Rasulan De AʼAmal 5

1Te Hanániáh karke ikk jane ne apní wahuṭí Safírá nál rallke milkíyat vechí; 2Te wahuṭí nál saláh raláke mull vichchoṉ kujh rakkh liya, te kujh hissa laike rasúláṉ de pairáṉ vichch liya rakkhiá. 3Par Patras ákhiá. Ai Hanániáh, Shaitán tere dil vichch ih gall kyúṉ páyí, paí tuṉ Pák Rúh núṉ fareb deweṉ, te zamín de mull vichchoṉ kujh rakkh chhaḍḍen? 4Jad tíkar uh rahí, táṉ terí na sí? te jad vik gai, táṉ tere ikhtiyár vichch na rahí? Túṉ kyúṉ is gall núṉ dil vichch rakkhiá? Túṉ ádmíáṉ nál fareb nahíṉ kítá, par Ḳhudá nál. 5Ih galláṉ sundiáṉ hí Hanániáh digg piá, te uh dá dam nikal gayá. Te jinneáṉ suniá, sáreáṉ núṉ baṛá dar laggá. 6Te jawánáṉ uṭṭhke uh núṉ kafanáyá, te báhar lejáke dafanáyá. 7Te tinn ku ghanṭeáṉ de pichchhoṉ uh dí wahuṭí is hál thoṉ beḳhabar hoke andar áí. 8Tad Patras uh núṉ ákhiá Mainúṉ dass, tusáṉ pailí núṉ inne hí thoṉ vechiá? uh ákhan laggí, Inne hí thoṉ. 9Pher Patras uh núṉ ákhiá. Tusáṉ káhnúṉ saláh kítí, paí Ḳhudáwand de Rúh núṉ ázmáo? Vekh tere ḳhasam de dafanán wáleáṉ de pair buhe utte ne, te tainúṉ ví báhar le jánge. 10Use vele uh uhde pairáṉ kol ḍiggí, te uh dá dam nikal gayá; te jawánáṉ andar áke uh núṉ murda vekhiá, te báhar le jáke uh de ḳhasam de kol dafanáyá. 11Te sárí kalísiá núṉ te jinnáṉ ih gall suní, sáreáṉ núṉ baṛá dar laggá. 12Te rasúláṉ de hatthoṉ bahut karámátáṉ te muʼajize lokáṉ vichch záhir hoe; te sab ikk dil hoke Sulemán de baráṉḍe vichch ikatthe sán. 13Par hornáṉ vichchoṉ kise dá hausila na piá, paí uhnáṉ vichch rall jáe. Tad bhí lok uhnáṉ dí taʼríf karde sán. 14Te hor bhí wadh mard te ʼauratáṉ sagon jamáʼatáṉ díáṉ jamáʼatán ímán líáke milde jánde sán. 15Itthoṉ toṛí paí lok apneáṉ rogíáṉ núṉ báhar saṛakáṉ utte li-áunde, te píṛhíáṉ te manjíáṉ utte rakkhde sáṉ, is laí pai Patras jad áwe, uh dá parchháwáṉ hí uhnáṉ vichchoṉ kite utte pai jáwe. 16Te Yarúshalím de chár chophere de shahráṉ vichchoṉ bhí bahut lok rogíáṉ núṉ te uhnáṉ núṉ, jihṛe palít ruháṉ nál aukhe sán, nál liáke ikaṭṭhe hoe; te uh sáre wall ho gaye. 17Tad sardár káhin uṭṭhíá, te uh de sáre sáthí bhí (jihṛe Sadúqíáṉ de firqe de ne) te sáṛe nál bhare hoe sán. 18Te rasúláṉ utte hatth chukke, te uhnáṉ núṉ ʼámm hawálát de vichch pá dittá. 19Par Ḳhudáwand de firishte rát núṉ jelkháne dá buhá kholiá, te uhnáṉ núṉ báhar liáke ákhiá, 20Jáo, te haikal vichch khaloke is zindagí díáṉ sáríáṉ galláṉ lokáṉ núṉ sunáo. 21So ih sunke uh sawere haikal vichch gaye, te sikhálan lagge. Jad sardár káhin apne sáthíáṉ de nál áyá, uhnáṉ sadr majlis núṉ te Baní Isráíl de buzurgáṉ núṉ jamaʼ kítá, te qaid-ḳháne vichch ákhwá ghalliá, paí uhnáṉ núṉ le áun. 22Jáṉ sipáhí utthe appare, uhnáṉ núṉ jel-ḳháne vichch na vekhia. 23So murke uhnáṉ khabar dittí, paí Asáṉ qaid-ḳháne núṉ baṛí hifázat nál band kítá hoíá vekhiá, te pahrewále darwázeáṉ utte khalote hoe sán; te ján kholiá, táṉ kise núṉ andar na vekhíá. 24Jad haikal de sardár te sardár káhináṉ ih galláṉ suniáṉ, uhnáṉ dí bábat bahut ghabrá gaye, paí ih gall kitthe tíkar wadhegí. 25Te kise áke uhnáṉ núṉ ḳhabardittí, paí Vekho, uh jane jihnáṉ núṉ tusáṉ jel-ḳháne vichch pá dittá, uh haikal vichch khaloke lokáṉ núṉ sikhálde ne. 26Tad sardár sipáhíáṉ sane gayá, te uhnáṉ núṉ le áyá, par zabardastí nál nahíṉ, kyúṉ jo uh lokáṉ thoṉ ḍarde sán, kíte uh sánúṉ patthar na máran. 27Te uhnáṉ núṉ liáke sadr majlis vichch khalá kítá, te sardár káhin uhnáṉ núṉ puchchhan lagá, paí 28Asáṉ tuhánuṉ tákíd nál hukm dittá sí, paí is náṉ utte na sikhálo; te tusáṉ Yarúshalím núṉ apní taʼlím nál bhar dittá hai, te is ádmí dá khúṉ sáḍe utte liáuná cháhunde ho. 29Par Patras te rasúláṉ ákhiá, Sánúṉ Ḳhudá dá hukm ádmíáṉ de hukm náloṉ wadh manná cháhidá hai. 30Sáḍe piudádeáṉ de Ḳhudá ne Yisúʼ núṉ jiwáliá, jih núṉ tusáṉ lakṛí laṭkáke már suṭṭiá. 31Use núṉ Ḳhudá Málik te Naját denewálá muqarrar karke apne sajje hatth uchchiáṉ kítá, paí Isráíl núṉ tauba te gunáháṉ dí muʼáfí baḳhshe. 32Te asíṉ ihnáṉ galláṉ de gawáh háṉ; te Pák Rúh bhí gawáh hai, jihṛá Ḳhudá apne mananwáleáṉ núṉ dittá. 33Par uh ih sunke apne dil vichch saṛ gaye, te saláh kítí, paí uhnáṉ núṉ már suṭṭie. 34Tad ikk Farísí ne Gamliel karke, jihṛá sharíʼat dá muʼallim te sabhnáṉ lokáṉ vichch ʼizzatwálá sí, sadr majlis vichch khaloke hukm dittá, paí Ihnáṉ ádmíáṉ núṉ zará báhar kar deo. 35Te uhnáṉ núṉ ákhiá, Ai Isráílío, hosh karo paí, tusíṉ ihnáṉ ádmíáṉ nál ki karná cháhunde ho. 36Kyúṉ jo ihnáṉ dináṉ thoṉ pahle Thúdás ne uṭṭhke ákhiá, paí Maiṉ kujh háṉ. Uh de nál chár sau ádmí rall gaye. Uh táṉ máriá gayá, te jinne uh núṉ mande sán, sáre khillar pullar gaye; te uhnáṉ dá kakkh nahíṉ rihá. 37Uh de pichchhoṉ mardam-shumárí de dináṉ vichch Galíl dá Yahúdá uṭṭhiá, te lokáṉ núṉ warg̣aláke apne magar khich liya. Uh bhí halák hoiá, te jinne uh núṉ mande sán, sab khillar pullar gaye. 38So hun maiṉ tuhánúṉ ákhná háṉ, paí ihnáṉ ádmíáṉ thoṉ haṭe raho, te uhnáṉ núṉ ján deo; kyúṉ jo, je ih hidáyat te ih kamm ádmíáṉ valloṉ hai, táṉ uh barbád kítá jáegá. 39Par je Ḳhudá valloṉ hai, táṉ tusíṉ uhnáṉ núṉ barbád kar nahíṉ sakoge: kite tusíṉ Ḳhudá nál bhí sámná karanwále na bano. 40Te uhnáṉ uh dí man laí; te jad uhnáṉ rasúláṉ núṉ saddíá, te már pawáke hukm kítá, paí Yisúʼ de náṉ utte gall na karo, tad uhnáṉ núṉ chhaḍḍ dittá. 41So uh sadr majlis de aggoṉ khush hoke tur gaye, paí asíṉ is náṉ dí khátir beʼizzat hon de láiq samjhe gaye. 42Te roz diháṛe haikal vichch tey ghar vichch taʼlim den thoṉ te Masíh Yisúʼ dí Injíl sunan thoṉ na ruke.

Currently Selected:

Rasulan De AʼAmal 5: PNT1927R

Highlight

Copy