Popular Bible Verses from Liikë 3

Share

Fë mbusë kubatizyaalë baatu bakë booso, Za wubatizyaalë yivaandi Yeesu. Ntaangu Yeesu wulësambilaangë, li yilu kuzibukë i Ciluunzi ci Saantu cibetëmë fëke naandi mu dedë mweekë nyitu buke libeembi. Mbeembu yitendukë ku yilu : « Njeeyi nje Mwanaami mëdilë. Mu njeeyi mwa mu keeli sinyeenzi syaami syooso. »

Mu lyalyooli, Za wusë bëkaambë bakë booso : « Miinu yilë mu kulubatizyaalë mu masi. Kasi wunë wulë mu kwiisë, mwiinji luleendo yi miinu. Miinu yisye fwaanë ko mu kukutulë misiingë mëpaapë maandi. Naandi na wulubatizyaalë mu Ciluunzi ci Saantu i mu mbaasu.

Lwe leesyaanu mu mëvaangë ti beeno lwavilukë i keelaanu kutubë mu benuveekë ti : “Abalaamë na nkaakiitu.” Cibilë, miinu yiluzabikini ti, Nzaambi kupodi kucitulë mëmanyi omo sindaandu si Abalaamë!

Citali cyabelëmë mu kucyelë miti mu singaanzi syaandi: wosuku n'ti wukaambu kubutë mëkuundi mëboti, bu wucyelë i bu wulakë ku mbaasu. »

Bwaawu buvangëninë dedë mweekë manë Ezayi m'bici wusonikë mu libuuku lyaandi : « Muutu ke losukaangë mu ntaandu ciyumi : Belikaanwee nzilë yi Fumwee, sulikaanwee tobulu twaandyee! Mivwiili yooso yim'batëmë, myoongo yooso i cimongo-mongo cyooso bin'lalukë. Sinzilë sikondëkënë sin'sulëmë, sinzilë sidiifë sin'lulëmë. Baatu bakë booso bëmonë luvukulu lun'vaanë Nzaambi. »