Popular Bible Verses from Aiseya 56

Share

Dawan naku win sa: “Wapni lâka ba alki dauks, bara man nani kasakka lâka ba dauks, kan swaki mai sakaia lâka ba pat lamamra aula sa, yang kasakki lâka sin param mamrikaia.

Lilia pali sa baha uplika naha adarka nani nina bliki ba, kasak luki kira baha nani sut daukisa, ris yua ba kulkanka yabisa. Witin aman kaikisa saura ba daukaia apia.”

Bara tringsar nani yang ra aiki nani ba, duki daukaia bara latwan kaikaia, bara duki dadaukra kabia, ris yua ba kulkbia bara tâski daukras kabia bara sin pain bapi bri kabia, yang lâika daukri ba, yang bui witin nani ba ilki holikira ra brih wamni, yang ra ai pura sunaia watla ra witin nani ba bri balamna lilia kaia daukamni. Altarki ra daiwan aiska angki sakripaiska nani dauki ba sin yang brimna. Kan waitla ba wan pura sunaia watla mâkan kabia upla nani sut ba dukiara.