Rasulan De AʼAmal 2
2
1Te jad Pantakúst dá din á gaya, sáre ikk tháṉ ikaṭṭhe hoe. 2Te achanchet ásmán thoṉ ikk áwáz áí, jis tarah waḍḍí anherí dí shúkar dí, te uh de thoṉ sárá ghar, jitthe uh baiṭhe san, bhar gayá. 3Te agg deáṉ pátean hoeá láṭáṉ wángúṉ uhnáṉ núṉ zabánáṉ vikhálí díttíáṉ, te uhnáṉ vichchoṉ har ikk de sir utte á gaíáṉ. 4Tad uh sáre Pák Rúh nal bhar gaye, te opríáṉ bolíáṉ bolan lagge, jis tarah Rúh uhnáṉ núṉ bolan dí táqat dittí. 5Te díndár Yahúdí har ikk qaum vichchoṉ, jihrí ásmán de heṭ hai, udoṉ Yarúshalím vichch rahnde san. 6So jad ih áwáz áí, tad bahut lok jamaʼ hoe, te hairán hoe, kyúṉ jo sáreáṉ mania, pai ih sáḍíáṉ bolíáṉ bolde ne. 7Te sáre taʼajjub karan lagge, te ákhan lagge, Ih jihṛe bolde ne, sáre Galílí nahíṉ? 8Pher har ikk apne apne watan dí bolí asíṉ kikar sunne háṉ? 9Asíṉ Pársí te Medí té Elámí hoke, te Masapatámiá de rahanwále, te Yahúdía te Kapadikiá, Pantas te Ásíá. 10Firogiá te Pamfúliá, Misr te Libúá de ʼiláqe de, jihṛá Karíní vall hai, nale Romí musáfir, bháweṉ Yahúdí te bháṉweṉ ihnáṉ de muríd, 11Karete te ʼArabí háṉ, te apniáṉ apniáṉ zabánáṉ vichch ihnáṉ núṉ Ḳhudá díáṉ waḍḍíáṉ galláṉ bolde sunne háṉ. 12Te sáre taʼajjub karan lagge, te ghabráe, te ikk dujje núṉ ákhan lagge, pai Ih kí hon laggá hai? 13Hornáṉ maḳhaul karke ákhiá. Ih lok táze sharáb de nashe vichch ne. 14Tad Patras ne yáráṉ de nal khaloke uchchí áwáz nal uhnáṉ núṉ ákhiá. Ai Yahúdiá te Yarúsalím de sáre rahanwáleo, ih ján lo, te kann láke meríáṉ galláṉ suno. 15Ih lok nashe vichch nahíṉ jíkar tusíṉ samajhde ho; kyúṉ jo áje pahar din chaṛhiá hai, 16Par ih uh gall hai, jihṛí Yoel nabí de rahíṉ akhi gayi hai, paí 17Ḳhudá ákhdá hai, paí Ákhirí dináṉ vichch ajihá howegá, paí maiṉ apne Rúh vichchoṉ sáreáṉ insánáṉ utte pángá; te tuháde puttar, te tuháḍíáṉ dhiáṉ nabúwat karangíáṉ; te tuháḍe jawán royá vekhange, te tuháḍe buḍḍhe sufne vekhange. 18Te maiṉ uhnáṉ dináṉ vichch apne bandeáṉ utte apne Rúh vichchoṉ pángá, te uh nabúwat karange. 19Te maiṉ utáháṉ ásmán vichch ʼajab kamm, te hiṭháṉ zamin utte karamátáṉ dikhángá, yaʼne lahú, te ágg, te dhúṉ dá baddal dikhángá. 20Súraj anherá te chand lahú ho jáegá Ḳhudáwand de waḍḍe te jalálwále din de áun thoṉ pahle. 21Te aiuṉ howegá, paí har ikk, jihrá Ḳhudá dá náṉ laegá, uh núṉ naját milegí. 22Ai Isráelío, ih galláṉ suno, paí Yisúʼ Násarí ikk ádmí si, jih dá Ḳhudá de valloṉ honá tuháḍe utte uhnáṉ karámátáṉ te ʼajíb kammáṉ nál sábit hoiá, jihṛe Ḳhudá uh dí hatthíṉ tuháde vichch vikhále, jis tarah tusíṉ áp jánde ho. 23Jad Ḳhudá de ṭhahráe hoe intizám g̣aib de ʼilm nál uh phaṛáyá gaya, tusáṉ be-sharíʼatáṉ de hatthoṉ kill ṭhukáke marwá dittá. 24Use núṉ Ḳhudá maut de band thoṉ chhuḍáke jiwáliá, kyúṉ jo ih nahíṉ sí ho sakdá, paí uh uhde wáss vichch rahe. 25Kyúṉ jo Dáúd uh de haqq vichch ákhdá hai, paí Maiṉ Ḳhudáwand núṉ hamesh apne sáhmne vekhia, paí uh mere sajje páse hai, táṉ jo maiṉ na hilláṉ. 26Is karke merá dil khush hoiá, te merí zabánoṉ ḳhushí nikaldí hai, sagon mera jism bhí ummed vichch rahegá. 27Paí Túṉ merí ján núṉ ʼálam i arwáh vichch na chhaḍḍeṉgá, te na apne Quddús núṉ saṛáhaṭ vekhan dengá. 28Túṉ mainúṉ zindagí de rah dasse ne; túṉ apne dídár dí ḳhushí nal mainúṉ bhar dengá. 29Ai bharáo, maiṉ tuhánúṉ zará dilerí nál Dáúd dí bábat ákh sakná háṉ, paí uh sáḍá waḍḍá sí, te uh moiá, te dafnáyá gayá, te ajj tíkar uh dí qabr sáḍe vichch maujúd hai 30So is karke paí uh nabí si, te jándásí, pai Ḳhudá mere nal sauṉh khádí, paí terí vichchoṉ kise núṉ terí gaddí utte bahángá. 31Us nabúwat karke Masíh de jí uṭṭhan dá zikr kita, paí na uh dí ján ʼálam i arwáh vichch chhaḍḍí gaí, te na uh de jism ne saráhaṭ ḍiṭṭhí. 32Ise Yisúʼ núṉ Ḳhudá jiwáliá, jih de asíṉ sáre gawáh háṉ. 33So jad uh Ḳhudá de sajje páse uchchá kítá gayá, te us Báp koloṉ Pák Rúh dá waʼda páyá, táṉ us uh núṉ jo tusíṉ vekhde te sunde ho; baḳhsh dittá. 34Kyúṉ jo Dáúd te asmán utte nahíṉ chaṛhiá, sagoṉ ápí ákhdá hai, paí Ḳhudáwand mere Ḳhudáwand núṉ ákhiá, paí Mere sajje hath baih já. 35Jinná chir maiṉ tere wairiáṉ núṉ tere pairáṉ dí chaukí na banáwáṉ. 36So Isráíl dá sárá gharána pakkí tarah jane, pai Ḳhudá ne use Yisúʼ nuṉ, jih núṉ tusíṉ salib dittí, Ḳhudáwand te Masíh bhí kítá. 37Jáṉ uhnáṉ ih súniá, tán uhnáṉ de dil vijh gaye, te Patras te báqí rasúláṉ núṉ ákhiá. Bharáo, asíṉ ki karie? 38Tad Patras uhnáṉ núṉ ákhiá. Tauba karo, te tuháḍe vichchoṉ har ikk apne gunáhon dí muʼáfí laí Yisúʼ Masíh de náṉ utte baptisma lae; táṉ Pák Rúh tuhánúṉ inʼám vichch milegá. 39Kyúṉ jo ih waʼda tuháḍe nál, te tuháḍí ulád nál hai, te uhnáṉ sabhnáṉ nál ví, jihṛe dúr ne, jihnáṉ núṉ Ḳhudáwand sáḍá Ḳhudá apne kol saddegá. 40Te us hor bahuteríáṉ galláṉ díáṉ gawáhíáṉ liáké uhnáṉ núṉ nasíhat kiti, paí Apne áp nún is puṭṭhí qaum thoṉ bacháo. 41So jihnáṉ uh dí gall man lai, uhnáṉ baptisma liyá; te use din trai ku hazár jane rall gaye. 42Te uh rasúláṉ dí taʼlím, te sangat vichch, te roṭí toṛan, te duʼá mangan vichch lagge rahnde sán. 43Te har ikk ján núṉ dar lagá, te bahut sáre ʼajíb kamm te nisháníáṉ rasúláṉ dí ráhíṉ vikhálíáṉ gayiáṉ. 44Te sáreáṉ, jihnáṉʼ ímán liándá sí, ikatthe rahṉde sáṉ, te sáríáṉ chízáṉ vichch bhanjál san. 45Te apní milkíyat te chíz wast vechke, jis tarah kise núṉ lor paiṉdí, sabhnáṉ núṉ wanḍ dende san. 46Te roz diháṛe ikk dil hoe haikal vichch ikatthe hunde sán; te gharáṉ vichch roṭí toṛke ḳhushi te sáfdilí nál ann pání kháṉde sán; 47Te Ḳhudá dí waḍiáí karde sán, te sabhnáṉ lokáṉ núṉ piyáre lagde sán. Te jihṛe naját pande sán, Ḳhudá roz uhnáṉ núṉ uhnáṉ de nál ralándá sí.
Currently Selected:
Rasulan De AʼAmal 2: PNT1927R
Highlight
Share
Copy

Want to have your highlights saved across all your devices? Sign up or sign in
Historical texts published by British and Foreign Bible Society 1917-1927.
Free Reading Plans and Devotionals related to Rasulan De AʼAmal 2

Tongues Of Fire Devotions

Faith & Love: A One Year Bible Reading Plan - Part 5

NT26 (New Testament in 26 Days)
