Rasulan De AʼAmal 3

1Patras te Yúhanná tíje pahar dí ʼibádat de vele haikal núṉ pai jánde sán. 2Te lok ikk jamándarú lange núṉ chukkke jánde sán, te roz us darwáze utte, jihṛá Sohná akhwándá hai is laí bahá dende sáṉ, paí haikal vichch waṛanwáleáṉ thoṉ bhíkh mange. 3Jáṉ us jane Patras te Yúhanná núṉ vekhiá, paí ih haikal vichch jáná cháhuṉde ne, táṉ suwál kítá, pai mainúṉ ḳhairát mile. 4Tad Patras te Yúhanná uh de vall nazar karke ákhiá, Túṉ sáḍe vall vekh. 5Te is ummed utte paí uhnáṉ koloṉ kujh mile, us uhnáṉ vall Dhiyán kítá. 6Patras ákhiá, cháṉdí soná táṉ mere kol nahíṉ hai, par jo kujh mere kol hai, uh tainúṉ dená háṉ, paí Yisúʼ Masíh Násarí de náṉ te ṭur pau. 7Te us uh dá sajja hatth phaṛke uh núṉ uṭhá liya. Use vele uh de pair te giṭṭe tagṛe ho gaye. 8Te uh chhál márke uṭṭh khalotá, te tur phiran lag piá, Te uh Ḳhudá dí waḍiáí kardá uhnáṉ de nál haikal vichch gayá. 9Te sáreáṉ lokáṉ uh núṉ ṭurde phirde te Ḳhudá dí waḍiáí karde hoiáṉ vekhiá. 10Te uh núṉ pachhán liya, paí ih uh hai, jihṛá haikal de sohne Darwáze utte bhíkh mangan núṉ baháyá jáṉdá sí; te uh us hál thoṉ, jihṛá uh de utte guzriá sí, bahut hairán hoke hakke bakke rahe. 11Te jad uh Patras te Yúhanná dá pichchhá nahíṉ sí chhaḍḍdá, tad sáre lok bare hairán hoke us baránḍe vall, jihṛá Sulemán dá akhwándá hai, uhnáṉ kol nase áe. 12Tad Patras ih hál vekhke lokáṉ núṉ ákhiá, Aí Isráílio, is gall utte tusíṉ kyúṉ taʼajjub karde ho, te sánún kyúṉ ís tarah vekhde ho, paí asáṉ apni qudrat yá díndárí nál uh nu ṭuran dí táqat bakhshí hai? 13Ibráhím te Izhaq te Yaʼqúb de Ḳhudá, sáḍe piudádeáṉ de Ḳhudá apne Ḳhádim Yisúʼ núṉ jalál dittá. Uh núṉ tusáṉ hawale kítá, te Pilátus de sámhne inkárí hoe, jis vele us uh núṉ chhaḍḍ den dá iráda kítá. 14Sagon tusán uh dá, jihṛá Quddús te Sachchá sí, inkár kítá, te ikk ḳhúní ádmí núṉ mang liya, paí uh tuháḍe laí chhaḍḍiá jáwe. 15Par tusáṉ Zindagi de Málik núṉ qatl kítá, jih núṉ Ḳhudá murdeáṉ vichchoṉ jiwáliyá, te asíṉ uh de gawáh han. 16Te uh de náṉ utte ímán rakkhan de sabab uh de náṉ is jane núṉ tagṛiáṉ kítá, jih núṉ tusíṉ vekhde te pachhánde ho; us ímán, jihṛá uh dí ráhíṉ hai, tuháḍe sáreáṉ de sámhne ih núṉ ih púrí tandurustí dittí. 17Hun Bharáo, maiṉ jánná háṉ, paí tusáṉ ih kamm nádání nál kítá, jis tarah tuháḍe sardáráṉ ne bhí. 18Par jihríáṉ galláṉ dí khabar Ḳhudá sáreáṉ nabíáṉ dí zabání pahloṉ hi dittí sí, paí uh dá Masíh dukh uṭháwegá, us aiuṉ púríáṉ kítíáṉ. 19So tauba karo te phiro, táṉ jo tuháḍe gunáh miṭáe ján, te Ḳhudáwand dí dargáhoṉ ḳhushálí de din áun, 20Te uh Masíh Yisúʼ núṉ ghalle, jihṛá tuháḍe laí muqarraṛ kítá gayá. 21Ih zarúrí hai, paí asmán vichch udoṉ tíkar rahe, jad tíkar sáríáṉ chízáṉ bahál na kítíán ján, jihnáṉ dá zikr Ḳhudá ne muḍḍhoṉ apne pák nabíáṉ dí zabání kítá. 22Músá ne ákhiá si, paí Ḳhudáwand Ḳhudá tuháḍe bharáwáṉ vichchoṉ ikk Nabí mere jihá khaṛá karegá; jo kujh uh tuhánúṉ ákhe, sáre suno. 23Te aiun howegá, paí har ikk ján, jihṛí us Nabí dí na sune, qaum vichchoṉ uh dá nás ho jáwegá. 24Te sáre nabíáṉ ne (Samúel thoṉ laike te uh de magaroṉ aunwáleáṉ) jihnáṉ kalam kita hai, ihnáṉ dináṉ dí ḳhabar dittí. 25Tusíṉ nabíáṉ dí ulád ho, te us ʼahd de sánjhí, jihṛá Ḳhudá tuháḍe piudádeáṉ nál kita, jad Ibrahím núṉ ih ákhiá, paí Terí nasl thoṉ dunyá de sáre gharáneáṉ nún barakat milegí. 26Tuháḍe hí kol sab thoṉ pahle Ḳhudá apne Ḳhádim núṉ uṭhálke is lai ghalliá, paí tuháḍe vichchoṉ har ikk núṉ uh dí buriáíáṉ thoṉ pherke barakat dewe.

Currently Selected:

Rasulan De AʼAmal 3: PNT1927R

Highlight

Copy