NDIMA JA NTUME 12
12
Vwasi vweetiwe ni Herode; Petro efunywa he nyumba ya kichungo
1Igheri lila Mfumwa Herode akarongaja mikono kuvaketia vantu va kanisa kumwe vivivi, 2akamkoma Yakobo mjinawe Yohane kwa mhandwi. 3Ekivona iti chavaizihira Vayuda, akazika keta huvo akamgura ne Petro, ila misi neki ya mikate yesina chachu. 4Ekikenja kumgura akamgera he kichungo, akamwinkija he mahindo mane a vasikari vane vane vamrinde; ekienda iti Pasaka yekivecha amvike mozya he vantu.
5Petro akarindwa he nyumba ya kichungo, kanisa nalo likamwomba Mrungu kwa nzinya jose vuntu vwakwe. 6Igheri Herode erekere kumfunya, kio kila kila, Petro ekishinjie ghati he vasikari veri echungiwe na minyororo miri; na valughojo veimuke mpengeni kurinda nyumba ya kichungo. 7Hala indi malaika wa Mfumwa akaimuka hafuhi naye, kianga kikaangaja he kila chumba, akam’bigha Petro he kijavu, akamvusha, ekiti, “Vuka fia.” Minyororo ikadavuka he mikono yakwe. 8Malaika akamti, “Kudoke, doka viratu vyako.” Akaketa huvo. Ekikenja akamti, “Doka suke yako uniratere.” 9Akafuma na nze, akamratera; neri temanyije iti icho cheketiwe ni malaika ni cha idi, mira ekitie iti etevoa kimpeho. 10Vekinaveche he lughojo lwa kuvoka na lwa keri, vakafikia mvera wa kighera wa kuingiia he muzi; ukavajuvukia mjenye, vakafuma na nze, vakavecha he nzia mwe; hala indi malaika akamshigha. 11Igheri Petro ekiburukana akati, “Iki namanya cha idi, iti Mfumwa emtumie malaika wakwe akanifunya he mkono wakwe Herode na he kila chose mbari ya Vayuda vekikiindie. 12Aho echeri dunganya huvo akafika he nyumba yakwe Maria mlala wavo Yohane, ula eitangwa Marko, na vantu vajinki vekivungane aho vekiomba. 13Naye ekikokonta he kapenge ke mvera, mgitu eitangwa Roda, akaza kusikija. 14Ekinamanye izii lakwe Petro, vuntu vwa kuizihirwa esijuvue mvera, mira akadindika, akaingia nyumba, akavavwira iti, Petro eimuke he mvera. 15Vakamti, “Ughuruka.” Mira ye akazikisha ekiti, “Ni huvo.” Vakati, “Ni malaika wakwe.” 16Petro akazika kokonta; vekinamjuvuie vakamvona, vakamaka. 17Naye akavahaja na mkono iti vahuje, akavagaia vuntu Mfumwa emfunyije he kichungo, akati, “Tongani myuremwukulila Yakobo na vala vandughu iji mburi.” Akavuka akatonga na hantu hangi.
18Igheri hekishangalala, vasikari vakahomborera haiwa kuti, chakwe Petro chaoka ze. 19Herode ekimwnda temvonie, akavavwija valughojo, akaazera vakumwe. Ekikenja akasea Kaisari kufuma Yudea, akaikaa uko.
Kifwa chakwe Herode
20Naye ekivavihiwa haiwa vantu va Tiro na Sidoni. Vakamzia kwa ngoro mwe, vekikenja kugura vumbwie ne Blasto, eye ekisungajia chumba cha mfumwa cha kishinjia, vakaenda mporere, ambu isanga lavo lekighuhia vijo he isanga lakwe. 21Msi mwe weaghanwe, Herode akadoka suke ja kifumwa, akaikaa he kichumbi cha kifumwa, akateta mozya he vantu. 22Vantu vakalonza vekiti, “Ilo ni izii la Mrungu, si izii la mntu. 23Hala indi malaika wa Mfumwa akam’bigha, kila esimshimie Mrungu; akaliwa ni vinyongo, akafwa.
24Kiteto cha Mfumwa kikazika kugisha hantu hose.
25Barnaba ne Sauli vekinakoloshe kila vetumiwe, vakavuka uko Yerusalemu, vakahunduka vena ne Yohane eitangwa Marko.
Currently Selected:
NDIMA JA NTUME 12: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
