Génesis 17
17
Jeobaa a wa̦ nö wäo
lä co̦ono wei tä a̦
1Ablamönö lasha 99 a fa famalönö, cama nija Jeobaa a damoa co̦laliyoma. Abinaja a cuma.
—Yai Bada ya nö lä wa̦lojaö wei cä ya. Wale a̦ da julä. Camiyä nija a bufi da cadidiicu. 2Cafä bäfä nia lä bayelibou wei, ya tä a̦ nia wäaö. Ijilufä ya bä ca̦i nodiwä blucablamaö fe balojoo wä —a cuma.
3Ö̦jö tä a̦ fa ji̦lilänö, a fa blaalunö a möfe quilili boaliyoma. Inaja a möfe quilili boo cuo showao däjä, Ablamö nija Yai Bada a wa̦ faö co̦oma.
4—Bei. Cafä nija ya tä a̦ wäaö lä cule. Ijilufä ya bä nodiwä fa balamalönö, cafä nija bä lä a̦imou wei bä bluca nia bälöjou yaiblamou cuaaö. 5Cafä fei däjä Ablamö wa wa̦fa nia cuo co̦daaimi. Ijilufä nodiwä bä lä cui, bä nia bälöjou yaiblamou yalo, Ablaamö bei wa wa̦fa nia cuo nomöjöo. 6Afä ijilufä ya bä nodiwä nia yai blucablamaö fe balojoo. Bä nia bluca bälöjou yaiblamou cuaaö. Bada bä bälöo lä dodijio wei, afä ai bä nia cuo nodio.
7’Cafä wa ma cui, ijilufä bä nodiwä nia cuo lä juo wei bä ma cui, bämacö nia bluca lä bayelibou wei, ya wa̦ nö wäo lä cule. Ei ya tä a̦ lä wäyäle, showadi tä nia cuo shi wa̦lii. Yai Bada ya lä cui, cafä nija ya bufiblamobä, afä ya nia cuo shi wa̦lii. Ijilufä bä nodiwä nija ya ca̦i bufiblamou nodiobä, ö̦jö ya e nia cuo showao. 8Fei däjä, shomi täbä ulifibö jamö, wamacö bälöblao lä buo wei tä ulifi lä cui, Canaana tä ulifi ma blaucui, cafä nija ya tä ulifi jöböaö wä. Ijilufä bä nodiwä ma cuinö, tä ulifi nofi ca̦i tabou shi wa̦lii juobeje. Ö̦jö bä lä cuinö, camiyä Yai Bada wale bufiblabeje, cama ya e li yai cuo wä —a cuma.
Bei täbä mosi sicö joyamaö
lä bufino wei tä a̦
9Abinaja Yai Bada tänö Ablaamö a nowa tama.
—Bäfä nowa lä tale, cafänö showadi wa tä nofi li cadidibobä. Afä bä nodiblou lä juo wei bä ma cui, showadi bä cadidou nodiablalou showaobä. 10Cafä sho, ijilufä bä nia nodiwä cuo lä juo wei bä sho, dodijidawä bämacö ca̦i cuo mö feduobä, ya wa̦ nö wäo. Cafä wamacö wa̦lo bluca lä cui wamacö mosi sicö nia joyamou.
11’Camiyä Yai Bada ya wa̦ nö lä wäole, wama tä a̦ nofi nia jaducubou. Bämacö ca̦i nia cuo shi lä wa̦lii wei, wama tä nofi jaducubou jömabä, wamacö mosi sicö nia joyamou cuaaö. 12Ijilu wa̦lo bä wawäblou däjä, 8 tä mö didi fa tablamalöjenö, bä mosi sicö joyamou showadaobä. Fei däjä ma cui, obi ma cui, showadi inaja wamacö wa̦lo cuaaö nodiablalobä ya wa̦. Cafä wamacö nija a oshe ma cublou wei ma cui, shomi täbä nija wama bä lä luluaö wei bä ma cui, inaja bä taamamou nodiablalou cuaaö showaobä.
13’¿Ö̦jö tawä? —Yai Bada tänö a nowa tama—. Cafä wamacö nija, bä oshe lä cublou wei bä ma cui, shomi täbä nija wama bä lä luluaö wei bä ma cui, inaja showawä bä mosi sicö nia joyamou cuaaö. Inaja wamacö cuaalanö, bei wamacö mosi sicö lä joyamou wei tänö, cafä wamacö nija ya wa̦ nö lä wäicufe, wama tä nia jömaö, bämacö nia bayelibou shi lä wa̦lii wei tä lä cui. 14Ai a wa̦lo mosi sicö joyamoimi dicoo ja, ya wa̦ nö lä wäicufe wale a̦ waii dicoo ja, cama a ca̦i waimolayou. Cama ebä nija a nia ca̦i waimou mö feduo —a nowa tama.
15Abinaja Yai Bada a ca̦i cuma, Ablaamö nija.
—Suwäböfä Salai a lä cui, Salai wa wa̦fa jilaö co̦daaö mlai, Sara bei a wa̦fa cuo nomöjöobä. 16Ö̦jö ya bayeliblaö wä. Ijilu a ma cui ja, ya fa bayeliblalönö, ijilufä a tablaö wä. Ya lä bayeliblaö wei ja, bei ijilubö bä nodiwä fa balalönö, cama nija bä nia lä amimou wei, bä nia bälöjou yaiblamou cuaaö. Bada bä bälöo lä dodijio wei, cama ai ebä nia cuo nodio —a cuma.
17Ö̦jö däjä, Ablaamö a fa blaalunö, a möfe quilili fa boalunö, a i̦cablaloma. “¿Inaja dodijiwä mada tawä?”, a bufi cudaliyoma. “Einaja ya wa̦lobada cuo däjä, lasha 100 ya faa ma waiquimaleno wei ma cui, ¿ijilu ya taaö da yai tawä? Einaja Sara a suwäbada cuo däjä, lasha 90 a faa ma waiquimaleno wei ma cui, ¿ijilu wa etä cublou da yai tawä?”, a bufi cuma yalo, a i̦cablaloma.
18Yai Bada nija abinaja Ablaamö a cuma.
—Shädayai. Cafä nija Isimali a li shino yai bayeliblamou mlai, ¿ö̦jö tawä? —a cuma.
19—Ma, ö̦jö mlai —Yai Bada a cuma—. Suwäböfä Sara a yainö, ijilufä a nia tablaö. Isaacö wa wa̦fa nia jilaö. Ö̦jö lä ya nia fa bayelibonö, ya wa̦ nö mada wäoblei. Cama bei ijilubö ya ebä nodiwä ca̦i bayelibou juo showaobä. 20Isimali wa wa̦fa lä jayumafe, ö̦jö ya ca̦i bayeliblaö weicätä. Bäfä a̦ malä ji̦liale. Ya fa bayeliblalönö, cama ya ebä ca̦i nia balamaö mö feduo. Ya ebä nia ca̦i blucablamaö mö feduo. Cama bei ijilubö ebä nija, bä ca̦i bälöo lä dodijio wejei bä lä cui, 12 ya ebä bada nia tablamaö. Cama etä ulufi nofi taa fa dodijiabodujenö, cama bä nia ca̦i yaiblou mö feduo.
21’Ö̦jö ma cui, ijilufä ya bayelibobä ya wa̦ nö da wäoblei, ö̦jö Isaacö bei a waiquiwä. “¿Wedi däjä dodijiwä tawä?”, wa bufi cuu mlaobä, ya wa̦ wawädoo showadaa lä cule. Ei tä lä cule tä fa mladalunö, ai tä lä cui tä cublou co̦o däjä, wa mamo leicu. Ö̦jö däjä, Saranö ijilu bei a nia oshe wawämaö —Yai Bada a cuma.
22Yai Bada tänö Ablaamö a yömölaa fa jödödöblalönö, a daquema. 23Ö̦jö däjä showawä, Ablaamönö bä ca̦i lä cuono wei, bä wa̦lo bluca fa co̦camomalönö, bä mosi sicö joyamou showadaoma, Yai Bada tänö a nowa lä tano weinaja showawä. Isimali a ma cui, Ablaamö a nosie juamobä bä bluca lä tabono wei bä ma cui, inaja bä bluca cuaaö showaoma. A nosie juamobä, shomi täbä nija bä lä lululeno wei bä ma cui, ö̦jö bä nija bei ijilubö ebä cublou lä majölayono wei bä ma cui, bä mosi sicö bluca joyamoa showadalayoma.
24Ablaamönö lasha 99 a faa fa waiquimalönö, a mosi sicö joyamolayoma. 25Bei ijilubö Isimali a lä cuinö, lasha 13 a fa famalönö, a mosi sicö joyamoa mö fedulayoma. 26Ö̦jö däjä showawä, Ablaamö a mosi sicö lä joyamolayono wei däjä, bei ijilubö Isimali a mosi sicö ca̦i joyamoa yädäa showaa mö fedulayoma. 27Cama Ablaamönö bä ca̦i wa̦lo bluca lä jilaono wei bä ma cui, cama ebä nija bä oshe lä cublaliyono wei bä ma cui, shomi täbä nija bä lä lululeno wei bä ma cui, inaja bä bluca cuaaö mö feduo showaoma.
Currently Selected:
Génesis 17: GUU
Highlight
Share
Copy
Want to have your highlights saved across all your devices? Sign up or sign in
©2012, All Rights Reserved
