Popular Bible Verses from Aiseya 54

Share

sakuna upla kumi sin kau bin daukras sa, baha mai sauhkaia sip ba; damhra kwahki nani ba sut bîla praki swima. Yang warkki dadaukra nani ra yabisna ba sika naha: pura luaia.” Dawan witin baha kasak aisisa.

Ban kra il nani ba, ai pliska wala ra tawbia kra bara kiuhsi nani ba tasba ra kauhbia kra, yang latwanki ba lika man dukiamra aihka lakamna apia, baku sin tasba ra kauhbia apia sa, yang lâ daukri kupia kumi lâka ba.” Dawan umpira mai kaiki ba baku wisa.

Si bripara, bara swiram sin bripara; kan bahki mai kulkan kabia apia bamna, swiram sin briaia apia sma. Man tiara kapram swirka ba âmya tiks, piarka takram swirka ba sin, kli lukankam ra bripara

kan mai papaskra ba, ai maya mairin mai bribia; ai nina ba Dawan karnika bri ba; man sasakrikam ba, Gâd Holikira, Israel wina ba, tasba aiska Gâdka ba.

Man tintkam watla ba kau tara dauks, wamtla bilara pamaia kwalka nani ba sin kau bîla tara dauks; diara aitani briras sma lukpara; kiwka nani yari dauks, wamtla playka dusa nani ba pain bapi wilks

Bara luhpiam nani sut ba, Dawan mita ai bîla ba smalkbia; bara witin nani sut pâwanka tara pali bribia.

Kupi baiwanka wiria lupia ba wal yang maiwan ba man wina piu prahni yukukri kan; sakuna umpira mai kaikan lâka ban kaia ba wal man dukiamra kupi swapnika lâka brimni.” Dawan mai swaki sasakra ba, baku wisa.

“Piua wiria lupia baman yang mai lulki mai swiri; sakuna umpira kaikan lâka tara ba wal, laimara kli asla mai daukamni.

“Noa ra aisari baku, lisamra dukiara aisi ba ra, kli tasba purara lisamra pura lubia apia. Baku pramis takan nanara kli man mampara kupi baikram ra apia, kli sin mai ikaia mai wimna apia.

Tawerkam nani ba, walpa manakira nani ni mâkamni, getkam nani ba sin walpa manakira ni paskamni, bara tawankam kutbanka ba sin sut walpa manakira ni paskamni.