Lawana Nani 29
29
LAWANA 29 (28)
Dawan bîla baikra karnika ba
Debit lawana.
1Dawan ra mayuns,
kasbrika laih purara, ingnika sâtka nani sut bâra sma ba;
man nani bui Dawan karnika prana ba mayuns.
2Dawan ra ai nina mayunra prana ba yas;
Dawan ra mayuns,
Dawan wal aisaia watla pranakira ra.#1 Kr 16.28-29; Law 96.7-9.
3Dawan bîla baikra ba,
kabu tara nani purara
bin daukisa, Dawan pranakira bîla baikra ba,
alwani binka baku takisa:
¡Dawan ba bâra sa kabu tara pali ba purara!
4Dawan bîla baikra lika karnika tara wal bin daukisa;
Dawan bîla baikra karnika ba, wan purara sa;
5Dawan bîla baikra ba,
yalam tnawa nani krikisa.
¡Dawan ba Líbano yalamka tnawa nani ba bâk krikisa!
6Líbano bara Sirión ilka nani ba yaban tatatwisa;
¡baha nani ba yaban bîp wainhka nani
bara bîp lupia nani srutwi ba baku srutwisa!
7Dawan bîla baikra wina pauta klauhan bal takisa;
8Dawan bîla baikra ba upla iwras tasbaya ba nikbisa;
¡Dawan bui Cadés upla iwras tasbaya ba yan nikwisa!
9Dawan bîla baikra ba
usupum dusa ba yahbisa,
bara anira dus pâwi nani ba sin âpu daukisa.
Bara witin ai tempelka ra diara sut lika
mayunra bîla baman kulkisa.#2 Sa 22.8-17; Law 18.7-15; Ab 3.3-13.
10Lî tara nani auhi ba, Dawan tâ aimakisa;
¡Dawan king aimaki iwisa ban kaia ra!
11Dawan lika ai uplika nani ra karnika yabisa;
Dawan lika ai uplika nani ra
kupia kumi lâka ni yamni munisa.
Currently Selected:
Lawana Nani 29: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
