Aiseya 53
53
1¿Ya kasak lukbia yawan dîa wali ba?#Ro 10.16.
¿Bara ya purara Dawan ba
ai karnika ba param sakan sa ki?#Jn 12.38.
2Dawan ba ai brinka sa
ai dukia dadaukra ba,
dus disang swap pâwi ba baku pâwaia
ai wakia tasba lâwan ra alki ba baku.
Mawan painka âpu, prana sin âpu;
yawan bui witin ra kaikbia ba ra,
yamni kaikaia tânka âpu kabia;
3upla nani witin ra bahki kulki lulki swin,
waitna kum ai wîna latwanka uya bri kan,#Law 22.6-7; Ais 49.7.
pât wahwaia ba ai natka takan.
Witin ra upla kum baku kaikaia uplika apia kan,
yawan bui witin ba bahki kulkan,
yawan bui witin ba wan tilara kulkras.
4Ban sakuna, yawan wan pâtka nani wahwaia kan ba witin twilkan,
bara yawan wan wîna latwanka pâtka nani ba witin mita wahwan;#Mt 8.17.
yawan lukan Gâd mita witin ra klala yaban insauhkan,
klala yabi mâyara batakan.
5Sakuna witin ba rausauhkan kan
yawan lika Dawan mapara babura nani takan tâka mita,
wipan, ai taya klungwan
yawan wan saurka nani ba tâwan;
yawan ra wan kupia kumi lâka ba wankaia klalka ba witin purara sunan,
witin ai wîna sukwanka nani ba mita
yawan nani wan rakan.#1 Pi 2.24.
6Yawan nani sut, sîp baku wan mawahkan,#1 Pi 2.25.
kumi bani ai yabalka ra tawi wan;
sakuna Dawan ba, yawan nani sut wan saurka ba,
witin ai purara sunan.
7Saura pali rausauhkan,
sakuna witin bawan lâka ra wan,
bara ai bîla sin sakras kan;
bara sîp baku ikaia pliska ra brih wan
bara ai bîla prakan kan,
ai bîla sin kwâkras kan
sim sîp kum taya irbi ba baku.#Par M 5.6.
8Witin pât âpu pali kan silak watla ra mangkan
bara upla kum sin âpu kan witin tâwan aisaia;#Ap St 8.32-33.
upla kumi sin witin dukiara dîa takbia ba lukras kan.
Naha tasba wina upla nani ba mita daiki sakan,
upliki nani saurka ba mita witin ra ikan.
9Witin ba, watawikira nani tilara bikan kan,
upla watawikira nani raitika ra bikan,
witin watawika lâka lika daukras kan,
ai bîla ra sin kunin lâka
âpu pali kan sakuna.#1 Pi 2.22.
10Dawan baku lukan witin ba baku rausauhkan ni taibaia.
Bara baku witin ai wîna ba yan
saurka nani ba tâwan
sakripais daukaia,
witin ai rayaka ba yari kabia
bara ai kiamka nani ba kaikbia,
witin ai warkka nani daukbia mita
Dawan dîa dauki ba sut yamni takbia.
11Ai sulka sari,
pât ailal brin ba ningkara,
ingni ba kaikbia,
bara ai âuyapah takbia;
Dawan napakan kasakkira ba,
upla ailal ra kasakkira kulkbia
bara sin pri sâkbia,
bara ai watawanka nani ba twilki brih wabia.
12Baha mita Gâd bui witin ra pliska kum yabia
upla tara nani tilara,
karnikira nani ba aikuki tilara pura lubia,
kan witin pruaia ai wîna ba yan,
watawikira nani tilara kulkan kata,#Mk 15.28; Lk 22.37.
kan kasak pali sika
upla manis upla saura ba witin twilkan
upla saura nani tâwan ai pura sunan.
Currently Selected:
Aiseya 53: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
