Apositili 15
15
1Neke lino baho avamwi neke vahumage mu-Judaja neke vavavulanidzage avańigendwa neke vatigilage: ngana musisi-ngwa, ndeve alagye Mose, apo musilapokwa. Gal. 5, 2.
2Neke baho kilamukage ikingalungalu neke avene vala vakaniṅanage niṅani na Pavulu na Balanaba. Neke baho vavomolage na-Pavulu nu-Balanaba navangi nde valingi avajanavo neke vatigilage: mwinukilage ku-Jelusaleme mukapodze ulukani ulu na kuv-Apositili na kuvatema va lukombeso. 11, 30; Gal. 2, 1.
3Neke baho ulukombeso luvasindikililage. Neke vagendelage ilinyengye mu-Fenike na mu-Samalija neke vavakoṅonelage idza lupituko lwa vapivala; neke baho dzivahulilage uluheko mbando avańa-ṅolo vonda.
4Neke lino vavye vadzifike mu-Jelusaleme, neke baho luvanukilage vunofu ulukombeso nav-Apositili ṅani navatema valukombeso. Neke baho avene vagotolage dzonda, dze alimanye navo u-Nguluvi. 14, 27.
5Neke baho vimage vamwi ava vulonganile vwa va-Fwalisaja, avafuvilwe navo neke vatigilage: pavagye navo vasingwage, nimilagililwe gya Mose nagyo vagigendelage.
6Neke baho av-Apositili navatema va lukombeso neke valundanage neke vatigilage tujiganisage inôngwa iji.
7Neke lino umwene Petele, pe avwene vakananye mbando vahwelelye. neke baho image neke avalongelage atigilage: ńe vâne, ńe vańa-lukolo, mwivonda muludzelye ulukuta pa idâha u-Nguluvi, ndeve tuvelye twivonda, ihagile ukuta avapivala vapulikage gu mulomo gwangu ilidzwi lya lyevangeli neke vafuvwage. 10, 44; 11, 15.
8Neke lino baho Nguluvi, umukagudzi va numbula, neke navo avole-kelage neke avatumilage u-Mubepo umwîmike, ndeve atupelye najufwe.
9Neke umwene avye avavalahidze lu lufuvo inumbula dzanavo, apo umwene nafwe navala asavagise umuvago, nda hamu, kwa mwene tuli mulingo gumwinga. 10, 34.
10Neke lino mukumu-gemya kiki Nguluvi, pe mwitigila: tuvafwikage umudzegandzego ugu avańigendwa musingo, kuno gwavalemile ukuńamula navadadisu, kuno najufwe gutulemile? Gal. 3, 10; 5, 1.
11Hamu, najufwe tuli nde vala, najufwe twihuvila ukunanila lu lusungu lwa mutwa Jesu. Gal. 2, 16; Ef. 2, 4-10.
12Neke baho ikipuga kyonda neke kijigalage hela neke vategage namasikidza ku va Balanaba na Pavulu, pe vavavula-nidzaga nifilŏle nimitu, gye avonehedzaga u-Nguluvi pava-pivala mumavoko ganavo.
13Neke pe vamalile pakulonga avene, neke baho andage u-Jakovo neke atigilage: ńe vâne, ńe vańa-ṅolo vangu, mupulikage, lwe ndilonga unene. 21, 18; Gal. 2, 9.
14Simono atulongye, dze alongwe ju Nguluvi pakuvavona ava kwihagulila avanu avapivala, vavedzage valitavwa lyakwe. v. 7-9.
15Neke na ga madzwi ga vuvidzi gegemine nalo lulo, ndeve lolilwe ulwa kuta:
16pambele ndiladza kangi, apo ndilalidzenga kangi ilihema lya Davidi, ilitelwike neke ndilasalula kangi, pe limamwike neke ndilalinusa,
17ukuta vonda avanu avasigye, vamutemulage umutwa nava-pivala vonda ṅani, ku ve litambwilwe ilitavwa lyangu.
18Idzova-vo umutwa, je akudzilima dzonda idzi, dze adzikagulye ṅani bah’idâha.
19Apo unene ndidumula lino nditigila: tutane ukuvatunguvika avajesu, avihuma pivala avipitukila kwa Nguluvi.
20Nda hamu, tuvalagilage hela tutigilage: mutane ukwilamya niminguluvi nuvugoni nińama, je vabudile, nidâho.
21Pakuva Mose amwilwe ji dâha, povali mbêpali, avakumudalika mukâja dzonda, mbêpali ihâte jakwe jitambulwa pańwabaha muńolanilo. 13, 15.
22Neke lino baho vonda nav-Apositili navatema va lukombeso nulukombeso londa ṅani neke vahălage ulwa kuvatuma avanu, avahuma ukwanavo kuko, avańa-kuhelelasa nava-Pavulu na Balanaba mw-Andyokija. Neke baho vavomolage na Juda, je vatigilaga ilipelwa je Bala-saba neke na Sila, avaíi valongodzi muvańa-ṅolo.
23Neke ve vavapelage nihâte ija kwibata mumavoko. Neke vandikage vatigilage: „je nefwe, twe v-Apositili na je tutemile mulukombeso na twe va-ńa-ṅolo veńu, tukuvahu-tigila ńe vańa-ṅolo vajesu, je muhumile kwivala, je mugenda mw-Andyokija na mu-Silija ha mu-Kilikija.
24Tupulike ukuta avajesu vamwi, avahuma-kuno, vadzile ukweńo kuko, vavatunguvike uńeńe namadzwi ganavo, vama-mwe ninumbula dzeńo. Neke tusavalagye jufwe nda. v. 1.
25Neke lino unefwe, tuvye tulundanye mutima gumwinga twidikine tutigye tuvahalage vamwi avajesu, vagendase na Balanaba na Pavulu, avênde visu,
26avatagye umutima gwanavo kwitavwa lya mutwa vesu Jesu Kilisiti.
27Neke lino tuvatumye uńeńe na Juda na Sila, ve vańa-kuvagotolela mulomo na mulomo dzidzo navo.
28Na ju Mubepo umwîmike nanefwe twidiṅine tutigye tusikuvongeledza ifingi ifisito, tukuvalongela akadebe kako, akasili ka kuleka, twitigila:
29mugadzilage amase-mbe ga minguluvi, muji-dzilage nidâho, mujidzilage nińama, je vabudile kusingo, muvudzilage nuvugoni. Ngana mufilekile ifi, apo mulagona vunofu. Hwelage!“
30Neke baho vavatavulage avanu vavo, neke avene vahelelage neke vakafikage mw-Andyokija. Neke lino baho vava-lundasage ikipuga kyonda neke baho vavatavulilage ihâte iji.
31Neke lino avene, pe valavile, neke baho vakelage, pakuva vavwehe ihâte iji jivańamidze.
32Neke lino baho u-Juda nu-Sila, avali vavidzi navo, neke valongage amadzwi amolofu na ga kuvavunga na ga kuvaka-ngadza avańa-ṅolo vajavo. 11, 27; 13, 1.
33Neke vavye vagonile nde filingi, neke baho avańa-ṅolo vavatavulage, ve kuvalye, vatigilage: mupilukilage ku ve vava-tumile.
[34Neke umwene Sila neke ujo ikalage baho.]
35Neke avene ava-Pavulu na Balanaba neke vakagonage mw-Andyokija neke vavavulanidzage avanu neke vavadali-kilage ilidzwi lya mutwa neke vahange navangi avolofu.
36Neke lino kangi, vavye vagonile ifigono nde filingi, neke Pavulu alongage na Balanaba neke atigilage: suko tuvwile kangi tukavalole avajesu mukâja dzonda, mwe twa-dalike inôngwa dza mutwa, nde valamwike. 1. Tes. 3, 5.
37Neke umwene Balanaba atigilage twihelela nave u-Johana, je vatigilaga je Malika ilipelwa. 12, 12. 25.
38Neke umwene Pavulu neke akanage atigilage umunu uju, je ahemwike mu-Pamufilija, je akanile ukugendasa nafwe mumalimo gesu, uju asivagye ukugendasa nafwe. 13, 13.
39Neke baho valwage mbando neke baho valekanage. Neke Balanaba amwinulage u-Malika neke vingilage mukyômbo neke vahelelage mu-Kipele.
40Neke umwene Pavulu amuhagulage ju Sila neke ahelelage nave, vavye vamugotolye kulusungu lwa mutwa avańa-ṅolo.
41Neke baho amalage ponda na mu-Silija na mu-Kilikija neke adzikangadzage iṅombeso.
Currently Selected:
Apositili 15: II
Highlight
Share
Copy

Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.