Lawana Nani 25
25
LAWANA 25 (24)
Dawan yabalka plikaia pura sunra
Debit lawana.
1Dawan,
yang puri sunra man ra bukisni.
2Gâdki,
yang lika man ra kasak lukisni:
swiri ai daukan ra rungwaia ai swipara.
¡Waihli nani ba ai kaiki laiwaska kikbiara!
3¡Baha nani man ra bîlam kaiki ba,
kumi sin swirka swira takbiara!
¡Baha nani kaiki lâ kriki ba,
mampara bûi ba mita ai swira takbia!
4Dawan, yabalkam nani ba mairiks;
yabalkam nani bâk taipahks;
5taipahks, kasakkam tânka yabalka ra ai brih was,
man sika yang Gâdki, Sasakriki sin.
¡Awar bani man ra lukisni!
6Dawan,
man kupiam latwan lâka bara kupiam swapnika
piu bani wan marikisma ba,
baha man ban luki bas;
7sakuna kau tukta kapri,
mampara saura nani daukri ba luki kapara,
lâ krikri nani ba sin ban âmya ra bri kapara;
latwankam lâka tara bara yamnikam lâka ba mita
Dawan, yang ra luki bas.
8Dawan ba yamni bara wapni sa;
witin saura dadaukra nani ba,
ai yabalka ra waia smalkisa.
9Witin bawikira nani ra ai yabalka ra tapahkisa;
¡baha nani kasakka lâka ba smalkisa!
10Dawan ba piua bani latwan lâka ni,
ai bîla aisi ba kat daukisa,
baha nani ai lâka kat dauki bara kulki
uplika nani ba wal.
11Dawan, yang saurki ba tara pali sa;
yang saurki ba ban swi tiks.
12Ani uplika Dawan ra pain kulki ba,
Dawan ai yabalka ba, baha uplika ra
marikisa anik waia ba;
13yamnika nani baha uplika kan kir yabisa,
bara ai kiamka nani ra naha tasba dukia bribia yabisa.#Kli S 11.8-9; Law 37.9,11,29; Mt 5.5.
14Dawan bui witin ra luki mayuni uplika nani ba,
ai pânika pali kulkisa;
witin ai lâka daukan ba marikisa.
15Yang naikra nani,
yu bani ra Dawan kat kaikisa;
witin bui yang mini nani ba,
trabil ban ba wina swaki ai sakisa.
16Ai kaiks, Dawan,
umpira ai kaiks;
yang yakan sni
yang kupi kriwan sa bamna.
17Yang kupi sari, kau sari ai daukisa;
trabilki tara wina pri ai sâks.
18Yang sari sna, wark nani brisna ba kaiks,
bara yang saurki wina sin klir ai sâks.
19Yang waihli nani an brisna ba ra luki kaiks,
witin nani ai ikaia kat misbara ai kaikisa.
20¡Yang rayaki alki bris,
man sin swaki ai sâks!
¡Baha nani swirka swiri ai dauki ai rungkbiara,
yang lika man wina kaini kahbaika plikisni!
21Wapni sna ba lâka bara pâtkas sna ba sin, kaini sunanka bri kabia,
kan yang lika man ra baman kasakka lâka brisna.
22¡Gâdki,
man bui Israel ai trabilka sut wina swaki sâks!
Currently Selected:
Lawana Nani 25: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
