Lawana Nani 24
24
LAWANA 24 (23)
Prana kingka ba
Debit lawana.
1Tasba aiska na Dawan tasbaya sa,
diara bilara bâra ba sin;
tasba ra diara nani ai rayaka bri ba sin sut.#Law 50.12; 89.11; 2 Ko 10.26.
2Tasba playka nani ba Dawan bapan,
kabu nani bara awala nani purara mangkan.
3¿Ya Dawan ilka ra ulaia sip sa?
¿Dawan tempelka ra, ya takaski kaia sip sa?
4Witin ai mihta ai kupia lukanka nani,
tâski âpu bri ba;#Law 15.1-2; Ais 33.14-16; Mt 5.8.
witin aidul nani ra mayunras ba,
kunin muni swer taki aisaras ba.
5Dawan, ai Gâdka,
ai Sasakra ba mita yamni munan kabia,
ai kasakka lâka sin yabia.
6Dawan pliki nani ba baku daukaia sa,
Jekob Gâdka mawan pliki nani ba.
7¡Ban kaia ra getka nani ba, param taks,
param banhwi bas wâl wâl ra
bara king pranakira ba dimbia!
8¿Kingka pranakira na ya?
Baha sika Dawan, karna, kupia karna ba,
witin sika Dawan,
aiklabi piua ra kupia karna ba.
9Ban kaia getka nani ba, param taks,
param banhwi bas wâl wâl ra
bara king pranakira ba dimbia.
10¿Kingka pranakira na ya?
¡Baha sika karnika sut bri Dawanka ba!
¡Witin sika King pranakira ba!
Currently Selected:
Lawana Nani 24: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
