Hageo 2

Yel nbaraz ke yodao kuben

1Lla tolloa be'o gallen, Xanllon balwille Hageon dayubre, be'nnen llayixjwe lloa xtillen, 2na gulle'e le'e ye'e Zorobabelen, xhi'nn Salatiel be'nnen llnebia Judán, na Josué xhi'nn Josadac bxus braw, na yoy be'nn ka' sjalla raw yellen. 3Be'nn ka' brere yoda'on batna katk nbarazen guk yichj rawen, gakxha ke llakere ke dani na' cha ke dan napllo ni. ¿Bi llakere bibi zaken wsakrebellon kon ren dan yeton? 4Legun war yichj raxhdaore, Zorobabel. Legun war Josué xan bxus ka'. Lewpere loelljre, na yoyte re' be'nn sjalla latj yell-li'on. Legun llin, le nada' serena re'. Nada', Xanle napa doxhente yelwak llania yeto. 5Doxhen ke dan bchaba, kan ballachre Egipton, yelwak kian se'renen re', bi llebre. 6Le kan ba bne Xanllon, nap doxhente yelwaken, yechollteze wxiza yeban, na yell-li'on, na nista'on. 7Wxiza doxhente latj yell-liw gan sjalla yoyte be'nn nach, na yedwa ake' yelwnia ke aken gani', na to lleynin wayak yodao kian, ne Xanllon nap doxhente yelwaken. 8Kia nake ya platen, kia nake ya cha'on nzi oro, kan ba bne Xanllo nap doxhente yelwaken. 9Yodao wllopen, gaktellen nbaraz kerke da nellen, na chare nbaraz latjen zureni, nada' Xanle napa doxhente yelwaken ba bnia ka'.

Diozen llunle snia yellen bi llun dalixhejen

10Lla tapalloa be'o ga, kan llnebia Daríon, Xanllon bne' Hageon, 11Na gulle'e le'e, wchebe'e konen ra Xanllon nap doxhente yelwaken, na wnabre bxus ka', gakren nak dan llayal gun aken: 12Na nekello cha to be'nn chaje'e lljeraowe'e, na nchelrize'e be'ren nak xhirallen lo rall dan nake'en, na llwa rall dan nllelen' llajtan pan'na, o cha zu ke uva, na seit o cha billre yelwaon: ¿Waklay yelwaon cha? Na bxus ka' bne ake', ka'. 13Na Hageon bzerawe xtillen, na bne: na nekello yeto, cha to be'nn ba bdane be'nn wat, na ba nake bziw, na chaje'e llajtane konto yelwao ka', ¿bi wagan daki bziw cha? Awa ka' yeganen' bne bxus ka'. 14Na Hageon bne: Kin ba bne Xanllon yeto: Kayansen llun be'nn ka' sjalla gani': Yoyte da ka' llun aken, na da kaꞌ llazarall aken naken sral. 15Na na' le wayunyian xbab. Kanake sorawre wayonle yodao ke Xanllon. 16¿Akre ke llakere na'? Re' llbexhre yerapre galj rrob trigo, na llarapre chizen, o cha ket llajre gan sjalli da ka' llsi uvas ka', na llbexhre wazire chiyon yesen, na llazire galjzen. 17Nadan blleyian konen baria ka', na konen yajsed, yoyte da ka' ba benle konen nia'nare ka', axha bikse bayechj re' weraore nada', kan ba bne Xanllon. 18Na', lla tapalloa ke be'o ga, ba brekwre rane yodao kian. 19Wiatekere, wallate lo daxhoa keren. Lakse cha bi ne' kwia yay uvas ka', na bi ne' kwia yay higos ka', na bi ne' kwia yay za' ka', na yay olivon bine' gunen' aceituna, na' llate gunlayan.

Dan bchab Xanllon raw Zorobabelen

20Na ke lla naksen bne' Xanllon Hageon, 21Na gulle'e le'e ye'e Zorobabelen, be'nnen llnebia Judán: Nada' wxiza yeba rente yell-liw, 22nada' wlleyia gan llbe be'nn wnebia ka', na rente yel wak ke be'nn ka' llnebia raw yell-liw ni, nada' wllixtula karret ka' nsa be'nn waka ya ka', na be'nn ka' sjalla loen, na wlleyia kabay ka', na be'nn ka' sjallia kull kabay ka', na gut loellj ake' konen spad ke ake' ka'. 23Na ke lla'na, Zorobabel, be'nn wen llin kia, gapchia rwe', keto aniyo da ngo xbena dan llchicha seyen, le nada' ba biazralla rwe'. Nada' Xanle napa doxhente yelwaken ba bnia ka'.

Currently Selected:

Hageo 2: ZPUPAT

Highlight

Copy