Zacarías 2

Bredawra to sint da dllix

1 1 (5) Bredawra dayubre. Na brera to be'nn noxe'e to sint da dllix. 2 2 (6) Na bnabra le'e: ¿Gaxha chajgo? Na le'e ballie'e xtillan na bne: Cha walljallixa yell xhen ke Jerusalén'na, nench'na nezra art naken tonn, na art, naken ray.

3 3 (7) Natell brera ke zeyaj anklen beren nada' di'llen, na blloj yeto ankl jatile'e le'e 4 4 (8) na lle le'e: Biajdo jazene be'nnen nox dan dllixen: Jerusalén'na wallan be'nn dayubre, na bill gak chechjen ze'e katk be'nn zan'na walla raw yellen, ka wallan be'nn, na ka wallan bayix. 5 5 (9) Xanllon ne: Nada' gaka ka' ze'e de yi' llalnin da nechjgoy Jerusalén'na, na wruera yel nbaraz kian raw yell xhen'na.

Xanllon wazre'e yell ke'en

6-7 6-7 (10-11) Xanllon ne: Nadan beslasa re' gateze. Na na' llzenla re': Le waxhonjdo latj yell-li'on lli rale. Le walloj Babilonian, gan llare llalleyraw re', yell Sión. Nada', Xanle, ba bnia kaꞌ.

8-9 8-9 (12-13) Xanllon nap doxhente yelwaken, ba bsele'e nada' konen diꞌll ki, ke latj yell-liw kaꞌ badlan da kaꞌ sjanapren: Nuteze be'nn kan yell kian, yajrawa kiksen kan ake'. Kelen'na, nadksa kwina tilrena latj yell-liw kaꞌ, na wa latj ke be'nn wen llin ke ake' kaꞌ, kwan ake' bi da sjade ke ake', kone ka' wroe Xanllon yelwak xhen ke'en, na kena chejnie re' ke le'en bsele'e nada'.

10 10 (14) Xanllon ne: Le gul kanake llare nbaraz, re' sjallare Jerusalén'na, le baza'a nench'na surena re' txhen. 11 11 (15) Keten gak daki, dazan latj yell-liw ka' gak aken txhen Xanllon, na le'e ne': Lekse kaꞌ latj yell-liw ki gak aken yell kia. Na nada' surena re' txhen. Na konen kaꞌ chejnie re' ke Xanllon nap doxhente yelwaken bsele'e nada'. 12 12 (16) Judán wayaken rallna Xanllon dayubre, na gaken da braw raw yell xhirallen, na gune dayubre Jerusalén'na gaken yell xhen da byasralle. 13 13 (17) Yoyte re' sjalla raw doxhente yell-liw lesu lliteze, Xanllon ba blloje'e lo yodao xhirall gan zoe'en, zadtile lliw.

Currently Selected:

Zacarías 2: ZPUPAT

Highlight

Copy