1 Akorinto 13
13
Uyanjo
1Nësa nene ngurighëëtya gwa mërighetyo a anantu, nanë a va malaëka, ëgweeso në ntikwetë uyanjo, nene në mukindo wa ityeka#13:1 Ityeka: Nëruduya mweero. mba mwëro wa nkënda. 2Na nësa nene nëna udaho wa udwëëya mantu nëëjieudwëëra usonge, na umanya gëmpëhe goong'e na umanyi woong'e, na nësa nëkwetë uhuvëi, mwino wa uheya vitanto, ëgweeso ntikwetë uyanjo, nene ntigëntu mbanduvë. 3Na nësa nene nguvaghania mantu oong'e në nene nëkwetë, na nesa nene nguvarekea antu vërighe mwëërë wane, ëgweeso në ntikwetë uyanjo, gutie intu në nene nguhanga.
4Uyanjo ugughimëëya na wina gëhe Uyanjo utina wiru mba utigikumajua. 5Uyanjo utigikumajua, na uyanjo utigihengaa mantu akwe. Uyanjo utigoona uvavi, mba utiuvarya mahutye. 6Uyanjo utigiririsya gusoko a uvë, ëgweeso ugiririsya ngunto a tutë. 7Uyanjo ugughimëëya mu gëntu; uguhuvëa mantu oong'e. Uyanjo ugugufa sese maghonje kunë Muungu, uguhimëëya ti gëntu ntuni nëënjë ugudwëëra sese.
8Uyanjo ugikhaa khae na khae. Mwino gwa sayu ufuma kunë Muungu, ëgweeso isii yina itungo ikufë. Mwino gwa mërighëtyo në mëghënyi, ëgweeso mëëso inje usima. Mwino gwa umanyi, ëgweeso weeso winjë ukëra. 9Gusoko umanyi witu nanë udaho wa utanantya sayu a Muungu ëtikhondekekie. 10Ëgweeso unë ëroo nërëkhondekekie raja, uvii ëroo nërëtikhondekie rinjë ukëra. 11Nene nënaa nëkëë në mung'ënya, nene naa ngurighëëtya mwino mung'ënya, nene naa ngughemaa mwino mung'ënya. Itungo nënaa nene natëndeka në muntu müküü nëgasima utënda mantu a gëng'inya. 12Gusoko itungwee sese gugoona miti miti mwino mung'ë a gërore, ëgweeso usonge sese gwinjë goona usyu gwa usyu. Nene itungwee nëmanyie nduvëngë; usonge nene ninjë umanya nanguu, mbesa mwino nene nadahie umanya nanguu. 13Uvii usighie uhuvëi, ighonje, uyanjo, ayaa atatu. Ëgweeso nërikuu nanguu gwa ayaa në uyanjo.
Currently Selected:
1 Akorinto 13: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.