Hageo 1
1
Llpe akre nench'na wayakchao yoda'on
1Raw da wllope iz kan llnebia Daríon, lla nell ke be'o xopen, Xanllon bne' Hageon be'nnen llayixjwe xtillen, na gulle'e le'e ye'e be'nnen nzi Zorobabel be'nnen llnebia Judán, xhi'nn Salatiel, na be'nnen nak xan bxus ka', Josué, xhi'nn Josadac.
2-3Na Xanllon gulle'e Hageon ye'e be'nn ka': Kin ba bne Xanllon nap doxhente yelwaken, yell ni ne ake' kere nan' llayal wayonchawllo lo yodao ke Xanllon. 4¿Bixha llunllen bien'na kanake re' llare yo' ga ba nunchawre, ga nak nbaraz, na lo yodao kian ba llayinjen? 5Nada', Xanle napa doxhente yelwak, llzenla re', le wayunyian xbab yel kan llun kere'na. 6Daxhen kwis llasllan re', na ratze llarapre, llaj llawre, axha bi llerjere, llakre xhare da nak scha'a axha bi llallierere, na be'nnen llun llin llan, to lladeze raxhguen, llaken ke guch da ba nlles. 7Kan ba bne Xanllon, nap doxhente yelwaken, lewayunyian xbab kan nawre llunlen. 8Lechaj raw ya' ka', le llajzoy yay ka', na le lljalaj bray, na lewayun lo yo' rillan, na yewera kan gunlen, gana' wruera re' yelwak kian. 9Re' llebraz llayirjre, axha ratze llallele re', na dan llagochawre lo yo' rill ren', nada' tuze wruban, wzaltian kale, ¿bixhchen cha? Le lo yo' rillan ba llayinjen, na llebraz llarale re', llunchaore lo yo' rill ren, nada' ba bnia ka', ne Xanllon llnebian. 10Xtole yel kan llun keren nallen bill llak yejwon, nallen billbi llun' yell-li'on da yej gaw re'. 11Nadan ba bzoa boa, raw yu lix ka', na raw ya' kaꞌ, na da ka' llazllanlen, na ren da ka' warapre yu lix keren, na raw yoyte be'nn nach, na bayix ke re' ka' na yoyte da ka' llunlen.
12Zorobabel xhi'nn Salatiel, na bxus be'nnen le Josué xhi'nn Josadac, na yoyte be'nn ka' bagan, bzenay ake' ke Xanllo Diozen, dan bzene Xanllon Hageon, be'nnen llayixjwe xtillen, yellen bdap ake' baran na blleb ake' Diozen. 13Natell Hageon be'nnen llixhjoe xtill Diozen, gulle'e le ake': Xanllon ba bne: Nada' Xanle ba bnia ka': Nada' zerena re'.
14-15Na Xanllon bdane yichj raxhdao Zorobabelen, be'nnen llnebia Judán, na bxus Josué xhi'nn Josadac, na yoyte be'nn ka' sjalla raw yellen, lla tapalloa be'o xop yiz wllopen llnebia Daríon, bzuraw ake' jayenchao ake' yo' ke Diozen nap doxhente yelwaken.
Currently Selected:
Hageo 1: ZPUPAT
Highlight
Share
Copy
Want to have your highlights saved across all your devices? Sign up or sign in
