Lawana Nani 21
21
LAWANA 21 (20)
Pura luan lawana
Aiwani nani tâ bri ba wina. Debit lawana.
1Dawan,
man karnikam nani yaram ba dukiara,
king ba lilia sa;
¡lilia pali sa,
witin ra yaram pura luan ba mita!
2Ai kupia brin dauki kan ba,
witin ra yaram sa;
man ra makaban ba sin,
man bui witin ra takaskras kapram.
3Man bui witin ba yamnikam tara nani wal briram,
bara ai lal ra sin gul aihwa kraunka kum mangkram.
4Ai rayaka man wina makaban,
witin ra yaram,
rayaka yari kaia
ban kaia ra sin.
5Witin ra tâ baikram ba,
tingkika maikisna,
karnikam ba tara sa;
mayunra bara pain kulkan lâka witin purara kahbram.
6Witin ra yamnikam yabisma ban kaia ra;
man lika witin ai lamara sma,
witin ai kupia lilia daukisma.
7King, man lika Dawan ra luki tniwisma bamna,
kauhras ban kama;
¡Laih Purara iwi ba,
kupia latwanka bara kasak lukisma ba mita!
8Man karnikam ba,
waihlam nani sut pliki alkbia;
mihtam aihkika ba,
baha nani misbara mai kaiki ba pliki alkbia;
9man bui witin nani ba
pauta klauhi kubuska ra lulkma,
witin nani ai lâka daukaia param takma ba ra.
Dawan ai lawanka tara ni,
pauta klauhi bara witin nani ba angki tikbia.
10Witin nani ba tasba bara upla nani tila wina
sauhki tikma,
ai luhpia bara ai kiamka nani sut sin.
11Witin nani man mampara saura daukaia luki
diara nani daukbia ba,
kuna sip baku takras kabia.
12Man bui witin nani ra munrika plapbia;
pantamangka ba man bui witin nani ai mawanra mangki drama.
13¡Dawan, karnikam ba brih bus!
¡Yang nani lawana aiwani, man pura luisma ba dukiara lilia dauki banhwi kamni!
Currently Selected:
Lawana Nani 21: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
