Aiseya 56
56
Dawan lâka main kaiki mana ba
1Dawan naku win sa:
“Wapni lâka ba alki dauks,
bara man nani kasakka lâka ba dauks,
kan swaki mai sakaia lâka ba pat lamamra aula sa,
yang kasakki lâka sin param mamrikaia.
2Lilia pali sa baha uplika naha adarka nani nina bliki ba,
kasak luki kira baha nani sut daukisa,
ris yua#Ris yua: naha sika ris yua ba. ba kulkanka yabisa.
Witin aman kaikisa saura ba daukaia apia.”
3Bara tringsar kum Dawan ra yabaia ba wiaia apia sa:
“Dawan mita yang ra laihura saki ai swin sa
ai uplika nani wina.”
Bara yunok ba sin wibia apia:
“Kaiks yang na dus lâwan kum baku sna.”
4Kan Dawan ba aisisa:
“Yunok nani ba riski yua nani kulkisa kaka,
yang kupi lâka ba daukisa kaka
bara yang lâika ba sin ai lama bîla kat
witin nani alki bribia kaka,
5witin nani luhpia waitna nani ba,
luhpia mairin nani ba wal,
diara kum kau pain ba yang bui witin nani ra yabamna,#Imp St 20.8-11; Ais 58.13-14; Jir 17.19-27.
tempelki ra witin nani nina ba klaki ulbi yabamna;
kutbanki nani ba bilara bâra ban kaia;
ban kaia ra nina kum witin nani ra yabamna,
sip diki sakras kabia ba.
6Bara tringsar nani yang ra aiki nani ba,
duki daukaia bara latwan kaikaia,
bara duki dadaukra kabia,
ris yua ba kulkbia
bara tâski daukras kabia
bara sin pain bapi bri kabia,
yang lâika daukri ba,
7yang bui witin nani ba ilki holikira ra brih wamni,
yang ra ai pura sunaia watla ra
witin nani ba bri balamna lilia kaia daukamni.
Altarki ra daiwan aiska angki sakripaiska nani dauki ba sin yang brimna.
Kan waitla ba wan pura sunaia watla mâkan kabia
upla nani sut ba dukiara.#Mt 21.13; Mk 11.17; Lk 19.46.
8Yang yabrika kli tawi balbia bara asla takbia,
baha nani kau upla wala tasbaya ra bâra nani ba.”
Dawan, baha kasak aisisa.
Israel yarka kli tawi bal asla takbia baiwi takan ba.#Ais 60.1-14.
Tâ brabrira saura nani ba pâtkira kulkisa
9Daiwan wail nani unta ra bâra ba,
daiwan kraskira nani sut sin unta tara ra ba,
baha nani bal, sîp dakni ba sami âpu daukbia.
10Upliki nani aihwaki kaiki nani ba sut, blain man sa,
witin nani sut diara tânka briras sa.
Witin nani sut ba, yul bîlas wakras nani baku sa,
ai rayaka aiska ba bawi bara yaprisauhkan kaiki luisa;
yapan ra latwan kaikisa.
11Yul plun sanglang tauki nani ba,
plun pi kabia sin,
sip biara banhras sa,
sepad nani diara tânka briras;#Isi 34.2.
kumi bani ba ai yabalka kat wapisa,
kumi bani yakan ai yamnika briaia plikisa.
12Witin nani wisa:
“Kaisa yawan wain pliki diaia,
wain karna pain ba di bla takaia.
Yauhka yua ba sin, naiwa na baku kaia,
apia kaka yauhka kau di lilia kaia.”
Currently Selected:
Aiseya 56: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
