Lawana Nani 20
20
LAWANA 20 (19)
Win taki pura luaia pura sunra
Aiwani nani tâ bri ba wina. Debit lawana.
1Dawan bui man ra pana aisabia,
trabil saura sma piua ra;
Jekob Gâdka ba kainam sunbia.
2Hilpkam blîkbia tâm baikaia,
Saion tempelka ba wina.
3Prisantkam nani yaram ba sut ban luki kabia,
sakripaiskam nani aiska angkisma ba, yamni pali kaikbia.
4Kupiam pliki ba kat maikbia,
diara daukaia lukisma ba,
sut dauki maikbia.
5Bara man pura luram ba,
yang nani liliaka daukamna,
yang nani Gâdki nina ba mâki,
plakinki nani sin bapamni.
¡Man diara nani makabram ba, sut aiska Dawan maikbia!
6Nanara kaikisni Dawan ba bui
batana laikan uplika ra,
ai waihla nani pura luaia yabisa;
witin kasbrika pura holikira ba wina aisi wibia,
bara ai mita aihkika karnika ni,
pura luanka tara nani yabia.
7Tila lika war truk nani bri ba ra lukisa,
tila lika aras nani ba ai karnika kulkisa;
sakuna yang nani lika,
Dawan Gâdki ba tâiura mangki brisni.#Law 33.16-17; S L 21.31; Os 1.7.
8Baha nani lula ba witin bui takalbia ba ra,
witin nani kauhbia,
sakuna yang nani lika bapi bûi kamna.
9Dawan, ¡king ra yas pura lubia!
¡Yang nani bui man ra winamna ba ra, pana ai aisas!
Currently Selected:
Lawana Nani 20: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
