Liikë 3

Liloonji li Za-Batiisë

(Mat 3.1-12; Mak 1.1-8; Za 1.19-28)

1Mu kuumi mivu taanu bu cifumu ci n'tinu Sezaalë li Tibeelë. Poonsë Pilaatë wabë fumu yi Zudee, Eloodë wabë wulëbyalilë ku Ngalilee, i mwanaandi nguli Filiipë wabë fumu ku libweeti li Itulee i Talakoniidë, Lizanyaasë wabë fumu ku Abileenë, 2Aanë i Kayiifë#3.2 Za 18.13; Mëv 4.6. babë bëkuluutu bë singangë-Nzaambi. Libuungu li Nzaambi lisë kuwukunë ke Za, mwaanë Zakaali mu ntaandu ciyumi. 3Za wutaabë libweeti lyooso libelëmë yi mwiilë Yulëdaanu. Naandi wulëtendulaangë : « Balulaanu mëvaangë miinu#3.3 kubalulë mëvaangë: kubalulë sindyatulu kaambofo kuvilukë , tambulaanu lubatizyaalu i Nzaambi wulëluvaanë lobukulu lu mësumu miinu. »

4Bwaawu buvangëninë dedë mweekë manë Ezayi m'bici wusonikë mu libuuku lyaandi :

« Muutu ke losukaangë mu ntaandu ciyumi :

Belikaanwee nzilë yi Fumwee,

sulikaanwee tobulu twaandyee!

5Mivwiili yooso yim'batëmë,

myoongo yooso i cimongo-mongo cyooso bin'lalukë.

Sinzilë sikondëkënë sin'sulëmë,

sinzilë sidiifë sin'lulëmë.

6Baatu bakë booso bëmonë luvukulu lun'vaanë Nzaambi.#3.6 Ezy 40.3-5. »

7Mpaapë baatu bëlëkwisaangë ke Za bwiinji kubë batizyaalë. Mu lyalyooli, naandi wulëbëkaambaangë : « A likaandë li simpili, nani waluleesi mu kutiinë likaanzi li Nzaambi, lyo lyabelëmë? 8Lwe leesyaanu mu mëvaangë ti beeno lwavilukë i keelaanu kutubë mu benuveekë ti : “Abalaamë na nkaakiitu#3.8. Za 8.33,37,39..” Cibilë, miinu yiluzabikini ti, Nzaambi kupodi kucitulë mëmanyi omo sindaandu si Abalaamë! 9Citali cyabelëmë mu kucyelë miti mu singaanzi syaandi: wosuku n'ti wukaambu kubutë mëkuundi mëboti, bu wucyelë i bu wulakë ku mbaasu. »

10Baatu bëlën'kufulaangë : « Mbici beeso tufwenikini kuvaangë? » 11Naandi wusë bëvutulilë : « Wunë wuke binkutu byooli wufwenikini kuvaanë cimweekë ke wunë wukambusu cyaawu i wunë wuke ci kulya wufwenikini kukabë. »

12Binoongë mpaku yivaandi bisë kwiisë ke Za, bwiinji wubëbatizyaalë, i bisë kun'yufulë : « A N'loonji, mbici beeso tufwenikini kuvaangë? » 13Naandi wubëvutulilë : « Nufutisyaanu ko lubaku lulutilë, kanuku lo bëzitikë. »

14Mësodaadi bisë n'yufulë : « Beeso, buni tufwenikini kusiilee? » Naandi wusë bëkaambë : « Luboonjyaanu ko simboongo si muutu mu bumbakë-mbakë, kaambofo, kufwitikilë ve muutu maambu. Kasi cikunaanu lifutë liinu. »

15Baatu booso bëlën'siilë cibiindë : kadë muutu wulëbalë ti Za wabë Kliistu. 16Mu lyalyooli, Za wusë bëkaambë bakë booso : « Miinu yilë mu kulubatizyaalë mu masi. Kasi wunë wulë mu kwiisë, mwiinji luleendo yi miinu. Miinu yisye fwaanë ko mu kukutulë misiingë mëpaapë maandi. Naandi na wulubatizyaalë mu Ciluunzi ci Saantu i mu mbaasu. 17Naandi wusiimbë cicyenzulu#3.17 Cisalulu ci kuciinzilë: Mat 3.12. fë kooko bwiinji mu kukabulë mëkuundi i bitiiti. Naandi wuzonzikë mëkuundi kunë bën'swekilaangë maawu, i wun'kookë bitiiti ku mbaasu yin'kaambu kuzimë. »

18Mati mu kubëtelaangë mpaapë vyaasi, Za wutendulilë Mpolu Mboti ke mboongu baatu i wusë kubëciinzi bitu mu mpaapë bikumë. 19Mu lyalyooli, Za wuseembë fumu-lwaangu Eloodë, cibilë naandi wukweelë Elodyaadë, n'kasi nkoombaandi, i wusë vaangooso mpaapë maambu mëbi. 20Oboobo Eloodë wuvaangooso lyaambu lin'ka libi : naandi wutuulë Za mu buloko.

Lubatizyaalu lu Yeesu

(Mat 3.13-17; Mak 1.9-11)

21Fë mbusë kubatizyaalë baatu bakë booso, Za wubatizyaalë yivaandi Yeesu. Ntaangu Yeesu wulësambilaangë, li yilu kuzibukë 22i Ciluunzi ci Saantu cibetëmë fëke naandi mu dedë mweekë nyitu buke libeembi. Mbeembu yitendukë ku yilu : « Njeeyi nje Mwanaami mëdilë. Mu njeeyi mwa mu keeli sinyeenzi syaami syooso#3.22 Twi 2.7; Ezy 42.1.. »

Suundu yi Yeesu

(Mat 1.1-17)

23Yeesu wabë kwaasu mëkumë-tatu më mivu fë ntonunu cisalu cyaandi. Naandi wabë, bunë bëlëbalilaangë, mwaanë Zozeefë, wunë wabë mwaanë Eli, 24mwaanë Mataatë, mwaanë Levi, mwaanë Meleeki, mwaanë Zanaayi, mwaanë Zozeefë, 25mwaanë Mëtatyaasë, mwaanë Amoosë, mwaanë Nawuumë, mwaanë Esëli, mwaanë Nangayi. 26Mwaanë Maatë, mwaanë Mëtatyaasë. Mwaanë Semeyiinë, mwaanë Zoseekë. Mwaanë Zoda, 27mwaanë Zowanaanë, mwaanë Leesa, mwaanë Zolobabeelë. Mwaanë Salatyeelë, mwaanë Neli, 28mwaanë Mëlëki, mwaanë Adi, mwaanë Kosaamë, mwaanë Elëmadaamë, mwaanë Eelë, 29mwaanë Yeesu, mwaanë Elyazeelë, mwaanë Zoliimë, Mwaanë Mataatë, Mwaanë Levi, 30mwaanë Simeyoonë, mwaanë Zuda, mwaanë Zozeefë, mwaanë Zonaamë, mwaanë Elyakimë, 31mwaanë Meleya, li mwaanë Mena, mwaanë Matata li mwaanë Nataanë, mwaanë Daviidë, 32mwaanë Yesee, mwaanë Obeedë, mwaanë Boozë, mwaanë Sala, mwaanë Nasoonë, 33mwaanë Aminadaabë, mwaanë Adëminë, mwaanë Alëni, mwaanë Esëloonë, mwaanë Peleesë, mwaanë Zuda, 34mwaanë Zakoobë, mwaanë Isaakë, mwaanë Abalaamë, mwaanë Tela, mwaanë Nakoolë, 35mwaanë Seluusë, mwaanë Laguyi, mwaanë Faleekë, mwaanë Ebeelë, mwaanë Sala, 36mwaanë Kenaanë, mwaanë Alëpasaadë, mwaanë Seemë, mwaanë Nowee, mwaanë Lemeekë, 37mwaanë Matusaleemë, mwaanë Enookë, mwaanë Zaleedë, mwaanë Malaleelë, mwaanë Kaanë, 38mwaanë Enoosë, mwaanë Setë, mwaanë Adaamë, mwaanë Nzaambi.

Currently Selected:

Liikë 3: NTVIL

Highlight

Copy