YouVersion Logo
Search Icon

Rasulan De AʼAmal 4

4
1Jad uh lokáṉ núṉ ih pae ákhde san, tad káhin te haikal dá sardár te Sadúqí uhnáṉ utte charh áe. 2Kyúṉ jo bare gusse hoe paí uh lokáṉ núṉ sikhálde sán, te Yisúʼ dí misál deke murdeáṉ vichchoṉ jí uṭṭhan dí manádí karde sán. 3Te uhnáṉ utte hatth páe, te dujje din tíkarʼ qaid rakkhiá, kyúṉ jo udoṉ shám ho gaí sí. 4Par bahutereáṉ uhnáṉ vichchoṉ jihnáṉ kalám suniá, ímán liándá, te uh ádmí gintí vichchoṉ panj hazár ho gaye sán. 5Te agle bhalak aiuṉ hoiá, paí uhnáṉ de sardár te buzurg te faqíh Yarúshalím vichch ekaṭṭhe hoe sán. 6Te Hanna sardár káhin nál sí, te Qáífá te Yuhanná, te Sikandar te jinne sardár káhin de sák sán. 7Te uhnáṉ núṉ vichch khuliárke uhnáṉ puchchhiá, paí Tusáṉ kihṛí qudrat nál te kihre náṉ te ih kamm kítá? 8Tad Patras Pák Rúh nál bharke uhnáṉ núṉ akhan laggá, ki Qaum de Sardáro te Buzurgo. 9Je sáthoṉ ajj puchchhiá jándá hai is ihsán dí bábat, jihṛá is kamzor ádmí utte hoiá, paí uh kikar wall ho gayá hai. 10Táṉ tuhánúṉ sabhnáṉ núṉ te Isráíl dí sárí qaum núṉ maʼlum howe, paí Yisúʼ Masíh Násarí de náṉ te, jih núṉ tusáṉ salib dittí, te Ḳhudá ne uh nún murdeáṉ vichchoṉ jiwáliá, uh de náṉ te tuháḍe sámhne ih banda bhalá changá khalotá hai. 11Ih uho patthar hai, jih núṉ tusáṉ rájáṉ náchíz jániá, uh táṉ guṭṭh dá sirá ho gayá. 12Te kise dujje koloṉ naját nahíṉ hai, kyúṉ jo asmán de hiṭháṉ hor koí náṉ ádmíáṉ vichch dittá nahíṉ gayá hai, jih dí ráhíṉ sánúṉ naját mile. 13Jáṉ uhnáṉ Patras te Yuhanná dí dilerí vekhí, te jániá, paí ih anpaṛh te ʼámm lokáṉ vichchoṉ ne, táṉ taʼajjub kita, te uhnáṉ núṉ pachhániá, Uh Yisúʼ de nál sán. 14Te us ádmí núṉ, jihṛá wall hoiá sí, uhnáṉ de nál khalotiáṉ vekhke kujh ḳhiláf na ákh sake; 15Par uhnáṉ núṉ hukm deke paí majlisoṉ báhar jáo, ape wichch saláh karke akhan lagge, paí, 16Asíṉ ihnáṉ ádmiáṉ núṉ ki karie? kyúṉ jo uhnáṉ thoṉ ikk mashhúr karámát ho gayí hai, jihṛí Yurúshalím de sáre rahanwáleáṉ núṉ maʼlúm hai, te asíṉ mukar nahíṉ sakde; 17Par kite aiuṉ na howe, paí lokáṉ vichch gall hor bhí phail jáwe, asíṉ uhnáṉ núṉ dhamkí deie, paí is náṉ dá pher kise ádmí agge zikr na karan. 18Tad uhnáṉ núṉ saddke tákíd kítí, paí Yisúʼ de náṉ utte bilkúll na bolná, te na taʼlím dená. 19Par Patras te Yuhanná uhnáṉ núṉ ákhiá, Tusíṉ áp insáf karo, paí Ḳhudá de agge ṭhík hai, paí asíṉ Ḳhudá dí gall náloṉ ziyáda tuháḍí gall sunie? 20Kyúṉ jo ih sáthoṉ ho nahíṉ sakdá hai, paí jo kujh asáṉ vekhia, te suniá hai, so na ákhie. 21Tad uhnáṉ pher dhamkí deke uhnáṉ núṉ chhaḍḍ dittá, kyúṉ jo lokáṉ de sabab uhnáṉ núṉ sazá den dá koí ráh na labbhiá, is waste paí us kamm de sababboṉ, jihṛá hoiá sí, sáre Ḳhudá dí waḍiáí karde sán. 22Kyúṉ jo uh janá, jih de utte wall hon dí karámátʼhoí sí, cháliáṉ warheáṉ de utte utte sí. 23Tad uh chhuṭṭke apne sáthíáṉ de kol áe, te jo kujh sardár káhináṉ te buzurgáṉ uhnáṉ núṉ ákhiá sí, bayán kítá. 24Te uhnáṉ jad suniá, ikk dil hoke Ḳhudá núṉ uchchí áwáz nál ákhiá, Ai Málik, túṉ hí ásmán te zamín te samundar te sab jo kujh uhnáṉ de vichch hai, banáyá. 25Túṉ Pák Rúh dí ráhíṉ apne bande sáḍe piu Dáúd dí zabání ákhiá, paí G̣air-qaumáṉ káhnúṉ shor macháyá, te lokáṉ ne kúṛe khiyál baddhe? 26Ḳhudáwand te uh de Masíh de barkhiláf zamín de bádsháh utthe, te hákim ikk sang ikatthe hoe. 27Kyúṉ jo sach much is shahr vichch tere Pák Ḳhádim Yisúʼ de barkhiláf (jih núṉ túṉ Masíh kítá) Herodes te Pantús Pilatus g̣airqaumáṉ te Isráílí lokáṉ sane is laí kaṭṭhe hoe, 28Paí uh kamm karan, jih dá honá tere hatth te terí saláh ne pahle hí ṭhahrá rakhiá sí. 29Te hun, ai Ḳhudáwand, ihnáṉ díáṉ dhamkíáṉ núṉ vekh te apne bandáeṉ núṉ ih himmat de, paí baṛí dilerí nál terá kalam sunan. 30Te túṉ apná hatth wall karan laí wadhá, te apne Pák Ḳhádim Yisúʼ de náṉ utte nisháníáṉ te ʼajíb kamm vikháe ján. 31Jad uhnáṉ duʼá mang laí, tad uh tháṉ hiláya gayá, jih de vichch uh ikatthe hoe hoe sán; te sabbho Pák Rúh nál bhar gaye, te Ḳhudá dá kalam dilerí nál sunan lagge. 32Te ímándáráṉ dí jamáʼat ikk dil te ikk ján sí; te koí apne mál vichchoṉ kisí chíz núṉ apná nahíṉ sí ákhdá, par uh sab kujh sánjhá rakkhde sán. 33Te rasúl Ḳhudáwand Yisúʼ Masíh de ji uṭṭhan dí gawáhí baṛí táqat nál dende sán, te uhnáṉ sabhnáṉ utte baṛá fazal sí. 34Kyúṉ jo uhnáṉ vichchoṉ koí muhtáj na sí; is laí paí jinne zamin te makán de málik sán, uh núṉ vechke vikiáṉ hoiáṉ chízáṉ dá mull liáunde sán: 35Te rasúlán de pairán agge rakkhde sán, te har ikk núṉ uh dí lor mújib wanḍiá jándá sí. 36Te Yúsuf qaum dá Lavi sí te Kuprus dá sí. Uh dá rasúlán ne Barnabá (yaʼne Nasíhat dá puttar) náṉ rakkhiá. 37Uh de kol ikk pailí sí. So uh núṉ vechke jihṛá mull watṭiá gayá sí, rasúlán de pairáṉ agge rakkh dittá.

Highlight

Share

Copy

None

Want to have your highlights saved across all your devices? Sign up or sign in

Free Reading Plans and Devotionals related to Rasulan De AʼAmal 4

YouVersion uses cookies to personalize your experience. By using our website, you accept our use of cookies as described in our Privacy Policy