Lawana Nani 27
27
LAWANA 27 (26)
Dawan ba, yang ingniki bara swak takanki
Debit lawana.
1Dawan ba, yang ingniki,
bara yang swaki ai sakisa
¿ya sîa ai daukbia ki?
Dawan bui yang rayaki kaina kahbisa;
¿yaura sîa ai daukbia?
2Watawikira nani bara
yang waihli nani ba asla takisa
purira kauhaia,
ai sauhki ai tikaia dukiara;
sakuna witin nani klauna ai mina pruki kauhisa.
3War aiklaklabra daknika kum
kir ai kutbi bribia kra,
kupi ra sibrin âpu kabia;
war aiklabaia sin maipara bubia kra,
yang kupi ra lamni kabia.
4Diara kumi yang bui Dawan ra makabisni,
yang diara kumi baman plikisni,
rayaki yua nani sut ra ai tempelka ra wih mayunaia,#Law 23.6.
bara ai yamnika prana ba kaikaia.
5Yua saura nani balbia ba ra,
Dawan ai watla ra ai yukukbia;
ai distika ra ai dingkbia,
¡witin walpa tara purara
ai swaki ai sâkbia!
6Bara sip kamni
laila ba purara bukaia
waihli nani ba purara;
bara sip kamni, Dawan watla ra
mayunra sakripaiska dauki yaia;
lilia mita puri wini,
lawana nani Dawan ra aiwanamna.
7Dawan, man ra winisna:
Winanki na man wals,
kupiam swapni dauks,
¡pana yang ra ai aisas!
8Kupi ai wisa:
“Dawan mawan kaikaia pliki bas.”
Bara yang, Dawan, man mamwan kaikaia plikisna.
9¡Man mamwan yang wina yukukpara!
¡Kupiam baiwanka ra,
mamwan wina ai saki lulkpara!
¡Man baman yang hilpki sma!
Hilpkis yakan ai swipara,
Dawan, man lika yang sasakriki sma.
10Aisiki, yaptika wal ai lulki ai swibia kra,
sakuna, Dawan, man lika ai brima.
11Dawan, man yabalkam ba ai mariks,
yabal yamni bâk ai brih was;
yang waihli nani ai muni ba tâwan.
12Waihli nani kupia lâka ra ai swipara;
witin nani maipara saura aisi,
kunin daihra kwahkaia buan sa.
13Yang daihra wali kaikisni,
Dawan ai kupia yamnika aiki ba kaikamna
rayaki yua nani ra.
14¡Dawan kat luki bas!
¡Lukankam swapni takbiara!
¡Ban, Dawan ra baman bîla kaiki luki bas!
Currently Selected:
Lawana Nani 27: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
