Popular Bible Verses from Aiseya 53

Share

Sakuna witin ba rausauhkan kan yawan lika Dawan mapara babura nani takan tâka mita, wipan, ai taya klungwan yawan wan saurka nani ba tâwan; yawan ra wan kupia kumi lâka ba wankaia klalka ba witin purara sunan, witin ai wîna sukwanka nani ba mita yawan nani wan rakan.

Yawan nani sut, sîp baku wan mawahkan, kumi bani ai yabalka ra tawi wan; sakuna Dawan ba, yawan nani sut wan saurka ba, witin ai purara sunan.

Ban sakuna, yawan wan pâtka nani wahwaia kan ba witin twilkan, bara yawan wan wîna latwanka pâtka nani ba witin mita wahwan; yawan lukan Gâd mita witin ra klala yaban insauhkan, klala yabi mâyara batakan.

upla nani witin ra bahki kulki lulki swin, waitna kum ai wîna latwanka uya bri kan, pât wahwaia ba ai natka takan. Witin ra upla kum baku kaikaia uplika apia kan, yawan bui witin ba bahki kulkan, yawan bui witin ba wan tilara kulkras.

Saura pali rausauhkan, sakuna witin bawan lâka ra wan, bara ai bîla sin sakras kan; bara sîp baku ikaia pliska ra brih wan bara ai bîla prakan kan, ai bîla sin kwâkras kan sim sîp kum taya irbi ba baku.

Dawan baku lukan witin ba baku rausauhkan ni taibaia. Bara baku witin ai wîna ba yan saurka nani ba tâwan sakripais daukaia, witin ai rayaka ba yari kabia bara ai kiamka nani ba kaikbia, witin ai warkka nani daukbia mita Dawan dîa dauki ba sut yamni takbia.

Dawan ba ai brinka sa ai dukia dadaukra ba, dus disang swap pâwi ba baku pâwaia ai wakia tasba lâwan ra alki ba baku. Mawan painka âpu, prana sin âpu; yawan bui witin ra kaikbia ba ra, yamni kaikaia tânka âpu kabia

Baha mita Gâd bui witin ra pliska kum yabia upla tara nani tilara, karnikira nani ba aikuki tilara pura lubia, kan witin pruaia ai wîna ba yan, watawikira nani tilara kulkan kata, kan kasak pali sika upla manis upla saura ba witin twilkan upla saura nani tâwan ai pura sunan.

Ai sulka sari, pât ailal brin ba ningkara, ingni ba kaikbia, bara ai âuyapah takbia; Dawan napakan kasakkira ba, upla ailal ra kasakkira kulkbia bara sin pri sâkbia, bara ai watawanka nani ba twilki brih wabia.

Witin pât âpu pali kan silak watla ra mangkan bara upla kum sin âpu kan witin tâwan aisaia; upla kumi sin witin dukiara dîa takbia ba lukras kan. Naha tasba wina upla nani ba mita daiki sakan, upliki nani saurka ba mita witin ra ikan.

Witin ba, watawikira nani tilara bikan kan, upla watawikira nani raitika ra bikan, witin watawika lâka lika daukras kan, ai bîla ra sin kunin lâka âpu pali kan sakuna.