Apositili 12

1Neke baho pamwâka gugo neke umutwa Helodo neke avibatage ava mulukombeso vamwinga ukuta avapumusage. 4, 3.

2Neke amuvulagage nikyûfya u-Jakovo, umamye va Johana,

3Neke lino, pe avwene vikela ava-Juda, neke baho avwilage neke amwi-batage na ju Petele. Apene, pe amwibataga, pali pakigono kya vugali uvundzila-luhâfu.

4Neke lino, avye amwibite, neke akamudindilage muńumba ja vańa-ńololo. Neke avikage utupuga tutaji utuńa-vasilikale vataji, utuńa-kumu-minga. Umwene atigilaga avakina-Jisilahele, pe valye ipasa, apo ndikuvata-vulila u-Petele.

5Neke baho vamumingage mbando u-Petele muńumba ja vańa-muńololo. Neke lino ulwene ulukombeso neke lumula-pangililage uluńa-mbafya kwa Nguluvi.

6Neke pe lufike, lwe Helodo atigye ndikumu-humya, neke baho ikilo kikyo neke Petele agone-lelage itulo navasilikale vavili, umwene pagati, akungilwe nimińololo givili. Na pamulyango napo vali povali avamingaga muńumba ja vańa-muńololo.

7Neke baho ve veletu umuńa-mwandza va mutwa na lu lumuli nalo ve velemu lwimulika muńumba mumo neke baho umuńa-mwandza neke asuńugulage palubafu lwa Petele neke amuhwadzage atigilage: ulamuke kisatu. Neke baho nimińololo gya mumavoko neke gilagalage hela. 5, 19.

8Neke baho umuńa-mwandza neke atigilage: vwipińage umukandalo gwako mukivuno, ufwalage nindato dzako mundzajo. Neke umwene afwalage. Neke baho atigilage: vwifwikage umwênda gwako, ūninilage.

9Neke baho ahumilage pivala neke aninilage. Umwene idzi asadzikagulaga ukuta dzilimwa dza koluli kwa muńa-mwandza, umwene atigilaga: vugonelamutwe.

10Neke baho vadzumbage pamuminga umulongodzi, kangi na pamuminga ugwa vuvili, neke vakafikage palwidzi ulwa kyûma ulwa pamulyango ugwa kuhumila mukâja. Neke ulo ludindukage lwene hela. Neke lino baho vahumage neke vamalage umukūdzu gumwinga neke baho umuńa-mwandza ajaganikage nakalingi.

11Neke lino baho na ju Petele neke lutemage neke atigilage: lino ndakyene ndiluvwene ukuta umutwa akanumye umuńa-mwandza vakwe, amokile na kumavoko ga Helodo na kukindolela kya va-Juda.

12Neke lino, avye alu-fike ulu, neke avonage afike pańumba ja Malija, uṅina va Johana, je ali je Malika ilipelwa, mwe vaholanye avolofu avańa-kulapangila. 15, 37.

13Neke baho umwene neke akoṅonage palwidzi ulwa pamulyangilo neke baho umuhindza umuńa-kuvomba, ilitavwa lyakwe ali je Lode, neke akapulihidzage.

14Neke baho alikagulage ilidzwi lya Petele neke asemwage nukudi-ndula, pakuva lwatovile ulukelo. Neke ańililage kugati neke avalongelage atigilage: uju Petele imile pamulyango pivala.

15Neke avene vatigilage: ugulwike ulukwale vona! Umwene neke umilidzage neke atigilage: ndakyene. Neke baho avene vatigilage: apo muńa-mwandza va Petele. Luk. 24, 37.

16Neke umwene Petele pele akońona palwidzi. Neke baho vadindulage neke vamuvonage jujo neke baho vakuvilage mbando.

17Neke baho umwene avadĭmage nilivoko, vadzike. Neke lino baho avagotolelage, mwe dzage-ndye idza kumuhumya muńumba ja vańa-muńololo umutwa neke atigilage: mumuvulage na Jakovo na vańa-ṅolo vesu. Neke lino umwene ahumage neke ahelelage ku-ńi ijingi.

18Neke kuvye kukye pamilavo, neke avasilikale vujagage uvwingilo neke vatigilage: agite vuli u-Petele? 5, 21. 22.

19Neke umwene Helodo, avye asakwe alemilwe, neke baho avakĕlelage avańa-muminga neke atigilage: muvulage. Neke lino baho umwene ahumage. mu-Judaja mumo neke ahelelage mu-Kesaleja, neke kwe akadzōvelage.

20Neke umwene vali vukava mbando nava-mu-Tili nava-mu-Sidono. Neke baho avene vidiṅanage vonda neke vadzage bahe ali neke vadede-vage kwa Balasiti, umuvanda vakwe umutulika-vulili vwa mutwa, neke vatigilage: tudzovanage vunofu hela, pakuva ifilyo, fye valyaga ińi dzonda dzanavo, fyahumaga ku-ńi ja mutwa jujo.

21Neke lino baho avalagilage ikigono ikingi neke afwalage umwîngila gwakwe ugwa vutwa neke ikalage paluvumba neke adalikage indzanga.

22Neke baho avanu neke vabomage neke vatigilage: lye lidzwi lya Nguluvi ili, li si lya munu nda.

23Neke baho umuńa-mwandza va mutwa neke amutovage bahobaho hela, lulo, lwe asagotolaga indolo kwa Nguluvi. Neke baho gimulidzage imifińu neke baho afwidzage.

24Neke ilyene ilidzwi lya Nguluvi neke litanage neke lyongelelage monda-monda. 6, 7.

25Neke Balanaba na Savulu neke vavujage ukuhuma ku-Jelusaleme, vavye vagotwe ifya vulimi-lavangi. Neke vavujage nave u-Johana, je vitigila ilipelwa je Malika. 11, 29; v. 12; 15, 37.

Currently Selected:

Apositili 12: II

Highlight

Copy