Lawana Nani 26
26
LAWANA 26 (25)
Kasakkira pura sunra
Debit lawana.
1Lâika aisi dauks, Dawan,
kan yang diara kasak ba dauki kapri bamna.
Dawan, man ra baman lukanki aiska tniwri sa.
2Tâinka pliks, Dawan,
¡bara trai ai kaiks!,
¡kupi lukanka mununhtara tânka ba laki kaiks, bara
brinki nani sin
tânka yamni sapa laki kaiks!#Law 7.9; 17.3; 139.23.
3Lamtwanka lâka ba kupi kat brisna,
baha mita man dîa ai wiram ba kat kasak wapisna.
4Kuninkira aikuki wataukras kapri;
ai mawan wâl bri nani ba aikuki sin prawras kapri.
5Watawikira nani aidrubanka ba
yang misbara kaikisna;
¡bara upla warha nani aikuki iwamna apia!
6Dawan, mihti bara mini nani sikbi pâtkas sna, saurka wina;
baku bamna, yang lika man altarkam lamara waia want sna,
7mayuni lawana aiwanaia,
bara diara aihkakira nani sut daukram dahra ba aisaia.
8Dawan, man iwaikam watla ba,
yang latwan kaikisna,
man pramna lâka, bahara iwi watla bamna.
9Saura dadaukra nani rayaka wal baku,
rayaki ba sauhki tikpara,
bara tala laiki
uplika nani wal baku rayaki ba tikpara;
10baha nani watawi lâka,
implikan dukia nani,
ai mihta banhki bri ba tila wina ai sâks.
11Kuna yang rayaki ba kasak sa:
¡swaki ai sâks, kupiam swapnika ni
umpira ai kaiks!
12Mini na tasba prumhni ra karna buisa;
¡aidrubanka tara mawanra,
Dawan ba yamni pali sa wimni!
Currently Selected:
Lawana Nani 26: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
