Nte 6
6
Aarëyi Mufungatë Vahwaniwa
1Matiku asaa në arë asëywi vëgiongeeya arë ërëfo ghurughuru mukhatë a Ayahudi nëvëurighëëtya Gëyunani na Vaeburania në anya ng'ë gusoko ahimbë vaao arë vaviitiwe uaghaniwa malëwa mwitiku. 2Na uvii atumami ikumi na vavëë vëgaëtana iburi roong'e ra asëywi itambëëmwe na v'egahanya, “Tiguja kunë sese ureka utanantya ukhani wa Muungu gusoko a ughania malëwa. 3Gwa uvii, aruna vitu, hoanii antu mufungatë mukhatë anyu nëvëmanyëkie, vijuywe Mwahu Mweru, na mahaa, na sese guvaëke mu mwëmo urui. 4Ëgweeso sese gusaghe u marombi na mwëmo wa utanantya ukhani wa Muungu.” 5Na asaa në veeso vëgayarighëëtya mwirundo woong'e ugayanjisiwa. Uvii vëgamuhwania Sitefano muntu nëwijue Mwahu Mweru, na Filipo, na Furokoni, na Nikanori, na Timona, Farimena na Nikalao mwongofu#6:5 Mwongofu: Në muntu uduvi ughookie usonge a Muungu. wa Antiokia. 6Avai veeso vëgavaëka usonge a atumami, na veeso vëgavarombea na vëgavaëkëa mëkhono unto ao.
7Na ukhani wa Muungu ugafwaghëëra uning'anëa, na iburi ra asëywi kuuko uYerusalemu rëgagiongeeya na iburi rikuu ra akumbëki vëgatendeka vina winyumpi gwa uhëvëi.
8Na Sitefano arë wijue mboto nanë udaho, agatenda makua maküü nanë, ndolyo mukhatë a antu. 9Ëgweeso antu vëgëtunga va isinagogi ra Antu nëvinauhaghaaro; mwino arë rëutaanwa) na ra Akirene, na ra antu va Isikanderia, na avoo nëvëfumie uKilikia na Asia vëgauka vikungume inaa Sitefano. 10Ëgweeso veeso vinadaha umuhuma Sitefano gusoko a ihaa naarë urëkweti nanë Mwahu në mweeso arë ugurighëëtya itambëëmwe nayo. 11Na kangë veeso vëgavasoseeya antu, ugëmpëhë në gëkuu na vëgahanya, “Sese gwamutegheeye mweeso ugurighëëtya nkhani ya umutuka Musa nanë Muungu.” 12Na veeso, vëgavasoseeya antu, anyampaa nanë aandëki, na veeso vëgamwendea mweeso na vëgamukwata na umweeta usonge a barasa. 13Veeso vëgaëmëcha masudanga va uregheghe në vëuhanya, “Muntu uyi atiurekaa urighëëtya nkhani ya uhorya hafai kunë gweeru nanë seria yamwa Musa. 14Gusoko sese gwamutegheeye mweeso uguhanya mwino Yesu uyi wa uNasareti winjë uruanga hafai, na ufeura ntende në sese gwaifiwe na Musa.” 15Na antu voong'e naarë vë ubarasa asëë vëgamukhamëchëya miho ao Sitefano na vëgaona usyu wakwe wikhwete mwino usyu wa malaëka.
Currently Selected:
Nte 6: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
