâne, ńe vakina-Jisilahel’ańe, najuńe, je mukumogopa Nguluvi, mupulihidzage.
17Nguluvi va kipelela kya vakina-Jisilahele iki, je mwene je avahalile avakatali vesu neke akiginyage ikipelela iki, pala pe vali vagendzi mw-Egipiti. Kangi neke inulage ilivoko lyakwe neke avahedzage mumo.
18Imyâka gila, gye vagendaga muluṅalaṅala amakyumi gataji gila, igomolaga indzimbo dzanavo neke mbêpali atigilage vona hamu.
19Neke lino, avye avatipwe avapivala avańa-fipelela fihanu nafivili mu-ńi ja mu-Kenagana, neke baho avagavahidzage ińi janavo vugavila-musolo.
20Neke mwe vagonage imyâka amagana gataji namakyumi gahanu (450). Pambele neke avapelage navakĕdzi ukufika pa-Samwele umuvidzi.
21Neke avene vasukage umutwa. Neke baho Nguluvi avapelage u-Savulu, umwa-Kisi, uva mukipele la kya Beńamini. Neke atemage imyâka amakyumi gataji (40).
22Neke lino, avye apalwise kwa uju, neke baho avatemehedzage u-Davidi ukuva mutwa vanavo, neke olelage ulu neke atigilage: ndimuvwene Davidi umwa Jisaji, je jimukēlye mbando inumbula jangu unene, je aladzilima dzonda, dze ndikelye unene.
23Neke lino mudanda ja uju mwe mwene mwe avaletelye umupoki avakina-Jisilahele, ju Jesu, ndeve aluhuvidze.
24Adzile, pe avye ahumile u-Johana mukuvalongela ṅani avakina-Jisilahele vonda ulwa ludzabiko ulwihula ukupela. Luk. 3, 3.
25Neke umwene Johana, pe ikola mukududza uvû-mi vwakwe, neke avalongelage atigilage: unene mwihambula ndi nani? Unene si je mwene, nda hamu, kwali umwene, ali kumbele ukwangu, unene je simbagye nukufivopola nifilato ifya mundzajo dzakwe. Joh. 1, 20. 27; Luk. 3, 16; Mal. 1, 7.
26Ńe vajangu, ńe vańa-ṅolo vangw’ańe, ńe vańa-kipelela kya Abalahama, nańeńe nga povali, avakumogopa Nguluvi, ilidzwi ili lya vupoki ili atutumye jufwe. v. 46.
27Pakuva vala, avadzengile mu-Jelusaleme navandzagila vanavo, vajagilwe idza mwene. Neke na ga madzwi ga vavidzi, agikwimbwa mbêpali pańwabaha, vagahulye ukwadza, pala pe vamu-gotolaga; Joh. 16, 3.
28na pe vasajivonaga inôngwa ija kufwila umwene, napo kangi vadedeva-ga kwa Pilata vatigilaga umuvulage. Mat. 27, 22. 23.
29Neke vavye vadzihulye ukwadza dzonda, idzandikwe muhâte idzilungamye kwa mwene, neke baho vamutumbukulage pakibiki neke vamuvikage mumombwe. Mat. 27, 59. 60.
30Neke lino umwene u-Nguluvi neke amudzulu-busage kuvafwe, 3, 15.
31neke avavonekelage ifigono ifyolofu vonda, ve ahumile navo mu-Galilaja, ve fyahelelise mu-Jelusaleme. Ve vene lino, avadzukile volesi na pavanu. 1, 3.
32Najufwe tuli evo tukuvadalikila najuńe uluhuvidzo, ulwavafikye avakatali vesu, v. 23.
33twitigila: lwe lwene lwe avapelye Nguluvi avâna vesu, pe amulamusaga Jesu, nde lulo ulolilwe muhâte ja lwimbi-lilo ulwa vuvili, ulwitigila: uli mwâna vangu juve, ndikuholile ji neṅuli.
34Neke lwe amudzulubwise kuvafwe, atane ukupilukila kangi mukuvola, ulo alongile nalo atigye: ndilavapela uvwêlulile vwa Davidi uvuli vwidevulilo.
35Kye alesile na mulwîmbo ulungi atigilage: umwêlulile vako usilamuleka, ukuta aluvonage ulwa kuvola.
36Pakuva Davidi, avye alulimile, lwe āluvonye ṅani Nguluvi nave pavûmi vwakwe, ajagile neke va muvikile, pe vavavikile na vadadye, neke lino baho akuvonage nukuvola. 2, 29.
37Neke umwene, je amudzulubusaga u-Nguluvi, ujo asakuvwene ukuvola.
38Ńe vâne, ńe vańa-ṅolo vesw’ańe, mulufikage lino, ukuta mwidalikilwa uvuvodzwa vwa dzanangifu uvugendye mwajujo, 10, 43.
39mulufikage nulukuta vonda avańa kumufuvwa jujo, avo vipugula dzonda na dze valemwaga ukupugulila mundagi dza Mose. Lom. 10, 4.
40Mwilembage lino uńeńe, dzitane ukuvafika idzi-longilwe muvavidzi idzi-tigila:
41„mulolage, ńe vasuni, mudzumangage hela, pakuva ndikuvalimila gamwi amalimo pafigono fyeńo, ge mulagabeda, nde muvedzage mukoṅonilwe vunofu.“
42Neke lino vavye vihuma muńumba, neke avanu vadede vage ukwanavo neke vatigilage: mwadzage kangi, mutudalikile inôngwa pamulungu ugwikwadza.
43Neke lino baho, vavye vipalaṅana mumo mwe vaholanye, neke ava-Pavulu na Balanaba neke vavonage vikuvaninila ava-Juda avolofu avingye muvu-Juda avogopa-Nguluvi. Neke navo vavalongelage neke vavaginalidzage vatigilage: mulumililage ulusungu lwa Nguluvi. 11, 28.
44Neke lino pańwabaha, ijafudike, neke padebe hela vagane vaṅwaṅukilage kuko ikâja jonda mukupulika inôngwa dza Nguluvi.
45Neke lino avene ava-Juda, pe vavavwene avanu ifipuga, neke vasinwage neke vakanidzage, lwe alongaga u-Pavulu neke va zovage nifivi. v. 50; 14, 2.
46Neke baho ava-Pavulu na Balanaba vavedzage kyedzamutima hela pakulonga neke vatigilage: „unefwe ilidzwi lya Nguluvi lika lińa-kuvadalikila juńe tândi. Neke lino, pe mudzimeswe juńe, pe mwikĕlye juńe ukuta uvûmi vwa mbêpali tusivagye, apo lolage lino najufwe twilungamila kuva-pivala hela lino. 3. 26; Mat. 10. 6; Luk. 7. 30.
47Pakuva lwe lwene lwe atulagilidze umutwa lwe atigve: ngudzusidze lumuli lwa vapivala, nigye vwivedza uli muńa-kuva-poka ukufika, kwe jidu-gye ińi.“
48Neke lino vavye valupulike ulu avapivala, neke baho vakēlage mbando neke valilumbage ilidzwi lya Nguluvi neke baho vafuvwage vonda, ve avabagulye kuvûmi vwa mbêpali. Lom. 8, 29.
49Neke baho ilidzwi lya mutwa neke litanage ińi jonda jila.
50Neke avene ava-Juda neke vavagalusage avakiṅinavo avatambule, avamogopaga Nguluvi navandzagila avańa-kâja neke valamusage ulufwimo ulwa kuvafwima ava-Pavulu na Balanaba. Neke vavahedzage mumigola gyanavo.
51Neke baho avene vavapumunilage nulufuna lwa mundzajo neke vahelelage mwikoni. 18. 6; Mat. 10, 14.
52Neke avene avańigendwa neke vamemwage nulukelo nu Mubepo umwîmike.
Currently Selected:
Apositili 13: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
